JAKOB 3:14 - KA BAIBL

¹⁴ Hynrei, lada phi don ka jingpihuiñ bakthang bad ka jingpyneh sat ha ka dohnud jong phi, wat ïalamler pyrshah ïa ka jingshisha.

Khasi CL Bible (BSI)

¹⁴ Hynrei lada hapoh ka dohnud jong phi, phi don ka jingpihuiñ, bad khwan myntoi, to wat leh pop pyrshah ïa ka jingshisha da kaba kren sarong ïa la ka jingstad.

JAKOB 3:14 Mawu Ofanana

JENESIS 37:11

Te ki hynmen jong u ki la ïabishni ïa u; hynrei, u kpa jong u, u la kynshew ïa kata ka jingong ha la ka dohnud.

JENESIS 38:9

Bad u Onan u la tip ba u symbai un ym long ïa u hi kumta haba u la leit sha ka tnga u hynmen jong u, u la ju pynjah duh ïa la u symbai ha tbian, ba ïoh un pynmih symbai ïa la u hynmen.

2 SYIEM 10:16

Bad u la ong, “To wan bad nga, bad to khmih ïa ka jingshitrhem jong nga na ka bynta U Trai.” Kumta, ki la pynshong ïa u ha ka kali jong u.

2 SYIEM 10:31

Hynrei, u Jehu um shym sumar ban ïaid ha ka hukum U Trai, U Blei ki Israel, da ka dohnud jong u baroh: um shym kynriah noh na ki pop u Jeroboam, da kiba u la pynleh pop ïa ki Israel.

Ka Kitab U Job 5:2

Naba ka jingsngewshitom ka pynïap ïa u babieit, bad ka jingbishni ka pynïap ïa u bymstad.

PROBERB 14:30

Ka dohnud kaba khiah ka long jingim ïa ka doh: hynrei, ka jingbishni ka pynpyut ïa ki shyieng.

PROBERB 27:4

Ka jingbitar ka dom, bad ka jingbitar lep ka long ka jingshlei um; hynrei, uei uba lah ban ïeng ha khmat ka jingbishni?

ISAÏAH 11:13

Ka jingbishni u Ephraim ruh kan leit noh, bad ïa kita kiba pynshitom ïa u Judah yn ot noh: u Ephraim un ym bishni ïa u Judah, bad u Judah un ym pynshitom ïa u Ephraim.

HABAKKUK 1:3

Balei ba me pyni ha nga ka jingbymman, bad ba me shu khmih ïa ka jingkiat? naba ka jinglute bad ka jingleh-jubor ki don ha khmat jong nga; don ruh ka jingïania, bad ka jingïaprat ka mih.

MATHAÏOS 27:18

Naba u la tip ba na kaba shun ki la ai noh ïa u.

ÏOANNIS 16:2

Kin kyntait noh ïa phi na ki synagog; shisha ka por ka jia, ba uno uno ruh uba pynïap noh ïa phi, un mut ba u ainguh ha U Blei.

KI KAM 13:45

Hynrei, haba ki Jiw ki la ïohi ïa kita ki paidbah, la pyndap ïa ki da ka jingpihuiñ; bad ki la ïasaid pyrshah ïa kita kiei kiei ruh ba la kren da u Paul, bad ki la ïakrenbeiñ ruh.

KI KAM 26:9

“Nga shisha nga la ju tharai ha lade ba ka dei ïa nga ban leh shibun kiei kiei ruh pyrshah ïa ka kyrteng U Jisu u nong Nasaret.

KI KAM 5:17

Te haba uta u rangbah lyngdoh u la ïeng joit, bad kita baroh kiba ïadon lem bad u, kiba long ka jaid niam ki Saddusi, la pyndap ïa ki da ka jingïa-ing;

KI KAM 7:9

“Te kita ki kthaw tymmen, ba ki da ïasngewpihuiñ ïa u Joseph, ki la die noh ïa u sha Ijipt; hynrei, U Blei u la don ryngkat bad u,

Ka Shithi U Paul Sha Ki Nong Rom 1:29

ba ki la dap da ka jingbymhok baroh, da ka jingbymman, da ka jingkhwan, da ka jingpynsniew; kiba la dap da ka jingsngewpihuiñ sat, da kaba pynïap, da kaba ïamai, da ka jingshukor, da ka jingrunar,

Ka Shithi U Paul Sha Ki Nong Rom 13:13

To ngin ïa-ïaid da leh don akor, kumba ha pyrshah ka sngi; ym ha ki jingïadih kyiad khynwin bad ha ki jingïabuaid, ym ha ki jingïakai kynthei bad kiba ïanuti jakhlia, ym ha kaba ïamai bad kaba ïa-pihuiñ.

Ka Shithi U Paul Sha Ki Nong Rom 2:17

Ha khmih, ïa me la kyrteng “Jiw”, bad me shaniah ha kata ka hukum, bad me sngewsarong ha U Blei,

Ka Shithi U Paul Sha Ki Nong Rom 2:8

hynrei, ha kita kiba leh kiat, bad ki bymkohnguh ïa ka jingshisha, hynrei, kiba kohnguh ïa ka jingbymhok, yn long ka jingbitar bad ka jingbitar baïaibat.

1 KORINTH 13:4

Ka jingieit ka ïaishah slem, bad ka leh sbun; ka jingieit kam ju pihuiñ; ka jingieit kam ju leh sarong ïa lade, kam ju pynmeng,

1 KORINTH 3:3

Namar phi dang long kiba kynja doh: naba haba don hapdeng jong phi ka jingpihuiñ bad ka jingïania, phim long te kiba kynja doh, bad phi ïaid katba kum ka rukom briew?

1 KORINTH 5:2

Te phi, phi la sngewmeng pynban, haba ka la dei ïa phi ban sngewsih, khnang ba yn pynkynriah napdeng jong phi ïa uta uba la leh kat kane ka kam.

1 KORINTH 5:6

Kata ka jingleh sarong jong phi, kam long ka babha. Hato phim ju tip ba i thiat iba khun khyndiat, i pynsieb ïa baroh kawei ka shi lynglun u 'pu im?

2 KORINTH 12:20

Namar nga sheptieng, ïoh ba haba nga wan, ngan ym shem ïa phi kum kiba nga mon, bad phi ruh phin shem ïa nga kum uba phim mon; ïoh ba don ki jingïania, ki jingpihuiñ, ki jingbitar, ki jingïapyneh, ki jingkren siar, ki jingkren siar pasiaw, ki jingïaleh meng, ki jingïakhihwin;

GALATIA 5:15

Hynrei, lada phi ïadait bad phi ïabam duh paralok hi, to sumar phi ïoh ba phin ïabam duh noh khoit paralok hi.

GALATIA 5:20

ka jingmane bleithaw, ka jingaiksuid, ka jingïashun, ka jingïania, ki jingpihuiñ, ki jingbitar, ki jingïapait, ki jingïakhlad, ki jingïapait niam,

GALATIA 5:21

ki jingbishni, ka jingbuaid, ki jingdih kyiad haw haw, bad kiba kum kita; shaphang kiba nga maham lypa ïa phi, kumba nga la maham mynshuwa, ba kita kiba ïai-leh kat kita kiei kiei kin ym ïoh ïa ka hima U Blei.

GALATIA 5:26

Wat ai te ba ngin long kiba sarong thala, da kaba pynskuiñ paralok, da kaba bishni paralok.

GALATIA 6:13

Namar wat kita hi ïa kiba la otsher, kim sumar ïa ka hukum; hynrei, ki ïakwah ba yn otsher ïa phi, khnang ba kin ïoh leh thaw burom ha ka doh jong phi.

PHILIPPI 1:15

Don shisha keiñ kiba ïalap ïa U Khrist wat na kaba sngewpihuiñ bad kaba ïa-pyneh; don ruh kiba na ka mon sngewbha:

PHILIPPI 2:3

wat leh ei ei ruh da ka jingïapyneh lane da ka jingsarong; hynrei, da ka jingsngewrit da ñiew phi ïa ki paralok kiba kham bha ban ïa lade;

1 TIMOTHI 2:4

uba mon ba ki briew baroh kin ïohlait im, bad ba kin poi sha ka jingtip ïa ka jingshisha.

1 TIMOTHI 6:4

la pynsarong eh ïa u, haba um tip ei ei ruh, hynrei, u da skuiñ shaphang ki jingïasaid bad ki jingïaleh ktien, na kiba ki mih ka jingbishni, ka jingïania, ki jingkrenbeiñ, ki jingtharai sniew,

TITOS 3:3

Namar ngi ruh, ngi la long mynno mynno ki babieit, ki bymkohnguh, kiba la shah shukor, kiba shong mraw ha ki bun jaid ki jingkwah brai bad ki jingsngewbha, kiba im ha ka jingsniew bad ka jingbishni, kiba isih, kiba ïashun paralok.

JAKOB 1:18

Da kaba u la mon sngewbha, u la pynkha ïa ngi da ka ktien ka jingshisha, ba ngin long ma ngi ki kynja soh nyngkong na kita ki jingthaw jong u.

JAKOB 3:16

Namar ha kaba don ka jingpihuiñ bad ka jingpyneh sat, hangta don ka jingkhihwin bad ka jingleh basniew baroh.

JAKOB 5:19

Ko parabangeit, lada uno uno ruh hapdeng jong phi u la ïaid sakma noh na ka jingshisha, bad lada uno uno ruh u da pynphai pat ïa u,