JAKOB 5:11 - KA BAIBL

¹¹ Ha khmih, ngi ñiew suk ïa kita kiba ïaishah: phi la ïohsngew shaphang ka jingïaishah u Job, bad phi la ïohi ïa kata ka jingpynkut U Trai, ba U Trai u long uba dap da ka jingisynei, bad uba leh isynei thoiñ.

Khasi CL Bible (BSI)

¹¹ Ngi khot ïa ki kiba suk namar ki la long kiba ïaishah. Phi la ïohsngew ïa ka jingïaishah u Job, bad phi tip kumno U Trai u la pyndap ïa u ha kaba kut. Naba U Trai u long uba dap da ka jinglehisynei bad jinglehsbun.

JAKOB 5:11 Mawu Ofanana

1 KHRONIKL 21:13

Te u Dabid u la ong ha u Gad, “Nga pisa eh: to ngan hap te ha ka kti U Trai; namar ki jingisynei jong u kiba khraw eh: te wat ai ba ngan hap ha ka kti u briew.”

2 KHRONIKL 30:9

Namar lada phin phai pat sha U Trai, ki para jong phi bad ki khun jong phi kin shem ka jingsngewsynei na kita kiba la ring mraw ïa ki, bad kin ïoh wan pat sha kane ka ri: naba U Trai U Blei jong phi u long uba aiei bad uba isynei, bad un ym phai noh la ka khmat na phi, lada phi phai sha u.”

NEHEMAÏAH 9:17

bad ki la kyrngah ban kohnguh, bad kim shym la kynmaw ïa ki jingphylla kiba me la leh hapdeng jong ki; hynrei, ki la pyneh ïa la ka ryndang, bad ha ka jingïaleh pyrshah jong ki, ki la thung nongïalam ban phai pat sha ka jinglongmraw: hynrei, me long U Blei uba kloi ban map, uba aiei bad uba dap ka jingisynei, uba tud ban bitar, uba kynrei ha ka jingisynei, bad mem shym la kyntait noh ïa ki.

NEHEMAÏAH 9:31

Pynban, ha ki jingisynei ba bun jaid jong me, mem shym la pynduh khoit ïa ki, lymne mem shym la kyntait noh ïa ki; namar me long U Blei uba sbun bad uba isynei.

Ka Kitab U Job 1:1

La don u briew ha ka ri Us, uba kyrteng “u Job”; te uta u briew u la long uba janai bad uba beit, bad uba sheptieng ïa U Blei, bad uba kiar noh na ka basniew.

Ka Kitab U Job 1:2

Bad ha une la kha hynñiew ngut ki khun shynrang bad lai ngut ki khun kynthei.

Ka Kitab U Job 2:10

Hynrei u la ong ha ka, “Pha kren kumba kren kawei na ki riewbieit. Balei? ngin pdiang na ka kti U Blei ïa ka babha, te ngin ym pdiang ka basniew?” Ha kane baroh u Job um shym la leh pop da la ki rmiang shyntur.

Ka Kitab U Job 23:10

Hynrei, u ithuh ïa ka lynti ba nga ïaid; ynda u la tynjuh ïa nga, ngan mih noh kum ka ksiar.

SALM 103:13

Kumjuh kumba u kpa u isynei ïa la ki khun, kumta, u isynei U Trai ïa kita kiba sheptieng ïa u.

SALM 103:8

U Trai u dap ka jingisynei bad uba aiei, uba jynsur ban bitar, bad uba kynrei ka jingisynei.

SALM 116:5

U Trai u long uba aiei, bad u bahok: bad U Blei jong ngi u long uba isynei.

SALM 119:132

To phai ma me sha nga, bad to isynei ïa nga, kumba me ju leh ïa kiba ieit ïa ka kyrteng jong me.

SALM 145:8

U Trai uba aiei, bad uba dap ka jingsngewsynei; uba tud ïa ka jingbitar, bad u bakhraw ka jingisynei.

SALM 37:37

To khmih thuh ïa u bajanai, bad to khmih ïa uba beit: naba ka bakut jong uta u briew long ka jingsuk.

SALM 51:1

To isynei ïa nga, A U Blei, katba kum ka jingleh isynei jong me, katba kum ka jingkynrei ki jingisynei bajem jong me to pyndam noh ïa ki jingpalat jong nga.

SALM 78:38

Ma u, hynrei, namar ba uba isynei eh, u la map ïa ka jingleh bymman jong ki, bad um shym pynduh noh ïa ki; bunsien ruh u la pynphai noh ïa la ka jingbitar, bad um shym pynkynroi ïa la ka jingbitar baroh.

SALM 86:15

Hynrei, me, A Trai, me long U Blei uba dap ka jingisynei bad ka jingaiei, uba jynsur ïa ka jingbitar, bad uba kynrei ka jingisynei bad ka jingshisha.

SALM 86:5

Naba me, A Trai, me long u babha, bad uba kloi ban map, bad uba kyrhai ka jingisynei ïa kita baroh kiba khot kyrpad ïa me.

SALM 94:12

Suk uta u briew uba me sneng sympat, A Trai, bad uba me hikai na ka hukum jong me;

EKSODOS 34:6

Te U Trai u la ïaid lait ha shuwa jong u, bad u la pynbna, “U Trai, U Trai, U Blei uba isynei bad ba aiei, uba ïaishah slem, bad uba kynrei ha ka jingbha bad ka jingshisha;

EKLESIASTIS 7:8

Kham bha ka jingpyndep kaei kaei ïa ka jingsdang jong ka: bad uba ïaishah ha ka mynsiem u long kham bha ban ïa uba sarong ha ka mynsiem.

ISAÏAH 63:7

Ngan pynkynmaw ïa ki jingleh ieit jong U Trai, bad ïa ki jingïaroh jong U Trai, katba kum ïa kata baroh ba U Trai u la ai ha ngi; bad ka jingbha bakhraw sha ka ïing Israel, ïa kaba u la ai ha ki katba kum ki jingisynei jong u, bad katba kum shibun ki jingleh ieit jong u.

ISAÏAH 63:9

Ha ka jingshitom jong ki baroh u la shah shitom, bad u angel na khmat jong u, u la pynim ïa ki; ha ka jingieit jong u bad ha ka jingsngewsynei jong u, u la siewspah ïa ki; te u la kynthup ïa ki, u la bah ruh ïa ki ha la ka sngi naduh mynhyndai.

SNGEWSYNEI 3:22

Ka long na ki jingisynei U Trai ba ym shym la bam duh ïa ngi, naba ki jingsngewsynei jong u kim duh.

DANIEL 9:9

Ïa U Trai U Blei jong ngi ki dei ki jingisynei bad ki jingmap; namar ngi la ïaleh pyrshah ïa u;

JOEL 2:13

bad to kad ïa la ka dohnud, te ym ïa la ki jaiñkup,” bad to phai sha U Trai U Blei jong phi: naba u long uba aiei bad uba isynei lem, uba suki ban bitar, bad uba kynrei ha ka jingisynei, bad uba kylla-ka-bamut na ka jingpynsniew.

JONAH 4:2

Bad u la duwai ha U Trai, bad u la ong, “Nga kyrpad ïa me, A Trai, kane kam shym long ka ktien jong nga, mynba nga dang don ha la ka ri? Namar kata, nga la pynkloi ban phet noh sha Tarshish: naba nga la tip keiñ ba me long U Blei uba aiei, bad uba dap ka jingisynei lem, uba tud ïa ka ban bitar, bad uba kynrei ha ka jingisynei, bad me kylla-ka-bamut namar ka jingsniew.

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

JINGKHEIÑ 14:18

‘U Trai u long uba shah slem, bad uba khraw ka jingisynei, uba map noh ïa ka pop, bad ïa ka jingpalat, khlem da pynksan da lei lei ruh ïa uba rem; uba pynwan hap ïa ka pop jong ki kpa halor ki khun ki ksiew, haduh ka balai, bad ka basaw pateng bynriew.’

MATHAÏOS 10:22

Te phin long ïa kiba la shun da ki briew baroh na ka bynta ka kyrteng jong nga: hynrei, uta uba da ïaineh ha ban da kut, uta keiñ u ban lait im.

LOUKAS 1:50

bad ka jingisynei jong U pateng la pateng bynriew ha kita kiba sheptieng ïa U;

LOUKAS 11:10

Naba baroh uba pan, u pdiang; bad jar uba wad, u shem; bad ïa uta uba tied, yn sa plie.

LOUKAS 6:36

To long phi kiba isynei, kumba U Kpa jong phi ruh U long uba isynei.”

Ka Shithi U Paul Sha Ki Nong Rom 2:4

Ne me ñiewbeiñ ïa ka jingkynrei ka jingsbun, bad ka jingïaishah, bad ka jingshahslem ruh ka jong u, khlem da pyrkhat satia ba kata ka jingsbun ka jong U Blei ka thew ïalam ïa me sha ka jingkylla-ka-bamut?

EPHESOS 1:6

ïa ka ban ïaroh ïa ka burom ka jingaiei jong u, kaba u la ai ei ha ngi ha uta U Ba-ieit,

EPHESOS 2:4

hynrei, U Blei, ba u long uba kynrei ka jingisynei, namar ka jingieit kaba khraw jong u da kaba u la ieit ïa ngi,

HEBRU 10:39

Hynrei, ngi ngim long na kita kiba kynran da dien ïa ka ban jot noh; hynrei, na kita kiba don ka jingngeit ïa ka ban pynim ïa ka mynsiem.

HEBRU 3:14

Namar ngi la jia long ki nongïoh bynta na U Khrist, lada ngin ïaibat skhem ïa kata ka basdang ka jingshaniah jong ngi haduh ka bakut;

HEBRU 3:6

hynrei, U Khrist kum U Khun halor ka ïing jong u hi, ka ïing jong uba ngi long ma ngi, lada ngi ïaibat skhem ïa ka jingshaniah jong ngi bad ïa ka jingkmen ka jingkyrmen jong ngi haduh ka bakut.

JAKOB 1:12

Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

JAKOB 1:2

To phin ñiew ïa ka, ka jingkmen suda, ko parabangeit jong nga, haba phi hap ha ki jingtynjuh babun jaid;

1 PETROS 1:13

Naba kumta, haba la panpoh noh ïa ka syngkai ka jingmut jong phi, to long kiba khan adkar bad to phin ïaikyrmen janai ïa kata ka jingaiei ïa kaba yn wallam ha phi ha ka jingpynpaw U Jisu Khrist;

1 PETROS 3:14

Hynrei, lada phi la shah shitom ruh na ka bynta ka hok, suk ma phi. Hynrei, wat sheptieng na kata ka jingpynsheptieng jong ki, lymne wat khih khuslai,

2 PETROS 2:9

U Trai u nang ban knieh kynthet noh ïa kiba riewblei na ka jingpynshoi, bad ban rakhe ïa ki bymhok ïa ka sngi ka jingbishar ban pynshitom ïa ki.