JAKOB 5:16 - KA BAIBL

¹⁶ To ïaphla noh paralok hi ïa la ki jingpalat, bad to ïaduwai na ka bynta paralok hi, ba yn dup pynkhiah ïa phi; ka jingkyrpad minot u bahok ka lah shibun.

Khasi CL Bible (BSI)

¹⁶ Namarkata, to phla ïa la ki pop iwei ha iwei pat, khnang ba yn pynkhiah ïa phi. Ka jingduwai jong u briew uba hok ka don ka bor kaba khraw.

JAKOB 5:16 Mawu Ofanana

JENESIS 19:29

Hynrei, U Blei, mynba u la pynduh thiaw ïa kita ki nongbah jong ka pynthor, u la kynmaw ïa u Abraham, bad u la phah noh ïa u Lot napdeng kata ka jingpynkyllon, mynba u la pynkyllon ïa kita ki nongbah ha kiba u la shong sah u Lot.

JENESIS 20:17

Ynda kumta, u Abraham u la duwai ha U Blei: bad U Blei u la pynkhiah ïa u Abimelekh bad ïa ka tnga jong u, bad ïa ki shakri kynthei jong u; te ki la kha khun ruh de.

JENESIS 20:7

Mynta te to da ai noh pat ïa ka tnga uta u briew; naba u long u nongïathuhlypa, bad un ïoh duwai na ka bynta jong me, bad me men ïoh im: hynrei, lada mem da ai noh pat ïa ka, to tip me ba shisha men ïap noh, ma me bad baroh kat kiba dei ki jong me.”

JENESIS 32:28

U Angel pat u la ong, “Yn ym khot shuh ïa ka kyrteng jong me, ‘u Jakob’, hynrei ‘u Israel’: naba kum u syiem me la ïoh bor bad U Blei bad ki briew, te me la jop ruh.”

2 SAMUEL 19:19

Bad u la ong ha u syiem, “To u kynrad jong nga wat ai ba un pynkit pop halor jong nga, lymne wat kynmaw ïa kata kaba u shakri jong me u la leh bymman ha kata ka sngi ba u syiem kynrad jong nga u la leit noh na Jerusalem, ba u syiem un buhnud ïa kata.

1 SYIEM 13:6

Te u syiem u la ïathuh bad u la ong ha uta u briew U Blei, “To kyrpad mynta ïa ka jingisynei U Trai U Blei jong me, bad to duwai na ka bynta jong nga, ba yn pynbha pat ïa ka kti jong nga.” Te uta u briew U Blei u la kyrpad ïa U Trai, bad ïa ka kti u syiem la pynbha pat, bad ka la long kumba mynshuwa.

2 KHRONIKL 30:20

Bad U Trai u la sngap ïa u Hesekaïah, bad u la pynkhiah ïa u paidbah.

Ka Kitab U Job 42:8

Mynta, namar kata, to shim ha phi hynñiew tylli ki masi dab bad hynñiew tylli ki langbrot shynrang, bad leit sha u shakri jong nga u Job, bad to ainguh na ka bynta ïa lade ïa ka jingainguh thang; te u shakri jong nga u Job un duwai na ka bynta jong phi; namar ïa u ngan pdiang sngewbha, ba ngan ym leh ha phi katba kum ka jingbieit jong phi; naba phim shym kren ïa kata kaba dei shaphang jong nga, kumba u la leh u shakri jong nga u Job.”

SALM 34:15

Ki khmat U Trai ki don sha u bahok, bad ki shkor jong U ba la plie ïa ka jingkyang jong ki.

EKSODOS 17:11

Te katba u Moses u la dang rah sha jrong ïa la ki kti, ki lah ki Israel: te haba u la pynhiar ïa la ki kti, ki lah ki Amalek keiñ.

EKSODOS 9:33

Te u Moses u la mih noh na u Pharaoh shabar kata ka nongbah, bad u la kner ïa la ki kti sha U Trai: te uta u pyrthat bad uta u phria de ki la jah noh, bad ym shym la pynhap shuh ïa u slap ha ka khyndew.

PROBERB 15:29

U Trai u long jngai na u bymman: hynrei, u sngew ïa ka jingduwai u bahok.

PROBERB 15:8

Ka jingkñia u bymman ka long ka jingijli ha U Trai: hynrei, ka jingduwai jong uba beit ka long ka jingsngewbha jong u.

PROBERB 28:9

Uba phai noh ïa la ka shkor na kaba ïohsngew ïa ka hukum, wat ka jingduwai jong uta ka long ka jingijli.

JEREMAÏAH 15:1

Ynda kumta U Trai u la ong ha nga, “La u Moses bad u Samuel ki ïeng ha khmat jong nga, pynban, ka jingmut jong nga kam lah ban phai sha kine ki briew: to shop noh ïa ki na khmat jong nga, bad to kin leit noh.

JEREMAÏAH 33:3

‘To khot ïa nga, te ngan phai ktien ïa me, bad ngan pyni ruh ha me ïa kiei kiei ki bakhraw, bad kiba eh, ïa kiba mem tip.’

JEREMAÏAH 42:2

bad ki la ong ha u Jeremaïah u nongïathuhlypa, “To shah, ngi kyrpad ïa me, ban pdiang sngewbha ha khmat jong me ïa ka jingkyrpad jong ngi, bad to duwai na ka bynta jong ngi ha U Trai U Blei jong me, na ka bynta ine i bynta baroh ba sah keiñ; namar ngi sah sa tang khyndiat na ki babun, kumba ki khmat jong me ki ïohi ïa ngi:

JINGKHEIÑ 11:2

Kita ki briew te, ki la kyang jam ha u Moses; bad haba u Moses u la duwai ha U Trai, ïa ka ding la pynlip noh.

MATHAÏOS 21:22

Bad ïa kiei kiei baroh kat kiba phin pan ha ka jingduwai da kaba ngeit, phin pdiang.”

MATHAÏOS 3:6

bad la pynbaptis ïa ki da u ha wah Jordan; ki da ïaphla noh ïa ki pop jong ki.

MARKOS 1:5

Hangta te kiba na ka ri Judia, bad ki Jerusalem baroh ki la leit ha u, bad la pynbaptis ïa ki da u ha ka wah Jordan, ki da ïaphla noh ïa ki pop jong ki.

LOUKAS 9:6

Te ki la mih noh, bad ki la leit kylleng ki nongrit, ki da ïalap ïa ka gospel, bad ki da pynkhiah de kylleng la kylleng ruh.

ÏOANNIS 9:31

Hynrei, ngi ïatip biang ba U Blei um sngew ïa ki bapop; hynrei, lada uno uno ruh u long uba mane ïa U Blei, bad uba leh ïa ka mon jong u, ïa uta keiñ u sngew.

KI KAM 10:38

shaphang U Jisu uba na Nasaret, kumno ba U Blei u la pynsleh ïa u da U Mynsiem Bakhuid, bad da ka bor, uba la ïaid kylleng u da leh babha, bad u da pynkhiah ïa kita baroh kiba la ban shitom da u Soitan; naba U Blei u long ryngkat bad u.

KI KAM 19:18

Shibun te na kita kiba la lah ngeit ki la ïawan, ki da ïaphla bad ki da ïathuh ïa la ki jingleh.

KI KAM 8:24

U Simon te u la ïathuh bad u la ong, “To duwai ma phi na ka bynta jong nga ha U Trai, ba kawei ruh na kita ïa kiba phi la kren, kan ym jia ha nga!”

Ka Shithi U Paul Sha Ki Nong Rom 3:10

Kumba la thoh: “Ym don u bahok, em, ym don uwei ruh;

Ka Shithi U Paul Sha Ki Nong Rom 5:19

Namar, kat kumba da kata ka jingbymkohnguh jong uta uwei u briew, la pynlong ki bapop ïa kita kiba bun; kumta ruh, da kata ka jingkohnguh ka jong uta uwei pat, yn pynlong ki bahok ïa kita kiba bun.

KOLOSSAI 1:9

Na ka bynta kata, ma ngi ruh, naduh kata ka sngi ba ngi la ïohsngew, ngim man thait shuh ban duwai bad ban pan na ka bynta jong phi, ba yn pyndap ïa phi da kata ka jingtip shaphang ka mon jong u ha ka jingstad bad ka jingshemphang bakynja mynsiem baroh,

1 THESSALONI 5:17

To duwai khlem da pud.

1 THESSALONI 5:23

Te U Blei ka jingsuk, ma u hi, un pynkhuid phar ïa phi; bad to ai ba yn sumar kyndong ïa ka mynsiem, bad ïa ka jingim, bad ïa ka met jong phi shitylli khlem jingrem ha kata ka jingwan U Jisu Khrist uba U Trai jong ngi.

1 THESSALONI 5:25

Ko parabangeit, to duwai na ka bynta jong ngi.

HEBRU 11:4

Da ka jingngeit, u Abel u la ainguh ha U Blei ïa ka jingkñia ba kham kor ban ïa u Kain, da kaba la phla ïa u ba u long u bahok, U Blei u da phla babha shaphang kita ki jingai jong u; bad da ka, haba u la ïap, u dang kren.

HEBRU 11:7

Da ka jingngeit, u Noah haba la maham ïa u da U Blei shaphang kita kiei kiei ïa ki bym pat shym la ïohi, haba la pynkhih ïa u da ka jingtieng riewblei, u la thaw ka ïinglieng ban pynim ïa ka ïing jong u; da kaba u la pynrem ïa ka pyrthei, bad u la jia long u nongïoh pateng ïa kata ka hok kaba katba kum ka jingngeit.

HEBRU 12:13

bad to pynlong ïa ki lynti ba-beit ïa ki kjat jong phi, ba yn ym pynphai noh ïa kata ka ba-dkoh na ka lynti, hynrei, kham tam ba yn pynkhiah.

HEBRU 13:18

To ïaduwai na ka bynta jong ngi, namar ngi ngeit ba ngi don ka jingïatiplem babha; ba ngi da kwah ban im hok ha kiei kiei baroh.

JOSHUA 10:12

Ynda kumta, u Joshua u la kren ha U Trai ha kata ka sngi ba U Trai u la aiti noh ïa ki Amor ha khmat ki khun Israel, bad u la ong ha khmat ki Israel, “Ko sngi, to phan ïeng thik ha Gibeon, ma me ruh, ko bnai, ha ka them Aijalon.”

1 PETROS 2:24

uba da lade hi u la bah noh ïa ki pop jong ngi ha ka met jong u halor kata ka dieng, ba, haba la ïap noh sha kita ki pop ngin ïoh im sha ka hok; uba da ki jingjngem snam jong u, la pynkhiah ïa phi.

1 ÏOANNIS 3:22

Bad lada ngi pan ïa kaei kaei ruh, ngi pdiang na u, naba ngi sumar ïa ki hukum jong u, bad ngi ïai-leh ïa kita kiei kiei ruh ba pynsngewbha ha khmat jong u.

1 SAMUEL 1:12

Te katba ka ïaiduwai ha khmat U Trai, u Eli u la khmih ïa ka shyntur jong ka.

1 SAMUEL 12:17

Mynta kam long ka aïom ot Kew? Ngan khot kyrpad ha U Trai, te un phah ïa u pyrthat bad u slap: bad phin ïoh tip phin ïohi ruh ba kaba khraw ka jingbymman jong phi, kaba phi la leh ha khmat U Trai, ha kaba phi pan syiem.”

1 SAMUEL 12:18

Kumta u Samuel u la khot kyrpad ha U Trai; te U Trai u la phah ïa u pyrthat bad u slap ha kata ka sngi: bad u paidbah baroh u la sheptieng shikatdei ïa U Trai bad ïa u Samuel.