JEREMAÏAH 1:9 - KA BAIBL

⁹ Ynda kumta, U Trai u la sei ïa la ka kti, bad u la ktah ïa ka shyntur jong nga; bad U Trai u la ong ha nga, “Ha khmih, nga la buh ïa ki ktien jong nga ha ka shyntur jong me:

Khasi CL Bible (BSI)

⁹ Nangta U Trai u la kner ïa la ka kti bad u la ktah ïa ki rmiang shyntur jong nga, bad u la ong ha nga, “To shahshkor, nga ai ha me ki kyntien kiba me dei ban kren.

JEREMAÏAH 1:9 Mawu Ofanana

ISAÏAH 49:2

te u la pynlong ïa ka shyntur jong nga kum ka waitlam banep, ha ka jingkah ka kti jong u, u la buhrieh ïa nga; u la pynlong ruh ïa nga u khnam ba la pynjlih, ha ka ryngkap jong u, u la buhrieh khop ïa nga:

ISAÏAH 50:4

U Trai U Blei u la ai ha nga u thylliej jong kiba la shah hikai, ba ngan tip kumno ban shan da ki ktien ïa uta uba thait: u pynkyndit man la ka step, u pynkyndit ïa ka shkor jong nga ban sngap kum kiba la shah hikai.

ISAÏAH 51:16

Nga la buh ruh ïa ki ktien jong nga ha ka shyntur jong me, bad nga la tap ïa me ha ka jingkah ka kti jong nga, ba ngan ïoh thung ïa ki bneng, bad pynshong nongrim ïa ka khyndew, bad ong ha Seïon, ‘Ma pha, pha long u paidlang jong nga.’ ”

ISAÏAH 59:21

“Nga te, kane ka long ka jutang jong nga bad ki,” ong U Trai: “U Mynsiem jong nga uba ha me, bad ki ktien jong nga kiba nga la buh ha ka shyntur jong me, kin ym kynriah noh na ka shyntur jong me, lymne na ka shyntur u symbai jong me, lymne na ka shyntur u symbai jong u symbai jong me,” ong U Trai, “naduh mynta bad ha la ka rta.”

JEREMAÏAH 15:19

Namar kata, kumne u ong U Trai, “Lada men phai pat, te ngan wallam ïa me pat, ba men ïoh ïeng ha khmat jong nga; bad lada men shim ïa kaba kordor na kaba poh, te men long kum ka shyntur jong nga: ki kin phai pat sha me, hynrei, me men ym phai pat sha ki.

JEREMAÏAH 34:6

Te u Jeremaïah u nongïathuhlypa u la kren ïa kine ki ktien baroh ha u Sedekaïah u syiem ka Judah ha Jerusalem,

JEREMAÏAH 36:2

“To shim ha me kawei ka kot bakli, bad to thoh ha ka ïa ki ktien baroh kiba nga la kren ha me pyrshah ïa ki Israel, bad pyrshah ïa ki Judah, bad pyrshah ïa ki jaid bynriew baroh, naduh kata ka sngi ba nga la kren ha me, na ki sngi jong u Josaïah, haduh kane ka sngi keiñ.

JEREMAÏAH 5:14

Namar kata, kumne u ong U Trai, U Blei ki paid, “Namar ba phi kren ïa kane ka ktien, ha khmih, ngan pynlong ïa ki ktien jong nga ka ding ha ka shyntur jong me, bad ki dieng ïa une u paidbah, bad kan bam duh ïa ki.

ESEKIEL 3:10

Nalor kata ruh, u la ong ha nga, “Ko khun u briew, ïa ki ktien jong nga baroh kiba ngan kren ha me, to pdiang da la ka dohnud, bad to sngap da la ki shkor.

DANIEL 10:10

Bad ha khmih, ka kti ka la ktah ïa nga, kaba la khyllie pynshan khohsiew bad shan kti ïa nga.

DANIEL 10:16

Te ha khmih, uwei uba kum u khun bynriew u la ktah ïa ki rmiang shyntur jong nga: ynda kumta, nga la ang la ka shyntur bad nga la kren bad nga la ong ha uta uba ïeng ha khmat jong nga, “A kynrad jong nga, ki jingsngewsih jong nga ki la tyllep ïa nga namar kata ka jingithuhpaw, te ka bor kam don shuh ha nga.

JINGKHEIÑ 23:5

Te U Trai u la buh ktien ha ka shyntur u Balaam, bad U la ong, “To leit phai sha u Balak, bad kumne men kren.”

MATHAÏOS 10:19

Hynrei, ynda ki ïa-ai noh ïa phi, wat sngewkhuslai, kumno, lane kaei ba phin kren; naba yn ai ha phi ha kata ka por, ïa kaei ba phin kren.

MARKOS 7:33

Te haba U la shim noh ïa u kyrpang weibriew na uta u paidbah, U la buh ïa la ki shynriah'ti ha ki shkor jong u, bad haba U la lah biah, U la ktah ïa u thylliej jong u;

LOUKAS 12:12

naba U Mynsiem Bakhuid un hikai ïa phi ha kata ka por, ïa kaei ba phi dei ban ong.”

LOUKAS 21:15

naba ngan ai ha phi ka shyntur bad ka jingstad, ïa kaba ki nongïaleh jong phi baroh keiñ kin ym lah ban ïasei nia kylliang, lane ban ïasaid kylliang.

DEUTERONOMI 18:16

kat kumba me la kwah baroh na U Trai uba U Blei jong me ha Horeb ha ka sngi kata ka jingïaseng, da kaba ong, ‘Wat ai ngan ïohsngew shuh ïa ka ktien U Trai uba U Blei jong nga, lymne wat ai ba ngan ïohi shuh ïa kane ka ding ka bakhraw, ïoh ngan ïap.’

DEUTERONOMI 18:17

Te U Trai u la ong ha nga, ‘Kata ïa kaba ki la kren ka long kaba dei.

DEUTERONOMI 18:18

Ngan pynmih ha ki ïa u nongïathuhlypa napdeng ki para jong ki, uba kum ma me keiñ; bad ngan buh ïa ki ktien jong nga ha ka shyntur jong u, bad un kren ha ki ïa kata baroh ïa kaba ngan hukum ïa u.