JAKOB 4:16 - KA BAIBL

¹⁶ Hynrei, mynta pleng phi leh kmen ha kita ki jingkren sarong jong phi: ka jinglehkmen kum kata baroh ka long ka basniew.

Khasi CL Bible (BSI)

¹⁶ Hynrei mynta phi sngewsarong bad phi kyr-eit; baroh kata kaba phi kyr-eit ka long kaba bakla.

JAKOB 4:16 Mawu Ofanana

SALM 52:1

Balei ba me sngewsarong ha ka jingpynsniew, ko uba khlaiñ? Ka jingisynei U Blei ka neh borabor.

SALM 52:7

“Ha khmih, une u long uta u briew u bym shym la pynlong ïa U Blei ban long ka bor jong u; hynrei, u la shaniah ha ka jingkynrei ki spah jong u, bad u la pynkhlaiñ ïa lade ha la ka jingbymman.”

PROBERB 25:14

Kum ki lyoh bad ki lyer khlem slap, kumta long uba kren sarong lamler ïa la ki jingai.

PROBERB 27:1

Wat pynsarong ïa lade shaphang kaba lashai; naba mem tip kaei ka ban jia ha kaba shi sngi.

ISAÏAH 47:10

Naba pha la shaniah ha la ka jingbymman; pha la ong, “Ym don ba ïohi ïa nga”; ka jingstad bad ka jingtip jong pha ka la pynbakla ïa pha: te pha la ong ha la ka dohnud, “Nga, nga long, bad ym don shuh nalor jong nga.”

1 KORINTH 5:6

Kata ka jingleh sarong jong phi, kam long ka babha. Hato phim ju tip ba i thiat iba khun khyndiat, i pynsieb ïa baroh kawei ka shi lynglun u 'pu im?

JAKOB 3:14

Hynrei, lada phi don ka jingpihuiñ bakthang bad ka jingpyneh sat ha ka dohnud jong phi, wat ïalamler pyrshah ïa ka jingshisha.

1 ÏOANNIS 2:16

Naba baroh kaba ha kata ka pyrthei, ka jingkwah brai jong ka doh, bad ka jingkwah brai jong ki khmat, bad ka jingsarong thala shaphang ka jingim, kam long na U Kpa, hynrei, na kata ka pyrthei ka long.

JINGPYNPAW 18:7

Katno katno ba ka la pyndonburom ïa lade, bad ka la im pahuh hai, katta keiñ ka jingkordit bad ka jingsngewsih to phin ai ha ka: naba ka ong ha la ka dohnud, ‘Nga shong ka syiem, bad ngam long ka riewkynthei, bad ngan ym da ïohi ïa ka jingsngewsih satia.’