JAKOB 4:1 - KA BAIBL

¹ Nangno ki wan ki jingïaleh thma, bad nangno ki jingïania hapdeng jong phi? Ym nangta hi, na kita ki jingkwah brai jong phi kiba ïaleh thma ha kita ki dkhot jong phi?

Khasi CL Bible (BSI)

¹ Nangno ki mih ki thma bad ki jingïakajia hapdeng jong phi? Ki mih na ki jingkwah brai jong phi ïa ka jingsngewbha, kiba ïai ïaleh hapoh jong phi.

JAKOB 4:1 Mawu Ofanana

JEREMAÏAH 17:9

Ka dohnud ka kham shukor ban ïa kiei kiei baroh, bad ka long ka basniew khlem jingkyrmen: uei uba lah ban ithuh ïa ka?

MATHAÏOS 15:19

Naba na ka dohnud ki mih noh ki jingmut bymman, kaba pynïap, kaba klim, kaba ïakai kynthei, kaba tuh, kaba sakhi lamler, kaba krenbeiñ.

ÏOANNIS 8:44

Phi, phi long na u kpa jong phi, u Soitan, bad ïa ki jingkwah jong uta u kpa jong phi, phi ïamon ban leh; uta u la long u nongshohnoh briew naduh kaba mynnyngkong, bad um ju sah ha ka jingshisha, naba kaba shisha kam don satia ha u: haba u kren ïa kaba lamler, u kren na kiei kiei la ki jong, naba u long uba lamler, bad u kpa jong ki jinglamler.

Ka Shithi U Paul Sha Ki Nong Rom 7:23

Hynrei, nga ïohi ïa kawei pat ka hukum ha ki dkhot met jong nga, kaba ïaleh thma bad kata ka hukum ka jong ka jingmut jong nga, bad kata ka ïalam mraw ruh ïa nga ha kata ka hukum jong ka pop kaba ha kita ki dkhot met jong nga.

Ka Shithi U Paul Sha Ki Nong Rom 7:5

Namar mynba ngi dang long ha ka doh, kita ki jingkwah brai ki jong ka pop, ïa kiba la pynkynroi da kata ka hukum, ki la ïatrei shait ha ki dkhot met jong ngi ïa ka ban sei soh sha ka jingïap.

Ka Shithi U Paul Sha Ki Nong Rom 8:7

Naba kata ka jingïaimut brai ka jong kata ka doh, ka long ka jingshun ïa U Blei; namar kam pynhapoh ïa lade ïa ka hukum U Blei, lymne shisha kam lah keiñ.

GALATIA 5:17

Namar kata ka doh ka kwah marpyrshah ïa U Mynsiem, bad uta U Mynsiem marpyrshah ïa kata ka doh, namar kine ki ïamarpyrshah, katba phim ïoh leh ïa kita kiei kiei ïa kiba phi da mon.

KOLOSSAI 3:5

Namar kata, to phin pynïap troiñ ïa ki dkhot jong phi kiba ha ka khyndew; kaba klim, ka jingbymkhuid, ka jingïaid shikar, ka jingkwah basniew, bad ka jingkwah lalot, kaba long ka jingmane bleithaw;

2 TIMOTHI 2:23

Hynrei, ïa kita ki jingïasaid babieit bad bapathar to kyntait noh, haba tip ba ki ïa-pynmih ki jingïania.

TITOS 3:3

Namar ngi ruh, ngi la long mynno mynno ki babieit, ki bymkohnguh, kiba la shah shukor, kiba shong mraw ha ki bun jaid ki jingkwah brai bad ki jingsngewbha, kiba im ha ka jingsniew bad ka jingbishni, kiba isih, kiba ïashun paralok.

TITOS 3:9

Hynrei, to kiar noh na ki jingïasaid babieit, bad na ki jingkheiñ jinghiar pateng, bad na ki jingïamai, bad na ki jingïania shaphang ka hukum; namar ki long ki bymmyntoi bad kiba thala.

JAKOB 1:14

Hynrei, la pynshoi ïa uwei pa uwei baroh haba la ring pah ïa u da ka jingkwah brai la ka jong hi, bad haba la riam ïa u.

JAKOB 4:3

Phi pan, te phim ïoh pdiang, naba phi pan bymdei, khnang ba phin ïoh pynlut keiñ ha kita ki jingkwah brai jong phi.

1 PETROS 1:14

kum ki khun ka jingkohnguh, ki bympynsyriem ryngkat ïa lade bad kita ki jingkwah brai bamynshuwa ha kata ka jingbymtip jong phi;

1 PETROS 2:11

Ko hep ba-ieit, nga kyrpad ïa phi kum ki nongwan hap bad ki pilgrim, ban kyndiah noh na kita ki jingkwah brai bakynja doh, kiba ïaleh thma ïa ka mynsiem;

2 PETROS 2:18

Namar da kaba kren ïa ki ktien ba at sarong ka jingbieit thala, ki ïariam pah ha ki jingkwah brai ka doh, da ki jingleh nuti, ïa kita kiba dang ïaphet ïap noh na kita kiba im ha ka jingïaid sakma;

2 PETROS 3:3

da kaba phi tip ïa kane nyngkong, ba ha ki sngi ki bakhatduh kin wan ki nongkrenbeiñ da ka jingkrenbeiñ, kiba ïaid katba kum ki jingkwah brai la ki jong hi,