JEREMAÏAH 1:7 - KA BAIBL

⁷ Hynrei, U Trai u la ong ïa nga, “Wat ong, ‘Nga dang khynnah:’ naba ha kino kino kiba ngan phah ïa me men leit keiñ, bad ïa kaei kaei kaba ngan hukum ïa me men kren keiñ.

Khasi CL Bible (BSI)

⁷ Hynrei U Trai u ong ha nga, “Wat ong ba me dang khynnah eh, hynrei khie leit sha ki briew kiba nga phah ïa me, bad ïathuh ha ki ïa kaei kaei baroh kaba nga hukum ïa me ban ong.

JEREMAÏAH 1:7 Mawu Ofanana

1 SYIEM 22:14

U Mikaïah te u la ong, “Kumba im U Trai, ïa kaba U Trai un ong ha nga, ïa kata ngan kren.”

1 SYIEM 3:7

Mynta te, A Trai U Blei jong nga, me la pynlong syiem ïa la u shakri ha ka jaka u Dabid u kpa jong nga: bad nga long tang u khynnah u barit; ngam tip kumno ban mih shabar lane ban rung shapoh.

2 KHRONIKL 18:13

Te u Mikaïah u la ong, “Katba U Trai u im, ïa kaba U Blei jong nga u ong, ïa kata ngan kren.”

EKSODOS 6:29

ba U Trai u la kren ha u Moses, u da ong, “Nga long ma nga U Trai: to men kren ha u Pharaoh u syiem ka ri Ijipt ïa baroh kaba nga ong ha me.”

JEREMAÏAH 26:2

“Kumne u ong U Trai: ‘To ïeng ha ka phyllaw ka ïing U Trai, bad to kren ha ki shnong Judah baroh, kiba wan mane ha ka ïing U Trai, ïa ki ktien baroh kiba nga la hukum ïa me ban kren ha ki; wat tyngkai wat kawei ka ktien.’

JEREMAÏAH 43:1

Te haba u Jeremaïah u la pynkut ïa ka ban kren ïa ki ktien baroh ki jong U Trai U Blei jong ki ha ki paidbah baroh da kiba U Trai U Blei jong ki u la lah phah ïa u ha ki, kine ki ktien baroh keiñ,

JEREMAÏAH 7:27

“To men kren ïa kine ki ktien baroh ha ki; hynrei, kin ym shahshkor ïa me: men khot ïa ki ruh; hynrei, kin ym phai ktien ïa me.

ESEKIEL 2:7

Hynrei, to men kren ïa ki ktien jong nga ha ki, lada kin sngap, lane lada kin ym sngap: namar ki long kiba ïaleh pyrshah eh.

ESEKIEL 3:27

Hynrei, haba nga ïakren bad me, ngan plie ïa ka shyntur jong me, bad men ong ha ki, ‘Kumne u ong U Trai U Blei: “Uta uba sngap, to un sngap; bad uta u bymsngap, to un ym sngap: namar ki long ka ïing ba ïaleh pyrshah.” ’ ”

AMOS 7:15

te U Trai u la shim noh ïa nga na kaba sharai ïa ka kynhun, bad U Trai u la ong ha nga, ‘Khie leit, ïathuhlypa ha ki Israel ki briew jong nga.’

JONAH 3:2

“To ïeng, to leit sha Ninebeh, kata ka nongbah kaba khraw, bad to ïathuhkhana ha ka, ïa ka jingïathuhkhana kaba ngan ong ma nga ha me.”

JINGKHEIÑ 22:20

Te U Blei u la wan ha u Balaam mynmiet, bad U la ong ha u, “Lada ki la wan khot ïa me kine ki briew, to khie, to leit ruh lem bad ki; hynrei, pynban, ïa kata ka ktien ïa kaba ngan ïathuh ha me, ïa kata hi men leh keiñ.”

JINGKHEIÑ 22:38

U Balaam te u la ïathuh ha u Balak, “Ha khmih, nga la wan ha me: hynrei, nga hi, nga don bor aïu mynta ban ong ei ei ruh? Ïa kata ka ktien ïa kaba U Blei un buh ha ka shyntur jong nga, ïa kata ngan kren keiñ.”

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

KI KAM 20:27

Namar ngam shym la pep ban ïathuh ha phi ïa ka mon ka jong U Blei baroh.