JEREMAÏAH 10:8 - KA BAIBL

⁸ Hynrei, ki ïalong lang ki barunar bad ki babieit: ka jinghikai ki durblei, ka long tang ka met dieng.

Khasi CL Bible (BSI)

⁸ Ma ki baroh ki long kiba mutlop bad kiba bieit. Aïu ki lah ban nang na ki bleithaw dieng?

JEREMAÏAH 10:8 Mawu Ofanana

SALM 115:8

Kita kiba thaw ïa ki kin long kum ki; bad uwei uwei baroh ruh uba shaniah ha ki.

SALM 135:18

Kita kiba thaw ïa ki kin long kum ki; bad uwei uwei baroh uba shaniah ha ki.

ISAÏAH 41:29

Ha khmih, kine baroh, ki kam jong ki, ki long ka jingthala bad ei ei ruh em: ki dur jong ki, ba la saiñ ki long ka lyer bad kaba thala.

ISAÏAH 44:18

Kim tip, lymne kim pyrkhat: namar u la tap ïa ki khmat jong ki, ba kim lah ïohi; bad ïa ki dohnud jong ki, ba kim lah sngewthuh.

ISAÏAH 44:19

Bad ym don uba puson ha la ka dohnud, lymne ym don ka jingtip lane ka jingshemphang ïa ka ban ong, “Shi bynta nga la thang ding; bad nga la shet kpu ruh ha ki rnga jong u; nga la syang doh bad nga la bam: hato ngan pynlong ïa kaba sah, ka jingijli? Ngan dem ha ka met u dieng?”

JEREMAÏAH 10:14

U briew baroh u la kylla bieit khlem ka jingtip; ïa u bania baroh ka durblei jong u ka la pynlehrain ïa u: naba ka durblei ba la saiñ jong u ka long lamler, bad ym don mynsiem ha ki.

JEREMAÏAH 2:27

kiba ong ha u dieng, ‘Me long u kpa jong nga;’ bad ha u maw, ‘Me la pynkha ïa nga:’ naba ki la pynphai ïa la ka ingdong sha nga, te ym ïa la ka khmat: hynrei, ha ka por ka jingjynjar jong ki kin ong, ‘To ïeng, bad to pynim ïa ngi.’

JEREMAÏAH 3:9

Bad da ka jingleh sting ka jingleh nuti jong ka, ïa ka ri la pyntngit, bad ka la ïaklim bad ki maw bad ki dieng.

JEREMAÏAH 4:22

“Naba ki briew jong nga ki la bieit, kim ithuh ïa nga; ki long ki khynnah ki babieit, kim don jingsngewthuh ei ei: ki long ki basian ïa ka ban leh sniew, hynrei, ïa ka ban leh bha kim tip ei ei.”

JEREMAÏAH 5:4

Ynda kumta, nga la ong, “Shisha kine ki la long ki baduk: ki long ki babieit; naba kim tip ïa ka lynti U Trai, lymne ïa ka jingbishar U Blei jong ki;

HOSIA 4:12

U paidlang jong nga u ïaikylli ha la u dieng, bad u diengduh jong ki u ïathuh ha ki: namar ka mynsiem ka jingleh nuti ka la pynbakla ïa ki, bad ki la ïaid nuti napoh la U Blei.

JONAH 2:8

Kita kiba bat ïa ki jingthala kiba lamler, ki kyntait ïa la ka jong ka jingisynei.

HABAKKUK 2:18

Ka pynmyntoi aïu ka durblei, ba uta u nongthaw jong ka u la mutdur ïa ka; ïa kata ka durblei ba la saiñ, bad ïa uta u nonghikai ki jinglamler, ba uta u nongthaw jong ka jingthaw jong u, u shaniah ha ka, ïa ka ban thaw ki durblei ki bymnangkren?

SEKHARAÏAH 10:2

Naba ki teraph ki la kren ka jingthala, bad ki nongkren byrtong ki la ïohi ïa ka lamler; bad ki la ïathuh ïa ki jingphohsniew kiba shukor, ki pyntngen lehnohei: namar kata, ki la leit la ka lynti kum ki langbrot, la pynjynjar ïa ki, namar bymdon u nongsharai.