JAKOB 4:2 - KA BAIBL

² Phi kwah eh, bad phim ïoh: phi pynïap noh bad phi sngewpihuiñ, te phim lah ban ïoh; phi ïania bad phi ïaleh thma, hynrei, phim ïoh, namar ba phim pan.

Khasi CL Bible (BSI)

² Phi kwah ei ei, hynrei phim ïoh ïa kita, kumta phi pynïap; phi da kwah eh, hynrei phim lah ban ïoh ïa kita, kumta phi ïania bad phi ïaleh thma. Phim ïoh ïa kaei kaba phi kwah, namar ba phim pan na U Blei ïa ka.

JAKOB 4:2 Mawu Ofanana

1 SYIEM 21:6

U te u la ong ha ka, “Namar ba nga la kren ha u Naboth u nong Jesril, bad nga ong ha u, ‘To ai ïa nga ïa ka brisoh Waiñ jong me da ka dor; lane lymda kumta, lada me sngewdei, ngan ai pli ïa me da kawei pat ka brisoh Waiñ’: u la ïathuh te, ‘Ngan ym ai ïa me ïa ka brisoh Waiñ jong nga.’ ”

PROBERB 1:19

Kumta, ki long ki lynti jong uwei uwei baroh uba khwan ïa ka jingmyntoi; ka pynduh noh ïa ka jingim jong ki trai jong ka.

EKLESIASTIS 4:8

Don uwei uba tang marwei, bad um don uwei pat; shisha, um don lymne khun lymne para; pynban, ym don ka bakut ïa ka jingtrei jong u baroh, lymne ym shym la pynhun ïa ki khmat jong u da ki spah. “Ïano te,” u ong, “nga trei shitom, bad nga pynduh ïa ka babha na la ka mynsiem?” Kane ruh ka long kaba thala, shisha, ka long ka jingshitom sat.

ISAÏAH 7:12

Te u Ahas u la ong, “Ngan ym pan, bad ngan ym tynjuh ïa U Trai.”

HABAKKUK 2:5

“Ruh putet, ka Waiñ ka long ka nongleh bashukor, u briew uba at meng, bad u bym sah ha la ïing; uba pynheh ïa la ka jingkwah kat ka dujok, bad u long kum ka jingïap, bad ban pynhun ïa u ym lah, hynrei, u lum lang ha u ïa ki jaid bynriew baroh, bad u kynton ha u ïa ki kynja bynriew baroh.

ÏOANNIS 16:24

Haduh mynta, phim pat ju pan ei ei ruh em ha ka kyrteng jong nga; to pan, te phin sa ïoh diang, ba kata ka jingkmen jong phi kan ïoh long kaba dap.

ÏOANNIS 4:10

U Jisu u la ïathuh bad u la ong ha ka, “Lada pha la ithuh ïa ka jingaiei ka jong U Blei, bad uei u long uta uba ong ha pha, ‘To ai ha nga ban dih’, pha hi phan da la pan na u keiñ, u te un da la ai ha pha ïa ka um kaba im.”

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.

JAKOB 5:6

Phi la pynrem noh, phi la pynïap noh ïa uta u bahok; te um ïeng ïaleh pyrshah ïa phi.

1 ÏOANNIS 3:15

Uwei pa uwei baroh uba shun ïa la u parabangeit u long u nongshohnoh briew: bad phi tip ba ym don u nongshohnoh briew uba don ka jingim bymjukut kaba sah ha u.