JAKOB 4:4 - KA BAIBL

⁴ Phi kiba klim, hato phim tip ba kata ka jingïalok bad ka pyrthei ka long ka jingshun ïa U Blei? namar kata, uno uno ruh uba mon ban long u lok ka pyrthei, u pynlong ïa lade uba shun ïa U Blei keiñ.

Khasi CL Bible (BSI)

⁴ Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.

JAKOB 4:4 Mawu Ofanana

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

SALM 21:8

Ka kti jong me kan shem ïa ki nongshun jong me baroh: ka kti kamon jong me kan shem ïa kita kiba shun ïa me.

SALM 50:18

Haba me la ïohi ïa u nongtuh, me la ïakohnguh lem bad u, bad me la ïabynta lem bad ki baklim.

SALM 73:27

Naba ha khmih, kita kiba jngai na me kin ïap duh noh: me la pynjot noh ïa kita baroh kiba ïaleit klim noh na me.

ISAÏAH 57:3

Hynrei, to wan hajan shane, phi ki khun jong ka nongleh byrtong, u symbai jong u nongklim bad ka nuti.

JEREMAÏAH 2:2

“Khie leit, pyrta ha ki shkor ka Jerusalem, to ong, “Kumne u ong U Trai, Nga kynmaw shaphang jong pha ïa ka jingsbun ka jinglong samla jong pha, ka jingieit ka jingïateh ktien jong pha; kumba pha la leit bud ïa nga ha ka ri khlaw, ha ka ri bym ju rep.

JEREMAÏAH 9:2

A ba ngan da la don ha ri khlaw ka jaka shong basa jong ki nongleit jingleit; ba ngan da ïoh iehnoh ïa ki briew jong nga, bad ban leit noh na ki! Naba ki baroh ki long kiba klim, ka jingïalang ki briew kiba shetkylla.

ESEKIEL 16:32

Ka tnga kaba klim! kaba khot ïa ki nongwei ban ïa la u tnga!

HOSIA 3:1

Te U Trai u la ong ha nga, “Nang leit, ieit ïa ka briew ba la ieit da u lok jong ka bad kaba klim ruh, kat kumba U Trai u ieit ïa ki khun Israel, la ki phai sha kiwei pat ki blei, bad ki brai ki kpu soh Khajur.”

MATHAÏOS 12:39

U te u da ïathuh u la ong ha ki: “Ka pateng bynriew bymman bad baklim ka ïaiwad ka dak: hynrei, yn ym ai ka dak ha ka, hynrei, tang kata ka dak u Jonah u nongïathuhlypa.

MATHAÏOS 16:4

Ka pateng bynriew bymman bad baklim ka wad ïa ka dak; te yn ym ai ka dak ha ka, hynrei, tang ïa kata ka dak u Jonah u nongïathuhlypa.” Haba u la iehnoh te ïa ki, u la leit noh.

MATHAÏOS 6:24

“Ym don uba lah ban shakri ar ngut ki kynrad; naba un isih ïa uwei, bad un ieit ïa uwei; lane un bat ïa uwei, bad un lyndet ïa uwei. Phim lah ban shakri ïa U Blei bad ïa ka spah.”

LOUKAS 19:27

Hynrei, ïa kita ki nongshun jong nga, ki bym shym la mon ïa nga ban synshar halor jong ki, to wallam hangne, bad to pynïap ïa ki ha khmat jong nga.’ ”

ÏOANNIS 15:19

Lada phi la long na ka jong ka pyrthei, kata ka pyrthei kan da ieit ïa la ka jong; hynrei, naba phim long na ka jong ka pyrthei, hynrei, nga, nga la jied ïa phi na ka jong ka pyrthei, namar kata keiñ, kata ka pyrthei ka shun ïa phi.

ÏOANNIS 17:14

Ïa kata ka ktien jong me nga, nga la aiti ha ki; kata ka pyrthei te ka la shun ïa ki, naba kim long na ka jong ka pyrthei, kumba nga ngam long na ka jong ka pyrthei.

ÏOANNIS 7:7

Ka pyrthei kam lah ban shun ïa phi, hynrei, ka shun ïa nga, namar ba nga phla shaphang jong ka, ba ki jingleh jong ka ki long bymman.

Ka Shithi U Paul Sha Ki Nong Rom 5:10

Namar lada, mynba ngi la long ki nongshun, la pynïasuk noh ïa ngi bad U Blei da ka jingïap U Khun jong u, te kham tam shibun, haba la pynïasuk ïa ngi, yn pynim ïa ngi da ka jingim jong u.

Ka Shithi U Paul Sha Ki Nong Rom 8:7

Naba kata ka jingïaimut brai ka jong kata ka doh, ka long ka jingshun ïa U Blei; namar kam pynhapoh ïa lade ïa ka hukum U Blei, lymne shisha kam lah keiñ.

1 KORINTH 1:20

Hangno u bastad? hangno u nongthoh? hangno uba skuiñ ïasaid nia jong kane ka pyrthei? Hato U Blei um shym la pynbieit ïa ka jingstad jong kane ka pyrthei?

1 KORINTH 1:21

Namar ba ha ka jingstad U Blei, kata ka pyrthei da la ka jingstad kam shym la ithuh ïa U Blei; U Blei u la ibit da ka jingibieit jong ka jingïalap, ban pynim ïa kita kiba ngeit.

GALATIA 1:10

Namar hato mynta nga bhoh ïa ki briew, ne ïa U Blei? lane nga wad ïa ka ban pynsngewbha ïa ki briew? lada nga dang pynsngewbha ïa ki briew, ngam shym long u shakri U Khrist.

JAKOB 1:27

Ka jinglong riewblei kaba sngur bad bymtngit ha khmat U Blei bad U Kpa ka long kane keiñ: ban leit khmih ïa ki khunswet bad ïa ki riewkynthei ha ka jingshitom jong ki, bad ban ri noh ïa lade uba khlem thohbria na ka jong ka pyrthei.