JEREMAÏAH 1:3 - KA BAIBL

³ Ka la wan ruh ha ki sngi u Jehoïakim u khun u Josaïah, u syiem ka Judah, haduh ka bakut ka snem ka bakhatwei jong u Sedekaïah u khun u Josaïah, u syiem ka Judah; haduh ba la ring mraw noh ïa ka Jerusalem ha u bnai u basan.

Khasi CL Bible (BSI)

³ bad u la kren biang ha u haba u Jehoïakim u khun jong u Josaïah u long u syiem. Hadien kata, U Trai u la kren ha u bun bunsien, tad haduh ka snem kaba khatwei jong ka jingsynshar u Sedekaïah u khun jong u Josaïah. Ha u bnai uba san jong kata ka snem, ïa ki briew jong ka Jerusalem la ringmraw noh.

JEREMAÏAH 1:3 Mawu Ofanana

2 SYIEM 23:34

Bad u Pharaoh-nekoh u la pynlong syiem ïa u Eliakim u khun u Josaïah ha ka jaka u Josaïah u kpa jong u, bad u la pynkylla ïa ka kyrteng jong u, “u Jehoïakim”: hynrei, u la shim noh ïa u Jehoahas; bad ynda u la poi sha ka ri Ijipt, u la ïap hangta.

2 SYIEM 24:17

Bad u syiem ka Babilon u la pynlong syiem ha ka jaka jong u ïa u Mathaniah u para u kpa jong u, bad u la pynkylla ïa ka kyrteng jong u, u Sedekaïah.

1 KHRONIKL 3:15

Bad ki khun shynrang u Josaïah; u khun nyngkong u Johanan, u ba-ar u Jehoïakim, u balai u Sedekaïah, u basaw u Shallum.

JEREMAÏAH 1:4

Te ka ktien U Trai ka la wan ha nga, kaba ong,

JEREMAÏAH 34:1

Ka ktien kaba la wan ha u Jeremaïah na U Trai, haba u Nebukhadnessar u syiem ka Babilon, bad baroh u paidïapom jong u, bad baroh ki hima jong ka pyrthei kiba hapoh ka jingsynshar jong u, bad baroh kita ki kynja bynriew ki la ïaleh ïa ka Jerusalem, bad ïa ki shnong jong ka, ka da ong:

JEREMAÏAH 35:1

Ka ktien kaba la wan na U Trai ha u Jeremaïah ha ki sngi u Jehoïakim u khun u Josaïah, u syiem ka Judah, ka da ong,

JEREMAÏAH 36:2

“To shim ha me kawei ka kot bakli, bad to thoh ha ka ïa ki ktien baroh kiba nga la kren ha me pyrshah ïa ki Israel, bad pyrshah ïa ki Judah, bad pyrshah ïa ki jaid bynriew baroh, naduh kata ka sngi ba nga la kren ha me, na ki sngi jong u Josaïah, haduh kane ka sngi keiñ.

JEREMAÏAH 39:2

ha ka snem ka bakhatwei jong u Sedekaïah, ha u bnai u basaw, ka sngi ka bakhyndai jong uta u bnai, la pynlong ka jingpait ha kata ka nongbah:)

SEKHARAÏAH 7:5

“To kren ha u paidbah ka ri baroh, bad ha ki lyngdoh, to ong, ‘Mynba phi la shah jingit bad phi la ïam sngewsih ha u bnai u basan bad ha u bahynñiew, kine ki hynñiewphew snem, phi la shah jingit ha nga, ha nga keiñ?

SEKHARAÏAH 8:19

“Kumne u ong U Trai ki paid: ‘Ka jingshah jingit jong u bnai u basaw, bad ka jingshah jingit jong u basan, bad ka jingshah jingit jong u bahynñiew, bad ka jingshah jingit jong u bashiphew, kin long ha ka ïing Judah ka jingkmen bad ka jingshadkmen, bad Ki Jingkhawai kiba sngewbha: namar kata, to ieit ïa ka jingshisha bad ka jingsuk.’