JEREMAÏAH 10:5 - KA BAIBL

⁵ Ki long kum u dieng Tlai, ba la pynshad, te kim kren: ka dei ban bah ïa ki, namar kim lah ban ïaid. Wat sheptieng ïa ki; naba kim lah ban pynsniew, lymne kam long ha ki ban pynbha.”

Khasi CL Bible (BSI)

⁵ Kiba kum kine ki bleithaw ki long kum ki jingpyntieng ïa ki sim ha ki lyngkha sohkhia; kim lah ban kren; la dei ban rah ïa ki namar kim lah ban ïaid. Wat sheptieng ïa ki: kim lah ban pynmynsaw ïa phi, bad kim lah ban lehbha ïa phi.”

JEREMAÏAH 10:5 Mawu Ofanana

1 SYIEM 18:26

Bad ki la shim ïa uta u masi dab uba la ai ha ki, bad ki la khreh ïa u, bad ki la khot ha ka kyrteng u Baal naduh mynstep jin haduh shiteng sngi, ki ïa-ong, “A Baal, to sngew ïa ngi.” Hynrei, ym shym don ktien ei ei, lymne uno uno ba jubab. Bad ki la ïarynsied sawdong kata ka duwan kaba la thaw.

2 KHRONIKL 25:15

Namar kata, ka jingbitar U Trai ka la meh lep ïa u Amasaïah, bad u la phah ïa u nongïathuhlypa sha u, uba la ong ha u, “Balei ba me la leit wad ïa ki blei jong kita ki briew, ki bym shym la pyllait ïa la ki briew na ka kti jong me?”

ISAÏAH 16:12

Te kan jia haba u Moab u pyni ïa lade, haba u la thait ïan halor ka jaka bajrong, bad un wan sha la ka jaka kyntang ban duwai, ba un ym lah.

ISAÏAH 45:20

“To ïalum lang bad to wan; to ïawan hajan lang, phi kiba la ïohlait na ki jaid bynriew: kim don ka jingtip kiba rah ïa u dieng u bleithaw jong ki, bad kiba duwai ha u blei u bym lah pynim.

ISAÏAH 46:1

U Bel u dem khrup, u Nebo u dor ryngkhung; ki durblei jong ki, ki kit halor ki mrad, bad halor ki masi: kita kiei kiei kiba phi leit lam bad phi la pynlong jingkit, ka jingkit khia ïa u mrad bathait eh.

ISAÏAH 46:7

Ki bah ïa u ha ka tyrpeng, ki kit ïa u, ki buh ruh ïa u ha la ka jaka, te u ïeng; na la ka jaka un ym kynriah: bad uwei un pyrta ïa u, te um lah ban phai ktien, lymne pynim ïa uta na ka jingshitom jong u.

JEREMAÏAH 10:14

U briew baroh u la kylla bieit khlem ka jingtip; ïa u bania baroh ka durblei jong u ka la pynlehrain ïa u: naba ka durblei ba la saiñ jong u ka long lamler, bad ym don mynsiem ha ki.

HABAKKUK 2:19

Kordit ïa uta uba ong ha u dieng, “To khie;” ha u maw u bymnangkren, “To ïeng!” Un hikai une? Ha khmih, la suit halor ïa u da ka ksiar bad ka rupa, te ym don ka jingpyrsad hapoh jong u satia.

1 KORINTH 12:2

Phi tip ba mynba phi la long ki Jentil, la ju ïalam pynwir noh ïa phi sha kita ki bleithaw ki bymnangkren, katba la ïalam ïa phi.

1 KORINTH 8:4

Shaphang kaba bam, namar kata, na kita kiei kiei ruh ba la kñia ha ki bleithaw, ngi tip ba u bleithaw um long ei ei ruh em ha ka pyrthei, bad ba ym don U Blei, hynrei, tang uwei.

DEUTERONOMI 4:28

Te hangta, phin ïashakri ïa ki bleithaw, ïa kiba la thaw da ki kti ki briew, na u dieng, bad na u maw keiñ, ki bymïohi, lymne ki bymïohsngew, lymne kim bam, lymne iw ruh.