JENESIS 2:2 - KA BAIBL

² Te ha ka bahynñiew ka sngi, U Blei u la pyndep noh ïa la ka kam ïa kaba u la lah pynlong; bad ha ka bahynñiew ka sngi u la shong sngi na ka kam jong u baroh ïa kaba u la lah pynlong.

Khasi CL Bible (BSI)

² Ha ka sngi kaba hynñiew U Blei u la pyndep ïa kaei kaba u la trei bad u la sangeh treikam.

JENESIS 2:2 Mawu Ofanana

HEBRU 4:4

Namar u la ong ha kawei ka jaka shaphang ka sngi ka bahynñiew kumne: “Bad U Blei u la shong sngi noh ha ka sngi ka bahynñiew na ki kam jong u baroh.”

EKSODOS 31:17

Hapdeng jong nga bad ki khun Israel, kane ka long ka dak ha la ka rta: ba ha ka bahynriew sngi, U Trai u la thaw ïa ka bneng bad ïa ka khyndew, bad ha ka sngi ka bahynñiew u la shong sngi, bad u la shong pyngngad.’ ”

DEUTERONOMI 5:14

hynrei, ka bahynñiew ka sngi, long ka Sabbaton ha U Trai uba U Blei jong me: ha kata, men ym leh ïa kaei kaei ruh ka kam, ma me, lymne u khun jong me, lymne ka khun jong me, lymne u shakri jong me, lymne ka shakri jong me, lymne u masi jong me, lymne ka kadda jong me, lymne ki jingri jong me, lymne u nongwei uba hapoh ki phalor jong me; ba u mraw jong me, bad ka mraw jong me kin ïoh shongthait kumjuh kum ma me hi.

EKSODOS 23:12

“Hynriew sngi men leh ïa ka kam jong me, bad ha ka sngi ka bahynñiew men shong sngi: ba u masi jong me, bad ka kadda jong me kin ïoh shongthait, bad ba u khun ka mraw jong me, bad u nongwei, kin shong pyngngad ruh.

ÏOANNIS 5:17

Hynrei, U Jisu u la ïathuh ha ki, “U Kpa jong nga u trei haduh mynta, nga ruh nga trei.”

ISAÏAH 58:13

“Lada men phai noh ïa la ka sla'jat na ka Sabbaton, na kaba leh ïa la ka jingsngewbha ha ka sngi bakyntang jong nga; bad men khot ruh ïa ka Sabbaton ‘ka jingsngewbha,’ bad ka bakyntang jong U Trai ‘kaba donburom;’ bad men burom ïa ka, khlem da leh ïa la ki jong ki lynti, lymne wad ïa la ka jong ka jingsngewbha, lymne kren ïa la ki jong ki ktien:

JENESIS 1:31

Hadien kata, U Blei u la ïohi ïa kiei kiei baroh ba u la lah thaw, ha khmih ruh, ka la bha eh. Te kaba la janmiet ka la long, bad kaba mynstep ruh ka la long, ha ka sngi ka bahynriew.

HEBRU 4:10

Namar uta uba la leit bsut sha ka jingjahthait jong u, u hi ruh, u la shongthait na ki kam jong u, kumba U Blei u la leh na kita ki jong u.

JENESIS 2:3

Bad U Blei u la kyrkhu ïa kata ka bahynñiew ka sngi, bad u la kyntang khuid ïa ka: naba ha kane ka sngi u la shong sngi na ka kam jong u baroh ïa kaba U Blei u la lah pynlong bad thaw.

EKSODOS 31:15

Hynriew sngi ka dei ban trei jingtrei; hynrei, ha ka sngi ka bahynñiew ka long ka Sabbaton ka jingshongthait, ka bakhuid ïa U Trai: jar uba trei jingtrei ha ka sngi Sabbaton, yn pynïap noh shisha ïa u.