JAKOB 4:9 - KA BAIBL

⁹ To phin sngewlanot khop, bad to phin sngewsih, bad to phin ïam: to ai ba yn pynkylla noh ïa kata ka jingrkhie jong phi sha ka jingïam, bad ïa kata ka jingkmen jong phi sha ka jingsngewsih.

Khasi CL Bible (BSI)

⁹ To leh sngewsih, to ïam, bad to ïamkthang; to pynlong ïa ka jingrkhie ban kylla sha ka jingïam, ka jingkmen sha ka jingsngewdiaw!

JAKOB 4:9 Mawu Ofanana

NEHEMAÏAH 8:9

Bad u Nehemaïah, uba la long u Tirshatha, bad u Esra lyngdoh u nongthoh, bad ki Lebi kiba hikai ïa u paidbah, ki la ong ha u paidbah baroh, “Kane ka sngi ka long ka bakyntang ïa U Trai U Blei jong phi; wat sngewsih, lymne ïam.” Namar u paidbah baroh u la ïam, haba ki la ïohsngew ïa ki ktien Ka Hukum.

Ka Kitab U Job 30:31

Namar kata ka duitara jong nga ka la kylla ïam, bad ka sharati jong nga kum ka jingsawa kiba ïambriew.

SALM 119:136

Ki wah um ki tuid na ki khmat jong nga, namar ba kim sumar ïa ki aiñ jong me.

SALM 119:67

Mynba ym pat pynshitom ïa nga, nga la ju sakma; hynrei, mynta, nga sumar ïa ka ktien jong me.

SALM 119:71

Ka babha ïa nga ba la pynshitom ïa nga, ba ngan dup nang ïa ki aiñ jong me.

PROBERB 14:13

Wat ha kaba rkhie ka dohnud ka sngewsih; bad ka bakut ka jingkmen ka long ka jingsngewkhia.

EKLESIASTIS 2:2

Nga la ong shaphang ka jingrkhie, “Ka long kaba lamwir:” bad shaphang ka jinglehkmen, “Kan lei?”

JEREMAÏAH 31:13

Ynda kumta, ka theisotti kan sa kmen ha kaba shad, bad ki samla shynrang bad ki tymmen lang: namar ngan pynkylla ïa ka jingïam jong ki sha ka jingkmen bad ngan pyntngen ïa ki, bad ngan pynkmen ïa ki na ka jingsngewsih jong ki.

JEREMAÏAH 31:9

Kin sa ïawan da kaba ïam, bad da ki jingkyrpad ngan ïalam ïa ki: harud ki wah um ngan pynïaid ïa ki, na ka lynti kaba beit, ha kaba kin ym jynthut: namar nga long u kpa ïa ki Israel, bad u Ephraim u long u khun nyngkong jong nga.”

SNGEWSYNEI 5:15

Ka jingkmen ka dohnud jong ngi ka la duh; ka jingshad ka la kylla jingïam.

ESEKIEL 16:63

ba phan dup lah ban kynmaw, bad phan sngewlyngngoh, bad phan ym ang shuh ïa la ka shyntur, namar la ka jinglehrain; ynda nga la lah map ïa pha ïa kaba pha la leh baroh,” ong U Trai.

ESEKIEL 7:16

Hynrei, kita kiba ïohlait na ki, kin ïohlait bad kin long halor ki lum kum ki lyngdkhur ki them, baroh ki ïaïambriew, uwei uwei na ka bynta la ka jingbymhok.

MATHAÏOS 21:41

Ki ong ha u, “Un pynïap sniew khoit keiñ ïa kita ki bymman, bad un sa ai wai ïa ka brisoh ha kiwei pat ki nongsumar, ki ban ai ïa ki soh ha u ha ki aïom jong ki.”

MATHAÏOS 5:4

“Suk ki basngewsih: naba yn pyntngen ïa ki.

LOUKAS 16:25

Te u Abraham u la ïathuh, ‘A khun, to kynmaw ba ma me katba me dang im, me la ïoh pdiang ïa kiei kiei ki babha ki jong me, kumjuh ruh u Lasaros ïa kiei kiei ki basniew; hynrei, mynta hangne ïa u la pyntngen, ïa me te la pynkordit.

LOUKAS 6:21

“Suk ma phi kiba shah thngan mynta; naba yn pynkdang ïa phi. Suk ma phi kiba ïam mynta; naba phin rkhie.

LOUKAS 6:25

“Kordit ïa phi, kiba la dap mynta! naba phin thngan. Kordit ïa phi, kiba rkhie mynta! naba phin sngewsih bad phin ïam de.