JAKOB 3:5 - KA BAIBL

⁵ Kumta ruh, u thylliej u long tang i dkhot i barit, hynrei, u shait kren khraw eh. Ha khmih, katno ka shi stai bah ki dieng i ding i barit i pynmeh noh!

Khasi CL Bible (BSI)

⁵ Kumta ka long bad u thylliej: La u long uba rit, u lah ban sngewsarong shaphang kiei kiei kiba khraw. Shu pyrkhat kat ka 'lawbah lah ban pynpluh ïa ka da i thylliej ding iba rit!

JAKOB 3:5 Mawu Ofanana

Ka Kitab U Job 22:17

kiba la ong ha U Blei, ‘Khie leit noh na ngi; bad U Badonbor Baroh un lah leh aïu ïa ngi?’

SALM 10:3

Naba u bymman u kren khraw ïa ka jingkwah ka dohnud jong u, bad uba khwan u kyntait, bad u ñiewbeiñ ïa U Trai.

SALM 17:10

La sop ïa ki ha la ka jong ka khleiñ: da la ka shyntur ki ïakren sarong.

SALM 39:1

Nga la ong, “Ngan sumar ïa la ki lynti, ba ngan ym leh pop da la u thylliej: ngan sumar ïa la ka shyntur da u lakam, katba u bymman u don ha khmat jong nga.”

EKSODOS 15:9

Uta u nongshun u la ong, ‘Ngan sa beh, ngan sa lap, ngan sa pynïabynta ïa ka jinglute: yn sa pynhun ïa ka jingkwah jong nga halor jong ki; ngan sei ïa la ka waitlam, ka kti jong nga kan sa pynjot ïa ki.’

EKSODOS 5:2

Bad u Pharaoh u la ong, “U Trai u long uei, ba ngan kohnguh ma nga ïa ka ktien jong u ïa ka ban pyllait noh ïa ki Israel? Ïa U Trai ngam ithuh, bad ïa ki Israel ngan ym pyllait noh keiñ.”

PROBERB 12:18

Don kiba kren thurmur kum ki jingdung ka wait: hynrei, u thylliej jong u bastad u long ka jingkhiah.

PROBERB 15:2

U thylliej jong u bastad u kren beit ïa ka jingtip: hynrei, ka shyntur jong ki babieit ka theh noh ïa ka jingbieit.

PROBERB 18:21

Ka jingïap bad ka jingim ki long ha ka bor u thylliej; bad kita kiba ieit ïa u kin bam ïa u soh jong u.

PROBERB 26:20

Ha bymdon dieng shuh ka lip ka ding: bad ha ka bymdon uba lorni, ka duh ka jingïapyneh.

JEREMAÏAH 18:18

Ynda kumta, ki la ong, “Ïa, to ngin ïathaw ki buit ban ïaleh ïa u Jeremaïah; naba ka hukum kan ym duh na u lyngdoh, lymne ka jingpyrkhat na uba stad, lymne ka ktien na u nongïathuhlypa, ïa ngin shoh ïa u da u thylliej, bad to ngin ym shahshkor ïa kino kino ki ktien jong u.”

ESEKIEL 28:2

“Ko khun u briew, to ong ha u nongsynshar ka Tyros, ‘Kumne u ong U Trai U Blei: “ ‘Namar ba ka dohnud jong me ka la sngewmeng, bad me la ong, “Nga long u blei, nga shong ha ka jingshong U Blei, hapdeng ki duriaw;” haba me hi u briew, ym U Blei, la me la buh la ka dohnud kum ka dohnud U Blei:

ESEKIEL 29:3

kren bad to ong, ‘Kumne u ong U Trai U Blei: “ ‘Ha khmih, nga long pyrshah ïa me, ko Pharaoh u syiem ka Ijipt, u ïakjakor bakhraw uba shong hapdeng la ki wah, uba la ong, “Ka wah jong nga ka long ka jong nga hi, bad nga la pynlong ïa ka na ka bynta ïa lade.”

DANIEL 3:15

Mynta, lada phi la khreh hamar ba phi ïohsngew ïa ka jingsawa jong kata ka jingput, ka sharati, ka bajna, ka tangmuri, ka nebel, ka dulsimar, bad ki kynja jingtem baroh, ban dem ban mane ïa kata ka durblei ïa kaba nga la thaw, bha: hynrei, lada phim mane, yn sa bred noh ïa phi ha kata kajuh ka por hapdeng ka lawar ding ba la thang rhem; bad uei uta U Blei uba lah ban pyllait ïa phi na ki kti jong nga?”

DANIEL 4:30

U syiem u la ïathuh bad u la ong, “Hato kane kam long ka Babilon bakhraw, ïa kaba nga la tei ma nga ban long ka jaka shong syiem, da ka jingkhraw ka bor jong nga bad na ka bynta ka nam ka burom jong nga?”

JAKOB 3:4

Ha khmih ruh ïa ki lieng bah, la ki khraw katta katta, bad ba la beh ruh ïa ki da ki lyer bajur eh, pynban, la pynphai ïalam ïa ki da i boitha i barit eh, shano shano ruh katba mon ka jingthmu uba bat boitha.

2 PETROS 2:18

Namar da kaba kren ïa ki ktien ba at sarong ka jingbieit thala, ki ïariam pah ha ki jingkwah brai ka doh, da ki jingleh nuti, ïa kita kiba dang ïaphet ïap noh na kita kiba im ha ka jingïaid sakma;

JUDAH 1:16

Kine ki long kiba ïakren khñium, kiba ud wad daw, kiba ïaid katba kum ki jingkwah brai jong ki hi; bad ka shyntur jong ki ka kren ïa kiei kiei ba at sarong, ki da ñiew shiliang khmat ïa ki briew na ka bynta ka jingmyntoi.