JAKOB 5:4 - KA BAIBL

⁴ Ha khmih, kata ka bainong jong kita ki nongtrei kiba la ot ïa ki lyngkha jong phi, ïa kaba la bat klop noh ma phi, ka kyang kyrpad; te kita ki jingkyang jong kita kiba la ot ki la leit bsut sha ki shkor U Trai ki Paid.

Khasi CL Bible (BSI)

⁴ Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.

JAKOB 5:4 Mawu Ofanana

JENESIS 4:10

U Trai u la ong te, “Me la leh aïu? Ka jingud ka snam u para jong me ka kyang ha nga na ka khyndew.

Ka Kitab U Job 34:28

kumta, ki la pynwan ïa ka jingïam jong u baduk ha u, bad u la ïohsngew ïa ka jingïam jong u bajynjar.

Ka Kitab U Job 7:2

Kum u shakri uba kwah eh ïa ka jaka tngen, bad kum u nongbylla uba khmih lynti ïa la ka bainong:

SALM 9:12

Namar uta uba tohkit ïa ka snam u kynmaw ïa ki: um ju klet noh ïa ka jinglynñiar jong u baduk.

EKSODOS 22:27

naba kata hi ka long ïa ka ban tap ïa u, ka long ka jaiñkup ïa ka snieh jong u: un kup thiah da ei? kan jia te, haba u kyrpad ha nga, ba ngan sngap; naba nga uba isynei.

EKSODOS 3:9

Mynta te namar kata, ha khmih, ka jinglynñiar ki khun Israel ka la wan kiew sha nga: bad nga la ïohi ïa kata ka jingbanbeiñ da kaba kita ki Ijipt ki la ïabanbeiñ ïa ki.

ISAÏAH 1:9

Lada U Trai ki paid um shym la pynsah i jingsah barit, ngin da la long kum ka Sodom, ngin da la syriem ïa ka Gomorra.

ISAÏAH 5:7

Namar ka brisoh U Trai ki paid ka long ka ïing Israel, bad ki rangbah Judah u jingthung basngewbha jong u: te u la khmih lynti ïa ka jingbishar, hynrei, ha khmih ka jingbanbeiñ; ïa ka hok ruh, hynrei, ha khmih ka jingkyang!

ISAÏAH 5:9

Ha ki shkor jong nga u ong U Trai ki paid, “Da shisha bun ki ïing kin long kynjah, wat ki bakhraw bad ki babha, bymshong briew.

JEREMAÏAH 22:13

Kordit ïa uta uba tei ïa la ka ïing da ka jingbymhok, bad ïa la ki kamra da ki jingleh bymdei; uba pyndonkam ei ïa ka jingtrei minot u paramarjan jong u, khlem ai ïa ka bainong jong u;

LEBITIKOS 19:13

“ ‘Men ym leh klop ïa la u paramarjan, lymne lute ïa u: wat ai ba ka bainong u nongbylla kan sah bad me wat shi miet ruh haduh mynstep.

HABAKKUK 2:11

Naba u maw un kyang na ka kynroh, bad u bim na ki dieng un phai ktien ïa u.

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

MATHAÏOS 9:37

Ynda kumta, u la ong ha ki synran jong u, “Ka jingot kaba bun shisha, hynrei, ki nongtrei ki khyndiat;

LOUKAS 18:7

U Blei te un ym bishar hok ïa kita kiba la jied jong u, kiba lynñiar kyrpad ïa u mynsngi bad mynmiet, bad u shah slem na ka bynta jong ki?

Ka Shithi U Paul Sha Ki Nong Rom 9:29

Ruh, kumba u Isaïah u la ïathuh mynshuwa: “Lymda U Trai ki Paid u la lah pynsah symbai ïa ngi, ngin da la jia long kum ka Sodom, bad la lah pynlong ïa ngi kum ka Gomorra.”

DEUTERONOMI 15:9

To sumar, ba kan ym jia ka jingmut bymman ha ka dohnud jong me, da kaba ong, ‘Kata ka snem ka bahynñiew, ka snem ka jingpyllait keiñ, ka la jan;’ bad ka khmat jong me ka long sniew pyrshah ïa u para jong me u baduk, ïa ka ban ym ai satia ha u; bad ba un lynñiar ha U Trai pyrshah ïa me, te kan long pop ha me.

KOLOSSAI 4:1

Ko ki kynrad, to leh ha la ki shakri ïa kata ka bahok bad ïa kaba biang; haba phi tip ba phi ruh phi don U Kynrad ha bneng.