JAKOB 5:7 - KA BAIBL

⁷ Namar kata, to shah slem, ko parabangeit, haduh kata ka jingwan U Trai. Ha khmih, uba rep u ap khmih ïa u soh bakor jong ka khyndew, u da ïai-ap slem ïa u, tad ynda u la ïoh pdiang ïa u slap bashuwa bad bakhatduh.

Khasi CL Bible (BSI)

⁷ To long kiba ïaishah, namarkata, ko parabangeit jong nga, haduh ba U Trai un wan. Khmih katno u nongrep u long uba ïaishah haba u ap ïa la ka khyndew ban pynmih ïa ki jingthung kiba kordor. U ïaishah ban ap ïa u slap synrai bad ïa u slap pyrem.

JAKOB 5:7 Mawu Ofanana

JEREMAÏAH 5:24

Lymne kim ong ha la ka dohnud, ‘To ngin ïasheptieng ïa U Trai U Blei jong ngi, u ba ai ïa u slap ha la ka aïom, u 'lap nyngkong bad u 'lap khatduh; uba pynsumar ïa ngi ïa ki taïew ba la buh jong ka jingot.’

HOSIA 6:3

To ngin ithuh ruh, to ngin nang beh ban ithuh ïa U Trai; ka jingmih jong u ka skhem kum ka step: te un wan ha ngi kum u slap, kum u 'lap khatduh uba ai um ïa ka khyndew.

JOEL 2:23

“To ïasngewbha te, phi ki khun ka Seïon, bad to leh kmen ha U Trai U Blei jong phi: naba u ai ha phi ïa u slap uba shuwa ha ka jingthew kaba biang, bad u pynhap ïa u slap ha phi, u slap uba shuwa bad u slap uba khatduh, ha u bnai banyngkong.

SEKHARAÏAH 10:1

To pan slap na U Trai ha ka aïom u slap bakhatduh, na U Trai uba pynlong ïa ka leilieh; te un ai ha ki, ïa u 'lap praw, ha uwei uwei baroh ïa u phlang ha lyngkha.

MATHAÏOS 16:27

Naba U Khun u briew un sa wan ha ka burom U Kpa jong u lem bad ki angel jong u, ynda kumta, un ai ha uwei pa uwei katba kum ka jingleh jong u.

MATHAÏOS 16:28

Shisha nga ong ha phi, don kiba ïeng hangne ki ban ym mad ïa ka jingïap, tad ynda ki la ïohi ïa U Khun u briew ba u wan ha ka hima jong u.”

MATHAÏOS 24:27

Naba kumba ka mih noh ka leilieh na mihngi, bad ka shai haduh sepngi, kumta ruh kan long ha kata ka jingwan U Khun u briew.

MATHAÏOS 24:44

Naba kumta, phi ruh to long kiba la kloi; naba ha ka por ba phim mut, u wan U Khun u briew.

LOUKAS 18:8

Nga ong ïa phi, ba un bishar hok ïa ki kumne kumne ruh. Hynrei, ynda wan U Khun u briew, un shem ne em ïa ka jingngeit ha ka pyrthei?”

LOUKAS 21:27

Ynda kumta, te kin ïohi ïa U Khun u briew ba u da wan ha u lyoh, da ka bor bad ka burom bakhraw.

LOUKAS 8:15

Te uta uba ha ka khyndew ka babha, kine ki long kita kiba da ka dohnud ka bahok bad ka babha, haba ki la ïohsngew ïa ka ktien, ki bat skhem ïa ka, bad ki sei soh da ka jingïaineh.”

ÏOANNIS 21:22

U Jisu u ïathuh ha u, “Lada nga mon ba un sah tad ynda nga wan, ka pher aïu ïa me? to bud ma me ïa nga.”

ÏOANNIS 21:23

Namar kata, la phriang kane ka jingong hapdeng ki parabangeit, ba uta u synran un ym ïap: hynrei, U Jisu um shym la ong ha u ba un ym ïap, hynrei, “Lada nga mon ba un sah tad ynda nga wan, ka pher aïu ïa me?”

Ka Shithi U Paul Sha Ki Nong Rom 15:4

Namar ïa kiei kiei baroh ba la thoh mynbarim, la thoh khnang ban long ka jinghikai ïa ngi keiñ; ba da ka jingïaishah bad da ka jingpyntngen jong kita Ki Jingthoh, ngin dup ïoh ka jingkyrmen.

Ka Shithi U Paul Sha Ki Nong Rom 2:7

ha kita keiñ, kiba da ka jingïaineh minot ha kaba leh babha, ki wad sliang ïa ka jinglong burom bad ïa ka burom bad ïa ka jingbymïap, un ai ka jingim bymjukut:

1 KORINTH 1:7

katba phi phim shym duna ha kano kano ka jingai; haba ïaikhmih lynti ïa ka jingpynpaw ïa U Jisu Khrist uba U Trai jong ngi;

GALATIA 5:5

Namar ngi, da U Mynsiem, ngi ïai-ap da ka jingngeit ïa kata ka jingkyrmen ïa ka hok.

GALATIA 6:9

Te ha kaba leh babha, wat ai ba ngin man thait shuh, namar ha ka Ïa babiang, ngin ïoh ot lada ngim da duh bor noh.

DEUTERONOMI 11:14

ba ngan ai ïa u slap ha ka ri jong phi ha la ka aïom ba bit, ïa u slap u banyngkong, bad u bakhatduh, khnang ba men ïoh ïalum ïa la u Kew, bad ïa la ka Waiñ, bad ïa la ka umphniang.

KOLOSSAI 1:11

ba la pynkhlaiñ da ka bor baroh, katba kum kata ka bor ka burom jong u, sha ka jingïaishah bad ka jingshahslem baroh lem bad ka jingkmen;

1 THESSALONI 1:3

da kaba kynmaw khlem da pud ïa ka jingleh ka jingngeit jong phi, bad ïa ka jingtrei minot ka jingieit, bad ïa ka jingïaishah ka jingkyrmen ha U Jisu Khrist uba U Trai jong ngi, ha khmat U Blei jong ngi bad U Kpa;

1 THESSALONI 2:19

Namar kaei long ka jingkyrmen jong ngi, lane ka jingkmen, lane ka pansngiat ka jingleh burom? Ym long ma phi ha khmat U Jisu Khrist uba U Trai jong ngi ha kata ka jingwan jong u?

1 THESSALONI 3:13

khnang ïa ka ban pynskhem ïa ki dohnud jong phi kiba khlem jingrem ha ka jingpynkhuid ha khmat U Blei uba U Kpa jong ngi, ha kata ka jingwan U Jisu Khrist uba U Trai jong ngi lem bad ki riewkhuid jong u baroh.

HEBRU 6:15

Te kumta, haba u la ïaishah slem, u la ïoh ïa kata ka jingkular.

JAKOB 4:11

To wat ïakren pyrshah paralok hi, ko parabangeit. Jar uba kren pyrshah ïa la u parabangeit, lane uba bishar ïa uta u parabangeit jong u, u kren pyrshah keiñ ïa ka hukum, bad u bishar ïa ka hukum: hynrei, lada me bishar ïa ka hukum, mem long u nongleh ïa ka hukum, hynrei, u nongbishar.

JAKOB 5:10

To shim, ko parabangeit jong nga, ïa kita ki nongïathuhlypa kiba la kren ha ka kyrteng U Trai, kum ka rukom ka jingshahshitom bad ka jingshahslem.

JAKOB 5:3

Ïa kata ka ksiar bad ïa kata ka rupa jong phi, la bam sarang; te kata ka jingsarang jong ki, kan long sakhi pyrshah ïa phi, bad kan bam duh ïa ka doh jong phi kum ka ding. Phi la kynshew la ka jingkynshew ha ki sngi ki bakhatduh.

2 PETROS 3:4

bad ki da ong, “Hangno kata ka jingkular ïa ka jingwan jong u? namar naduh kaba kita ki kpa tymmen ki la ïohthiah noh, kiei kiei baroh ki ïaisah kumba ki ju long naduh myndanglong ka pyrthei.”