JAKOB 4:10 - KA BAIBL

¹⁰ To phin pynrit ïa lade ha khmat U Trai, te un pynkhraw ïa phi.

Khasi CL Bible (BSI)

¹⁰ To phin pynrit ïa lade ha khmat U Trai, bad un pynkhraw ïa phi.

JAKOB 4:10 Mawu Ofanana

2 KHRONIKL 7:14

lada ki briew jong nga, ïa kiba la khot da ka kyrteng jong nga, kin pynrit ïa lade, bad kin duwai, bad kin wad ïa ka khmat jong nga, bad kin phai noh na ki lynti bymman jong ki; kumta te ngan sngew na bneng, bad ngan map ïa ki pop jong ki, bad ngan pynkhiah ïa ka ri jong ki.

Ka Kitab U Job 22:29

Haba ki pynkyllon ïa me, men ong, ‘Ka jingpynkyntiew ka don; bad un pynim ïa uba leh rit.’

Ka Kitab U Job 5:11

ba kumta U pynkyntiew sha jrong ïa kita ki bapoh; bad ïa kita ki basngewsih la pynkyntiew sha kaba skhem.

SALM 113:7

U rah ïa u baduk na ka khyndew, bad u kyntiew ïa u barangli na ka thliew sboh;

SALM 147:6

U Trai u kyrshan ïa ki bajemnud: u pynpoh ïa ki bymman haduh khyndew.

SALM 27:6

Te mynta yn kyntiew ïa ka khlieh jong nga halor ki nongshun jong nga baroh sawdong ïa nga; nga te ngan ainguh ha Ka Tabernakl jong u da ki jingkñia ka jingkmen; ngan rwai, shisha keiñ, ngan rwai ïaroh ha U Trai.

SALM 28:9

To pynim ïa la ki briew, bad to kyrkhu ïa la ka jingïoh kynti: to bsa ïa ki ruh, bad to rah sha jrong ïa ki junom.

SALM 30:1

Ngan ïaroh ïa me, A Trai; namar me la pynkyntiew ïa nga, bad mem shym la pynkmen ïa ki nongshun jong nga halor jong nga.

EKSODOS 10:3

Te u Moses bad u Aaron ki la ïawan ha u Pharaoh, bad ki la ong ha u, “Kumne u ong U Trai U Blei jong ki Hebru, ‘Slem katno ba men ym kohnguh ban pynrit ïa lade ha khmat jong nga? to pyllait noh ïa u paidbah jong nga, ba kin ïoh shakri ïa nga.

PROBERB 29:23

Ka jingsarong u briew ka pynpoh ïa u: hynrei uta uba rit ha ka mynsiem un ïoh ka burom.

ESEKIEL 21:26

kumne u ong U Trai U Blei: “To pynkynriah ïa ka meiter, to law noh ïa ka pansngiat: kane kan ym long shuh kajuh: to kyntiew ïa uba poh, bad pynpoh ïa uba hajrong.

MATHAÏOS 23:12

Uno uno ruh de u ban pynkhraw ïa lade, yn pynpoh; uno uno ruh u ban pynpoh te ïa lade, yn pynkhraw.

LOUKAS 1:52

U pynhiar ïa kiba khraw bor na ki khet, bad U kyntiew ïa ki barangli;

LOUKAS 14:11

Naba ïa uno uno baroh uba pynkhraw ïa lade, yn pynpoh; te ïa uba pynpoh ïa lade, yn pynkhraw.”

LOUKAS 18:14

Nga ong ha phi, ba une u la leit hiar pat sha la ïing uba la ksan, ban ïa uta uwei pat; naba ïa uei uei baroh uba pynkhraw ïa lade, yn pynpoh; te ïa uta uba pynpoh ïa lade, yn pynkhraw.”

1 PETROS 5:6

To phin pynrit ïa lade namar kata hapoh ka kti bakhrawbor ka jong U Blei, ba un ïoh pynkhraw ïa phi ha ka Ïa ba bit;

1 SAMUEL 2:7

U Trai uba pynshipa, bad uba pynriewspah: ma u, uba pyndem, bad uba pynkyntiew.

1 SAMUEL 2:9

“Un sumar ïa ki sla'jat ki riewkhuid jong u, hynrei, ïa u bymman un pynsngap noh jar ha ka jingdum; namar un ym jop uno uno u briew da ka bor.