JEREMAÏAH 10:6 - KA BAIBL

⁶ Ym don uba kum ma me, A Trai; me long u bakhraw, bad ka kyrteng jong me ka long ka bakhraw ha ka bor.

Khasi CL Bible (BSI)

⁶ A Trai, ym don uno uno uba kum ma me; me long uba khrawbor, bad ka kyrteng jong me ka long kaba khraw bad kaba donbor.

JEREMAÏAH 10:6 Mawu Ofanana

2 SAMUEL 7:22

Namar kata, me long u bakhraw, A Trai U Blei; naba ym don uba kat ma me, lymne ym don U Blei nalor jong me, katba kum kata baroh ïa kaba ngi la ïohsngew da la ki shkor.

1 KHRONIKL 16:25

Naba u bakhraw long U Trai, bad ïa uba dei ïaroh eh: u long uba dei ruh ban sheptieng ïa u nalor ki blei baroh.

NEHEMAÏAH 4:14

Bad nga la khmih, bad nga la ïeng joit, bad nga la ong ha ki bakhraw batri, bad ha ki nongsynshar, bad ha kita kiwei pat na u paidlang, “Wat sheptieng ïa ki: kynmaw ïa U Trai, uba long u bakhraw bad ba-itieng, ban ïaleh na ka bynta la ki para, la ki khun shynrang bad la ki khun kynthei, la ki tnga bad la ki ïing.”

NEHEMAÏAH 9:32

“Mynta, namar kata, U Blei jong ngi, uba khraw, uba don bor, bad uba itieng, uba sumar ïa ka jutang bad ïa ka jingisynei, wat ai ba kane ka jingshitom baroh kan i rit ha khmat jong me, kaba la jia ïa ngi, ïa ki syiem jong ngi, ïa ki rangbah jong ngi, bad ïa ki lyngdoh jong ngi, bad ïa ki nongïathuhlypa jong ngi, bad ïa ki kpa jong ngi, bad u paidbah jong me baroh, naduh ki sngi ki syiem ka Assyria haduh kane ka sngi.

SALM 145:3

U bakhraw long U Trai, bad uba dei ïaroh eh; bad ka jingkhraw jong u ka bym lah ïit shuh.

SALM 147:5

U bakhraw long U Trai jong ngi, bad u bakhlaiñ ha ka bor; ka jingshemphang jong u ka bymkut shuh.

SALM 35:10

Ki shyieng jong nga baroh kin ong, “Ko Trai, uei uba kum ma me, uba pyllait ïa u baduk na uta uba kham khlaiñ ïa u, bad ïa u baduk bad ïa u barangli na uta uba lute ïa u!”

SALM 48:1

U bakhraw long U Trai, bad uba dei eh ban ïaroh, ha ka nongbah U Blei jong ngi, ha u lum bakyntang jong u.

SALM 96:4

Naba U Trai u long u bakhraw, bad uba dei ïaroh eh: u long uba dei ban sheptieng ïa u halor ki blei baroh.

EKSODOS 15:11

“Uei uba kat ma me, A Trai, hapdeng ki blei? uei uba kat ma me uba tyngshaiñ ha ka jingkhuid, uba itieng ha ki jingïaroh, uba leh ïa ki kam phylla?

EKSODOS 8:10

U te u la ong, “Lashai.” Bad u la ong, “To kan long katba kum ka ktien jong me: ba men ïoh tip ba ym don uno uno ruh uba kum U Trai U Blei jong ngi.

EKSODOS 9:14

Naba ha kane ka por, ngan sa phah ïa ki jingpynshitom jong nga baroh halor ka dohnud jong me, bad halor ki shakri jong me, bad halor ki briew jong me; khnang ba men ïoh tip ba ym don uba kat nga ha ka pyrthei baroh.

ISAÏAH 12:6

To risa jam bad to kynhui, pha kaba shong ha Seïon: namar u bakhraw hapdeng jong pha long uta U Bakhuid jong ki Israel.”

ISAÏAH 40:18

Badno te phin pynsyriem ïa U Blei? Bad ka dur aïu phin ïanujor bad u?

ISAÏAH 40:25

Badno te phin pynsyriem ïa nga, ba ngan long uba ïamarryngkat? ong uta U Bakhuid.

ISAÏAH 46:5

“Hano men pynsyriem ïa nga, bad pynryngkat ïa nga, bad ïapyrshang ïa nga, ba ngin ïalong syriem?

ISAÏAH 46:9

To kynmaw ïa kiei kiei kiba mynshuwa na mynbarim: namar nga, nga long U Blei, bad ym don uwei pat; nga long U Blei, bad ym don uba kat nga;

JEREMAÏAH 10:16

Uba ka bynta u Jakob um long kum kine; naba u long u banyngkong na kiei kiei baroh; bad u Israel u long ka jaid ka jingïoh kynti jong u: “U Trai ki paid” long ka kyrteng jong u.

JEREMAÏAH 32:18

uba leh ïa ka jingisynei ha ki hajar, bad uba siew bainong ïa ka pop ki kpa ha ka shadem ki khun jong ki, hadien jong ki: U Blei bakhraw, bad badonbor, ‘U Trai ki paid’ long ka kyrteng jong u:

DANIEL 4:3

“Kiba khraw katno ki long ki dak khyllah jong u! bad kiba don bor katno ki long ki jingphylla jong u! ka hima jong u ka long ka hima bymjukut, bad ka jingsynshar jong u kaba ha la ka rta.

DANIEL 4:34

“Te ha ka bakut kita ki sngi, nga, u Nebukhadnessar, nga la khmied la ki khmat sha bneng, bad ka jingshemphang jong nga ka la wan phai pat sha nga, bad nga la kyrkhu ïa U Bahakhlieh Tam Eh, bad nga la ïaroh bad nga la pyndonburom ïa uta u ba-im junom; “namar ka jingsynshar jong u ka long ka jingsynshar bymjukut, bad ka hima jong u pateng la pateng bynriew:

MALAKHI 1:11

Naba na kaba mih ka sngi jin haduh kaba sep jong ka, ka kyrteng jong nga ka long kaba khraw hapdeng ki Jentil; bad ha ka jaka baroh la ainguh da ka jingainguh baiwbih ha ka kyrteng jong nga, bad da ka jingainguh ka bakhuid: naba ka kyrteng jong nga ka long kaba khraw hapdeng ki Jentil,” ong U Trai ki paid.

1 KORINTH 8:6

hynrei, ïa ngi, don tang uwei U Blei U Kpa, na uba long kiei kiei baroh, bad ma ngi ha u; bad uwei U Trai uba U Jisu Khrist, da u, ba long kiei kiei baroh, bad ma ngi da u.

DEUTERONOMI 32:31

Namar u mawsiang jong ki um long kum U Mawsiang jong ngi; wat ki nongshun jong ngi hi ki long kiba bishar.

DEUTERONOMI 33:26

“Ym don uba kum U Blei, O Jeshurun, uba shong kulai halor ki bneng ïa ka ban ïarap ïa me, bad halor ki suiñbneng ha ka jinglong burom jong u.