JEREMAÏAH 10:3 - KA BAIBL

³ Naba ki rukom ki kynja bynriew ki long ka jingthala: naba u briew u khet ïa u dieng na khlaw, ka kam ki kti u nongtrei da u sdie.

Khasi CL Bible (BSI)

³ Ka niam jong kine ki briew ka long ka bymdondor ei ei. La khet ïa u dieng ha khlaw; la ohdur da ki tiar u nong-ohdieng,

JEREMAÏAH 10:3 Mawu Ofanana

SALM 115:4

Ki durblei jong ki, ki long kiba da ka rupa bad ka ksiar, ka kam ki kti ki briew.

ISAÏAH 45:20

“To ïalum lang bad to wan; to ïawan hajan lang, phi kiba la ïohlait na ki jaid bynriew: kim don ka jingtip kiba rah ïa u dieng u bleithaw jong ki, bad kiba duwai ha u blei u bym lah pynim.

JEREMAÏAH 1:16

Bad ngan kren ïa ki jingbishar jong nga pyrshah ïa ki, shaphang ka jingbymman jong ki baroh, ha kaba ki la lyndet ïa nga, bad ki la thang ïa ka jingiwbih ha kiwei pat ki blei, bad ki la mane ïa ki kam ki kti jong ki hi.

JEREMAÏAH 10:8

Hynrei, ki ïalong lang ki barunar bad ki babieit: ka jinghikai ki durblei, ka long tang ka met dieng.

JEREMAÏAH 14:22

Don hapdeng ki jingthala ki Jentil kiba lah ban pynhap slap? Lane ki bneng ki lah ban ai 'lap praw? Ym long ma me uta, A Trai U Blei jong ngi? Namar kata, ngin ap khmih ïa me; namar me la thaw ïa kiei kiei baroh.

JEREMAÏAH 16:19

A Trai, ka bor jong nga, bad ka kut baskhem jong nga, bad ka jaka rieh jong nga ha ka sngi ka jingjynjar, sha me ki jaid bynriew kin wan na ki bakut ka khyndew, bad kin ong, “Ki kpa jong ngi kim shym ïoh ei ei, hynrei, tang ki jinglamler, ïa ka jingthala keiñ, bad kiei kiei ki bym pynmyntoi.

JEREMAÏAH 2:5

kumne u ong U Trai, “Ka jingbymhok aïu ki kpa jong phi ki la shem ha nga, ba ki la leit jngai na nga, bad ki la ïabeh ïa ka jingthala, bad ba ki la kylla thala?

LEBITIKOS 18:30

Namar kata, to sumar ïa ka hukum jong nga, ba phin ym leh ïa kawei na kine ki rukom ba-ijli, ba ki la ju leh mynshuwa ïa phi, bad ba phin ym pyntngit sang ïa lade ha ki: Nga long U Trai U Blei jong phi.’ ”

MATHAÏOS 6:7

“Bad haba phi duwai, wat bun ktien bieit kum ki Jentil: naba ki ïamut ba yn sngew ïa ki namar kaba bun ktien jong ki.

KI KAM 19:26

Bad phi ïohi bad phi ïohsngew ruh, ba ym tang ha Ephesos hi, hynrei, la jan ha baroh kawei ka Asia, une u Paul u la pynkohnguh bad u la pynkylla noh ïa u paidbah babun, u da ong, ba kim long ki blei kita kiba la thaw da ki kti;

Ka Shithi U Paul Sha Ki Nong Rom 1:21

Namar haba ki la tip ïa U Blei, kim shym la pyndonburom ïa u kum U Blei, lymne kim shym la ainguh: hynrei, ki la man thala noh ha ki jingpyrkhat jong ki, kumta la pynsynñia tiaw ïa ka dohnud bieit jong ki.

1 PETROS 1:18

haba phi tip ba ym da kiei kiei ki basep, kum ka rupa lane ka ksiar, ba la siewspah ïa phi na kata ka jinglong jingim bathala jong phi ïa kaba la aiti pateng la pateng na ki kpa;