JEREMAÏAH 10:2 - KA BAIBL

² Kumne u ong U Trai, “Wat hikai ïa ka lynti jong ki jaid bynriew, bad wat khaw-eit ïa ki dak jong ka bneng; naba ki jaid bynriew ki khaw-eit ïa kita.

Khasi CL Bible (BSI)

² U ong, “Wat bud ïa ki rukom jong kiwei pat ki jaitbynriew; wat khih jingmut da ki jingïohi bym ju kham ïohi ha ka sahit bneng, wat la kiwei pat ki jaitbynriew ki la sheptieng.

JEREMAÏAH 10:2 Mawu Ofanana

JENESIS 1:14

U Blei u la ong ruh, “To long ki jingshai ha ka sahit bneng ban pynïakhlad hapdeng ka sngi bad ka miet; bad to ai ba kin long ïa ki dak, bad ïa ki aïom, bad ïa ki sngi, bad ïa ki snem de:

JEREMAÏAH 10:1

To sngew phi ïa ka ktien kaba U Trai u kren ha phi, ko ka ïing Israel:

ESEKIEL 20:32

“Bad kata kaba wan ha ka jingmut jong phi kan ym long satia; ha kaba phi ong, ‘Ngin ïalong kum kiwei ki jaid bynriew, kum ki kynhun jaid bynriew jong ki ri baroh, ban shakri ïa u maw u dieng.’

LEBITIKOS 18:3

Wat leh katba kum ki jingleh ka ri Ijipt, ha kaba phi la ju shong: lymne wat leh katba kum ki jingleh ka ri Kanaan, sha kaba nga ïalam ïa phi: lymne wat ïaid katba kum ki niam ki rukom jong ki.

LEBITIKOS 20:23

Bad wat ïaid katba kum ki hukum ki jaid bynriew, ïa kiba ngan sa leit beh noh ha khmat jong phi: naba ïa kine kiei kiei baroh ki la leh ma ki: namar kata keiñ, nga la ijli ïa ki.

DEUTERONOMI 18:9

“Ynda me la wan sha kata ka ri ïa kaba U Trai uba U Blei jong me u ai ha me, men ym hikai ban bud ïa ki jingijli jong kita ki jaid bynriew.

NONGBISHAR 6:10

nga la ong de ha phi: ‘Nga long U Trai uba U Blei jong phi; phin ym sheptieng ïa ki blei ki Amor, ha ka ri jong kiba phi shong’; hynrei, phim shym la shahshkor ïa ka ktien jong nga.”