JAKOB 5:5 - KA BAIBL

⁵ Phi la shongsuk sarong ha kata ka khyndew, bad phi la im pahuh pahai; phi la pynsngaid ïa ki dohnud jong phi ïa ka sngi ka jingpynïap.

Khasi CL Bible (BSI)

⁵ Ka jingim jong phi ha kane ka pyrthei ka la long kaba dap da ka jingpahuh bad jingsngewbha. Phi la pynsngaid ïa lade na ka bynta ka sngi ka jingshohdoh.

JAKOB 5:5 Mawu Ofanana

SALM 17:14

na ki briew, da la ka kti, A Trai, na ki briew ka pyrthei, kiba ka bynta jong ki ka ha kane ka jingim, bad kiba me pyndap ïa ki kpoh jong ki da ka jingkynshew jong me: la pynhun ïa ki da ki khun, bad kaba dang sah na ka spah jong ki, ki iehnoh ha ki khunlung jong ki.

SALM 73:7

Ki khmat jong ki, ki pyllew namar ba khleiñ: ki don kham bun ïa kaba ka lah ka dohnud ban kwah.

PROBERB 17:1

Lah kaba shikyntien ka ja suda haba bad ka jingsuk, ban ïa ka ïing kaba dap da ka jingkhawai lem bad ka jingïaleh.

PROBERB 7:14

“Ki jingkñia ki jingainguh pynïasuk ki don bad nga; ha kane ka sngi nga la sait ïa la ki kular.

EKLESIASTIS 11:9

Leh kmen, ko samla, ha la ka jinglong samla; bad to ka dohnud jong me kan pynkmen ïa me ha ki sngi ka jinglong samla jong me, bad ïaid ha ki lynti ka dohnud jong me, bad ha ka jingïohi ka khmat jong me: hynrei, kynmaw me ba U Blei un bishar ïa me shaphang kine kiei kiei baroh.

ISAÏAH 22:13

te ha khmih, pleng ka jingkmen bad ka jingsngewbha, kaba pynïap masi dab bad kaba pynïap langbrot, kaba bam doh bad kaba dih Waiñ: “Te ïa ngin ïabam ngin ïadih, namar la shai ngin ïap noh.”

ISAÏAH 3:16

Te U Trai u la ong ruh, “Namar ba ki khun kynthei ka Seïon ki leh sarong, bad ki ïaid pynjrong ryndang bad ki khmat leh jyllieb, ki ïaid kynjih haba ki leit, bad ki pynriew shaw shaw da la ki kjat:

ISAÏAH 47:8

Namar kata te, to sngew ïa kane, pha kaba shait ha ki jingthala, kaba shong khlem suidñiew, kaba ong ha la ka dohnud, “Nga, nga long, bad ym don shuh nalor jong nga; ngan ym shong kum ka riewkynthei, lymne ngan ym tip kaba duh khun”:

ISAÏAH 56:12

“Ïa,” ki ong, “ngan sa wallam Waiñ, bad ngin ïadih pynkdang da ka 'iad rot; lashai ruh kan long kum kane ka sngi, kaba pahuh pahai.”

JEREMAÏAH 12:3

Hynrei me, A Trai, me ithuh ïa nga; me ïohi ïa nga, bad me tynjuh ïa ka dohnud jong nga sha me: to ring shabar ïa ki kum ki langbrot ïa ka jingpynïap, bad to khreh ïa ki ïa ka sngi ka jingpynïap.

JEREMAÏAH 25:34

“ ‘To lynñiar, phi ki nongaplangbrot, bad to kyang; bad to ïaksaid ha ka dpei, phi ki nongïalam jong ka kynhun: naba ki sngi ka jingpynïap ïa phi ki la poi hi, te ngan pynlwet jin ïa phi, bad phin hap kum ka pliang kaba itynnad.

ESEKIEL 16:49

Ha khmih, kane ka long ka pop jong ka para jong pha ka Sodom; ka jingsarong, ka jingdap kpu, bad ka jingsuk ka jingmanbha ka la don ha ka bad ha ki khun kynthei jong ka; lymne kam shym kyrshan ïa ka kti jong u baduk bad u bakyrduh.

ESEKIEL 39:17

“Te ma me, ko khun u briew, kumne u ong U Trai U Blei: To kren ha ki laiphew ki sim, bad ha u kynja mrad khlaw baroh, ‘To ïalang phi, bad to ïawan; to ïalum lang na ka phang baroh sha ka jingkñia jong nga kaba nga kñia na ka bynta jong phi, ka jingkñia bakhraw keiñ halor ki lum bah ki Israel, khnang ba phin ïoh bam doh bad dih snam de.

AMOS 6:1

“Kordit ïa kita kiba shongsuk ha Seïon, bad ïa kita kiba sngewskhem ha u lum Samaria, kiba donnam na ki bakongsan jong ki jaid bynriew, ha kiba ka ïing Israel ka wan!

LOUKAS 16:19

“Te la don uwei u briew u bariewspah, bad u la ju kup da ka jaiñ saw bthuh bad ka jaiñ linen bani, u da leh pahuh eh ruh ha la ka sngi.

LOUKAS 16:25

Te u Abraham u la ïathuh, ‘A khun, to kynmaw ba ma me katba me dang im, me la ïoh pdiang ïa kiei kiei ki babha ki jong me, kumjuh ruh u Lasaros ïa kiei kiei ki basniew; hynrei, mynta hangne ïa u la pyntngen, ïa me te la pynkordit.

Ka Shithi U Paul Sha Ki Nong Rom 13:13

To ngin ïa-ïaid da leh don akor, kumba ha pyrshah ka sngi; ym ha ki jingïadih kyiad khynwin bad ha ki jingïabuaid, ym ha ki jingïakai kynthei bad kiba ïanuti jakhlia, ym ha kaba ïamai bad kaba ïa-pihuiñ.

1 TIMOTHI 5:6

Hynrei, kata kaba im pahuh ka la ïap naduh ba dang im.

2 TIMOTHI 3:4

ki nongdie lok, kiba hangamei, kiba leh meng, kiba ieit ïa ki jingsngewbha kham tam ban ïa kaba ki ieit ïa U Blei;

2 PETROS 2:13

kin da ïoh ïa ka bainong ka jingleh bymhok, haba ki ïañiew kaba sngewbha eh ïa kata kaba im sarong awria ha kaba mynsngi, ki long ki jingthohbria bad ki jingkhlemrain, ki da ïa-im sarong awria ha kita ki jingïakhawai ïa-ieit jong ki hi, haba ki ïakhawai lem bad phi;

JUDAH 1:12

Kine ki long ki jingthohbria ha kita ki jingïakhawai ïa-ieit jong phi, haba ki ïakhawai lem bad phi, ki nongsharai kiba bsa sngaid ïa lade khlem da sheptieng; ki lyoh ba khlem um, ïa kiba la rong kynting noh da ki lyer; ki dieng Synrai kiba khlem soh, kiba la ïap noh ar sien, ïa kiba la rat noh;

JINGPYNPAW 18:7

Katno katno ba ka la pyndonburom ïa lade, bad ka la im pahuh hai, katta keiñ ka jingkordit bad ka jingsngewsih to phin ai ha ka: naba ka ong ha la ka dohnud, ‘Nga shong ka syiem, bad ngam long ka riewkynthei, bad ngan ym da ïohi ïa ka jingsngewsih satia.’

1 SAMUEL 25:36

Te ka Abigail ka la wan sha u Nabal; te, ha khmih, u don ka jingkhawai ha la ïing, kum ka jingkhawai syiem; bad ka dohnud u Nabal ka la kmen eh hapoh jong u, naba u la buaid eh: namar kata, kam shym ïathuh shikyntien ruh ha u, lymne ka barit lymne ka bakhraw, haduh ba kan da shai mynstep.

1 SAMUEL 25:6

bad kumne phin ong ha uta uba im suk, ‘To long ka jingsuk ïa me, bad ka jingsuk ha ka ïing jong me, bad ka jingsuk ha kiei kiei baroh ki jong me.