JEREMAÏAH 1:10 - KA BAIBL

¹⁰ ha khmih, ha kane ka sngi nga la thung ïa me halor ki jaid bynriew bad halor ki hima, ïa ka ban rat noh bad ban pyntwa, ïa ka ban pynduh ruh bad ban pynkyllon; ïa ka ban tei, bad ïa ka ban thung.”

Khasi CL Bible (BSI)

¹⁰ Ha kane ka sngi nga ai ha me ka iktiar halor ki jaitbynriew bad ki hima ban rat bad ban pynkhyllem, ban pynjot bad ban bret sharud, ban tei bad ban thung.”

JEREMAÏAH 1:10 Mawu Ofanana

1 SYIEM 17:1

Te u Elijah u nong Tishbi, uba la long uwei na ki nong Gilead, u la ong ha u Ahab, “Katba im U Trai, U Blei ki Israel, ha khmat jong uba nga ïeng, kan ym don umjer lymne slap ha kine ki snem, hynrei, tang katba kum ka ktien jong nga.”

1 SYIEM 19:17

Te kan long, ba uta u ban lait na ka waitlam u Hasael, u Jehu un pynïap ïa u: bad uta u ban lait na ka waitlam u Jehu, u Elisha un pynïap ïa u.

EKLESIASTIS 3:3

ka por ban pynïap, bad ka por ban pynkhiah; ka por ban pynpra noh, bad ka por ban tei pat;

JEREMAÏAH 1:5

“Haba ngam pat pynlong ïa me ha ka kpoh nga la ithuh ïa me, bad haba mem pat mih na ka kpoh nga la pynkyntang ïa me; nga la thung ïa me ban long u nongïathuhlypa ïa ki jaid bynriew.”

JEREMAÏAH 24:6

Naba ngan peit ïa la ki khmat halor jong ki, ïa ka ban bha, bad ngan wallam pat ïa ki sha kane ka ri: bad ngan tei ïa ki, te ngan ym pynpra ïa ki; bad ngan thung ïa ki, te ngan ym rat noh ïa ki.

JEREMAÏAH 25:13

Bad ngan wallam halor kata ka ri ïa ki ktien jong nga baroh kiba nga la kren pyrshah ïa ka, ïa kata baroh keiñ kaba la thoh ha kane ka kitab, ïa kaba u Jeremaïah u la ïathuhlypa pyrshah ïa ki jaid bynriew baroh.

JEREMAÏAH 31:28

Bad kan jia ba kumba nga la ap ïa ki ban rat noh bad ban pyntwa noh, bad ban pynkyllon bad ban pynjot noh, bad ban pynshitom; kumta hi ngan ap ïa ki ban tei bad ban thung,” ong U Trai.

JEREMAÏAH 31:40

Bad ki ri them ki metïap baroh, bad ka jong ka dpei, bad ki lyngkha baroh haduh ka wah duid Kidron, haduh ka dong ka Khyrdop Kulai shaphang mihngi, kan long ka bakyntang ha U Trai; yn ym rat shuh, lymne pynkyllon ïa ka shuh ha la ka rta.”

JEREMAÏAH 36:2

“To shim ha me kawei ka kot bakli, bad to thoh ha ka ïa ki ktien baroh kiba nga la kren ha me pyrshah ïa ki Israel, bad pyrshah ïa ki Judah, bad pyrshah ïa ki jaid bynriew baroh, naduh kata ka sngi ba nga la kren ha me, na ki sngi jong u Josaïah, haduh kane ka sngi keiñ.

JEREMAÏAH 44:27

Ha khmih, nga ap khmih ïa ki, ïa ka ban sniew, te ym ïa ka ban bha: bad ïa ki briew jong ka Judah baroh kiba don ha ka ri Ijipt yn pynduh noh da ka waitlam bad da ka 'nemsniew, haduh ba kin da duh khoit.

JEREMAÏAH 45:4

Kumne men ong ha u, “Kumne u ong U Trai: ‘Ha khmih, ïa kata kaba nga la tei ngan pyntwa noh khoit, bad ïa kata kaba nga la thung ngan rat noh; bad ïa kane ha ka ri baroh kawei keiñ.

ESEKIEL 21:19

“Ko khun u briew to buh ïa lade ruh ar tylli ki lynti, ba ka waitlam u syiem ka Babilon kan wan; baroh ar kin ïawan mih na kawei ka ri: to buh dak ruh ïa ka jaka, buh dak ïa ka ha khlieh ka lynti kaba sha kata ka nongbah.

ESEKIEL 23:36

U Trai u la ong pat ha nga: “Ko khun u briew, men bishar ïa ka Oholah bad ïa ka Oholibah? to pynbna te ha ki ïa ki jingijli jong ki.

ESEKIEL 32:18

“Ko khun u briew, to ïambriew na ka bynta u paidbah ka Ijipt, to pynnoh ïa ki, ïa ka keiñ, bad ki khun kynthei jong ki jaid bynriew ba-donnam, sha ki bynta ba kham shapoh jong ka khyndew, lem bad kita kiba leit hiar sha ka thliew.

ESEKIEL 36:36

Ynda kumta, ki jaid bynriew kiba dang sah sawdong kylleng ïa phi kin ïoh tip ba nga U Trai nga la tei ïa ki jaka kiba la jot noh, bad nga la thung ïa kata kaba la long shrah: nga U Trai nga la kren ïa kata, bad ngan leh ruh ïa ka.”

ESEKIEL 43:3

Te ka la long katba kum ka jing-i jong kata ka jingithuhpaw keiñ kaba nga la ïohi, kum kata ka jingithuhpaw kaba nga la ïohi mynba nga la wan ban pynjot ïa ka nongbah; te kita ki jingithuhpaw ki la long kum kata ka jingithuhpaw kaba nga la ïohi hajan ka wah Khebar: te nga la hap da ka khmat jong nga.

HOSIA 6:5

Namar kata, nga la khet ïa ki da ki nongïathuhlypa; nga la pynïap ïa ki da ki ktien ka shyntur jong nga: bad ki jingbishar jong me ki long kum ka jingshai kaba leit mih noh.

AMOS 3:7

“Shisha U Trai U Blei un ym leh ei ei, khlem da pynpaw ïa la ka jingthmu ha la ki shakri ki nongïathuhlypa.

AMOS 9:11

“Ha kata ka sngi ngan pynïeng ïa Ka Tabernakl u Dabid kaba la kyllon, bad ngan pyndam ïa ki jingpynpei jong ka; bad ngan pynïeng pat ïa ki jingtwa jong ka, bad ngan tei pat ïa ki kumjuh kumba ha ki sngi mynbarim;

SEKHARAÏAH 1:6

Hynrei, kita ki ktien jong nga bad kita ki hukum jong nga, kiba nga la hukum ïa ki shakri jong nga ki nongïathuhlypa, ki la lap ne em ïa ki kpa jong phi? bad ki la phai bad ki la ong, ‘Kumba U Trai ki paid u la thmu ban leh ïa ngi, katba kum ki lynti jong ngi, bad katba kum ki jingleh jong ngi, kumta u la leh keiñ ïa ngi.’ ”