JEREMAÏAH 1:5 - KA BAIBL

⁵ “Haba ngam pat pynlong ïa me ha ka kpoh nga la ithuh ïa me, bad haba mem pat mih na ka kpoh nga la pynkyntang ïa me; nga la thung ïa me ban long u nongïathuhlypa ïa ki jaid bynriew.”

Khasi CL Bible (BSI)

⁵ “Nga la jied ïa me ha shuwa ba nga ai jingim ïa me, bad ha shuwa ba yn kha ïa me, nga la jied ïa me ban long u nongïathuhlypa sha ki jaitbynriew.”

JEREMAÏAH 1:5 Mawu Ofanana

SALM 139:15

Ym shym la buhrieh na me ïa ka dur jong nga, haba la thaw ïa nga ha kaba rieh, bad ba la thaw stad ïa nga ha kiba jylliew eh ka khyndew.

SALM 139:16

Ki khmat jong me ki la ïohi ïa ka tynrai bym pat long dur jong nga, bad ha ka kitab jong me la thoh ïa ki dkhot met jong nga baroh, kiba la thaw dur ïa ki ha la ka sngi, ha bym pat la don kawei na ki.

EKSODOS 33:12

Te u Moses u la ong ha U Trai, “Ha khmih, me la ong ha nga, ‘To ïalam artet ïa une u paidbah:’ bad mem shym la pyntip ïa nga ïano men phah ryngkat bad nga. Pynban me la ong, ‘Nga ithuh ïa me da ka kyrteng, bad me la shem ruh ka jingsngewbha ha khmat jong nga.’

EKSODOS 33:17

Te U Trai u la ong ha u Moses, “Ngan leh ïa kane ruh ïa kaba me la kren: naba me la ïoh shem ka jingsngewbha ha khmat jong nga, bad nga ithuh ïa me da ka kyrteng.”

ISAÏAH 44:2

kumne ong U Trai uba la thaw ïa me, bad uba la pynlong ïa me naduh ka kpoh, u ban ïarap ïa me: “Wat sheptieng, ko Jakob u shakri jong nga; bad me, u Jeshurun, ïa uba nga la jied.

ISAÏAH 49:1

To sngap ïa nga, ko ki 'dewlynnong; bad to shahshkor, phi ki bynriew, kiba na jngai: U Trai u la khot ïa nga naduh ka kpoh; na ka kpoh ka kmie jong nga u la pynkynmaw ïa ka kyrteng jong nga;

ISAÏAH 49:5

Te mynta u ong U Trai uba la thaw ïa nga na ka kpoh ban long u shakri jong u, ban wallam pat ha u ïa u Jakob, bad ban ïalum ïa ki Israel ha u: (naba nga long uba donburom ha khmat U Trai, bad U Blei jong nga u long ka bor jong nga:)

JEREMAÏAH 1:10

ha khmih, ha kane ka sngi nga la thung ïa me halor ki jaid bynriew bad halor ki hima, ïa ka ban rat noh bad ban pyntwa, ïa ka ban pynduh ruh bad ban pynkyllon; ïa ka ban tei, bad ïa ka ban thung.”

JEREMAÏAH 1:4

Te ka ktien U Trai ka la wan ha nga, kaba ong,

JEREMAÏAH 20:15

Long ba la tim uta u briew uba la ïathuh ha u kpa jong nga, u da ong, “La kha khun shynrang ha me;” ba u da pynkmen ïa u shibun.

JEREMAÏAH 25:13

Bad ngan wallam halor kata ka ri ïa ki ktien jong nga baroh kiba nga la kren pyrshah ïa ka, ïa kata baroh keiñ kaba la thoh ha kane ka kitab, ïa kaba u Jeremaïah u la ïathuhlypa pyrshah ïa ki jaid bynriew baroh.

JEREMAÏAH 36:2

“To shim ha me kawei ka kot bakli, bad to thoh ha ka ïa ki ktien baroh kiba nga la kren ha me pyrshah ïa ki Israel, bad pyrshah ïa ki Judah, bad pyrshah ïa ki jaid bynriew baroh, naduh kata ka sngi ba nga la kren ha me, na ki sngi jong u Josaïah, haduh kane ka sngi keiñ.

JEREMAÏAH 50:34

U Nongpynim jong ki u long u bakhlaiñ; ‘U Trai ki paid’ long ka kyrteng jong u: un ïasaid lut ïa ka kam jong ki, ba un pynjahthait ïa ka khyndew, bad ba un pynkhih ïa kiba shong ha Babilon.

LOUKAS 1:15

naba un long uba khraw ha khmat U Trai, bad un ym dih ïa ka Waiñ lane ka kyiad; bad yn pyndap ïa u da U Mynsiem Bakhuid, wat naduh ka kpoh ka kmie jong u:

LOUKAS 1:41

Ka la jia ruh, katba ka Elisabet ka la ïohsngew ïa ka jingkhublei jong ka Mari, la khih i khun ha ka kpoh jong ka; bad la pyndap ïa ka Elisabet da U Mynsiem Bakhuid.

LOUKAS 1:76

Me ruh, ko khun, yn khot ‘u nongïathuhlypa jong U Bahakhlieh Tam Eh’; naba men leit ha shuwa ka khmat U Trai, ban pynkhreh ïa ki lynti bah jong U;

ÏOANNIS 10:36

ïa uta ba U Kpa u la pynkyntang, bad ba u la phah sha ka pyrthei, phi, phi ong, ‘Me krenbeiñ Blei’; namar ba nga la ong, ‘Nga long U Khun U Blei?’

Ka Shithi U Paul Sha Ki Nong Rom 1:1

U Paul, u shakri U Jisu Khrist, ïa uba la khot ban long apostol, ba la pynkyrpang sha ka gospel U Blei,

Ka Shithi U Paul Sha Ki Nong Rom 8:29

Namar ïa kiba u la ithuh lypa, u la thmu lypa ruh ban long kiba shidur keiñ bad ka dur ka jong U Khun jong u, ba un ïoh long uba la kha nyngkong hapdeng kiba bun ki para.

1 KORINTH 8:3

Hynrei, lada uno uno ruh u ieit ïa U Blei, ïa uta keiñ la ithuh da u.

EPHESOS 1:22

bad u la pyndem ïa kiei kiei baroh hapoh ki kjat jong u; bad u la buh ïa u, ban long U Khlieh halor kiei kiei baroh ïa ka balang,