JAKOB 3:6 - KA BAIBL

⁶ Te uta u thylliej u long ka ding: kata ka pyrthei ka jingbymhok long u thylliej hapdeng ki dkhot jong ngi, uba pyntngit ïa ka met baroh kawei, bad uba wiang noh ïa ka shalyntem ka jingpynlong, bad la wiang noh ïa u hi da ka jong ka dujok.

Khasi CL Bible (BSI)

⁶ Bad u thylliej u long kum ka ding. U long ka pyrthei jong ka jingsniew, uba shim ïa ka jaka ha ki met jong ngi bad uba pynphriang ïa kaba sniew ha ka met baroh kawei. U wiang ding ïa ka jingïaid lynti jong ka jingim da ka ding kaba wan sha u na ka dujok hi.

JAKOB 3:6 Mawu Ofanana

2 SAMUEL 16:20

Ynda kumta, u Absalom u la ong ïa u Ahithophel, “To ïapyrkhat buit lang ïa kaba kumno ngin leh.”

2 SAMUEL 19:43

Bad ki rangbah Israel ki la ïathuh ha ki rangbah Judah, bad ki la ong, “Ngi, ngi don shiphew bynta ha u syiem, bad ngi don kham bun ruh ha u Dabid ban ïa phi: balei phi la ibeiñ te ïa ngi, ba ym shym la ïoh shuwa ïa ka jingpyrkhat jong ngi ha kaba wallam noh pat ïa u syiem jong ngi?” Te ki ktien ki rangbah Judah ki la kham eh ban ïa ki ktien ki rangbah Israel.

2 KHRONIKL 13:17

Bad u Abijah bad ki briew jong u ki la pynïap ïa ki, da ka jingpynïap bakhraw: kumta, la pynkyllon ïap na ki Israel sanspah hajar ki rangbah ba la kynsai.

SALM 140:3

Ki la pynnep ïa la ki thylliej kum u bseiñ; ka bih u 'seiñpuh ka don hapoh ki rmiang shyntur jong ki. Selah.

SALM 64:3

kiba la shut ïa la u thylliej kum ka waitlam, bad kiba la thew ïa la ki khnam, ki ktien kiba kthang keiñ:

PROBERB 15:1

Ka jingphai ktien kaba jem ka pynphai noh ïa ka jingbitar: hynrei, ka ktien kaba eh ka pynkhih ïa ka jingbitar.

PROBERB 16:27

U briew uba thala u pun ïa ka jingsniew: bad ha ki rmiang shyntur jong u ka don kum ka ding kaba khluit.

PROBERB 6:19

u sakhi uba lamler uba pyrsad ïa ki lamler, bad uta uba bet ïa ka jingïakajia hapdeng ki para.

PROBERB 7:5

ba kin ïoh sumar ïa me na kata ka kynthei nongwei, na kata ka nongwei kaba kren roh da la ki ktien.

ISAÏAH 30:27

Ha khmih, ka kyrteng U Trai ka wan na sha jngai, ka da ing da ka jingbitar jong u, bad ha ka tdem barben ba kiew artet: ki rmiang shyntur jong u ki dap da ka jingkhih bitar, bad u thylliej jong u ruh u long kum ka ding babam duh:

ISAÏAH 50:11

Ha khmih, phi baroh kiba pynmeh ding, kiba ker kut ïa lade da ki phylliah ding: to ïaid ha ka thylliej ka ding jong phi, bad hapdeng ki phylliah ding ba phi la pynmeh. Ïa kane phin ïoh na ka kti jong nga: phin sa thiah ha ka jingsngewsih.

JEREMAÏAH 20:10

Namar nga la ïohsngew ïa ka jingpynbudnam kiba bun, “Ka jingshyrkhei baroh sawdong. To kynnoh sniew, te ngin kynnoh sniew ïa u,” ong ki lok bajan jong nga baroh, kita kiba ap ba ngan dkoh; “lehse yn riam pah ïa u, bad ngin lah ïa u, bad ngin pynhiar kput halor jong u.”

JEREMAÏAH 28:16

Namar kata, kumne u ong U Trai, ‘Ha khmih, ngan phah noh ïa me na khmat ka khyndew: ha kane ka snem men ïap, namar ba me la kren ïa ka jingïaleh pyrshah ïa U Trai.’ ”

LEBITIKOS 24:11

bad u khun ka kynja Israel u la krenbeiñ ïa ka Kyrteng U Trai, bad u la tim: ynda kumta, ki la wallam ïa u ha u Moses. Bad ka kyrteng ka kmie jong u ka la long “ka Shelomith”, ka khun u Dibri, na ka jaid Dan.

JINGKHEIÑ 25:2

Ki ruh ki la khot ïa uta u paidbah ha ki jingkñia ainguh ïa ki blei jong ki; te uta u paidbah u la bam, bad u la dem ha ki blei jong ki.

JINGKHEIÑ 31:16

Ha khmih, ki dei kine, da ka buit u Balaam, kiba la pynwan ïa ki khun Israel ïa ka ban leh palat ïa U Trai shaphang u Peor, bad ba la don ka jingïapthem hapdeng u paidlang jong U Trai.

MATHAÏOS 12:24

Hynrei, haba kita ki Pharisi ki la ïohsngew ki la ïa-ong, “Une u briew um beh noh ïa ki ksuid, lymda da u Belsebul u rangbah ki ksuid.”

MATHAÏOS 5:22

hynrei, nga ong ha phi, ba uno uno ruh uba da sngewbitar ïa u paralok jong u khlem nia, kan dei ïa u ban hap ha ka jingbishar: uno uno ruh de u ban khot ïa u paralok jong u, ‘Raka’, kan dei ïa u ban hap ha ka jingbishar bah; uno uno ruh de u ban khot ïa u, ‘Me uba mutlop runar’, kan dei ïa u ban hap ha ka dujok ding.

MARKOS 7:15

ym don ei ei ruh shabar u briew, kaba leit hapoh jong u, ba lah ban pyntngit ïa u: hynrei, kiei kiei ruh kiba mih noh na u briew, kita keiñ, ki long kiba pyntngit ïa u briew:

LOUKAS 16:24

Te u la pyrta bad u la ong, ‘Ko Kpa Abraham, to isynei ïa nga, to phah ruh ïa u Lasaros ba un wieh ïa ka khmut shynriah'ti jong u ha ka um, ba un ïoh pynkhriat ïa u thylliej jong nga; naba la pynkordit ïa nga ha kane ka thylliej ding.’

KI KAM 20:30

bad napdeng jong phi hi ruh, ki rangbah kin ïamih kiba ïalap ïa kiei kiei ruh kiba bakla, ïa ka ban ring pah ïa ki synran hadien jong ki.

KI KAM 5:3

Hynrei, u Petros u la ong, “Ko Ananias, hato balei ba u Soitan u la pyndap ïa ka dohnud jong me, ïa ka ban shukor ïa U Mynsiem Bakhuid, bad ban buhrieh noh shi bynta na ka dor kata ka bri?

KI KAM 6:13

Bad ki la pynïeng ïa ki sakhi lamler, kiba la ong, “Une u briew, um keiñ noh shuh ban kren ki ktien pyrshah ïa kane ka jaka bakhuid, bad ïa Ka Hukum:

DEUTERONOMI 13:6

“Lada u para jong me, uba u khun ka kmie jong me, lane u khun jong me, lane ka khun jong me, lane ka tnga bashong lem jong me, lane u lok jong me, uba long kum ka mynsiem jong me hi, u ïapah ïa me ha kaba rieh, u da ong, ‘Ïa ngin ïaleit shakri ïa kiwei pat ki blei,’ ïa kiba mem ju ithuh, ma me, lymne ki kpa jong me;

TITOS 1:11

kiba ïa ki shyntur jong ki dei ban set noh, ki briew kiba pynkyllon ïa ki ïing baroh shi ïing da kaba hikai ïa kiei kiei ki bymdei, na ka bynta ka jingkhwan myntoi.

JAKOB 2:7

Hato kine kim krenbeiñ sat ïa kata ka kyrteng ba-donburom da kaba la khot ïa phi?

JAKOB 3:7

Namar ïa ka kynja baroh ki mrad khlaw ruh bad ki sim, ki bapar ruh bad kiba ha ka duriaw, la pynjuh bad la ju pynjuh da ki kynja bynriew:

2 PETROS 3:3

da kaba phi tip ïa kane nyngkong, ba ha ki sngi ki bakhatduh kin wan ki nongkrenbeiñ da ka jingkrenbeiñ, kiba ïaid katba kum ki jingkwah brai la ki jong hi,

3 ÏOANNIS 1:10

Namar kane, lada ngan ïoh wan, ngan pynkynmaw biang ïa kita ki jingleh jong u ïa kiba u ïai-leh, ba u da shait kren blab blab pyrshah ïa ngi da ki ktien basniew. Te haba um sngewhun da kine, um pdiang sngewbha hi ïa kita ki parabangeit, bad ïa kita kiba da kwah u adong, bad u shop noh ïa ki pynban na ka balang.

JINGPYNPAW 12:9

Te la shop noh arsut ïa uta u ïakjakor bakhraw, uta u bseiñ tymmen ïa uba la khot “u Ksuid”, bad “u Soitan”, uba shukor ïa ka pyrthei baroh kawei; la shop noh arsut ïa u sha ka khyndew, bad ïa kita ki angel jong u la shop noh arsut lem bad u.

JINGPYNPAW 13:14

Te u shukor noh ïa kita kiba shong halor kata ka khyndew, da kita ki dak khyllah ïa kiba la ai bor ha u ban leh ha khmat uta u mrad khlaw; u da ong ha kita kiba shong halor kata ka khyndew ba kin thaw dur ïa uta u mrad khlaw, uba la ïoh ïa kata ka jingmong da ka waitlam, bad ba la ïoh im pynban.

JINGPYNPAW 18:23

bad ïa ka jingshai ka sharak da lei lei yn ym pynshai shuh ha pha; bad ïa ka jingsawa u nongleit-kurim bad ka nongleit-kurim da lei lei yn ym ïohsngew shuh ha pha; naba kita ki nongkhaïi jong pha ki la ju ïalong ki bakhraw batri jong ka khyndew; naba da kata kaba ai ksuid jong pha la shukor noh ïa ki kynja bynriew baroh.

JINGPYNPAW 19:20

Te la kem ïa uta u mrad khlaw, bad lem bad u ruh ïa uta u nongïathuhlypa balamler uba la leh ïa kita ki dak khyllah ha khmat jong u, da kiba u la shukor ïa kita kiba la pdiang ïa kata ka dak uta u mrad khlaw, bad ïa kita kiba la ïamane dem ïa kata ka dur jong u. Ïa kine baroh ar, la bred im keiñ sha kata ka pung ka ding ïa kaba la thang da u kyndok.