JAKOB 3:13 - KA BAIBL

¹³ Uei u bastad bad u bashemphang hapdeng jong phi? to un da pynpaw da ka jinglong babha jong u ïa kita ki jingleh jong u da ka jingjemnud ka jingstad.

Khasi CL Bible (BSI)

¹³ Hato don uno uno napdeng jong phi uba stad bad shemphang? U dei ban pynshisha ïa ka da ka jingim babha, da ki kam babha jong u kiba u la leh ha ka jingsngewrit bad jingstad.

JAKOB 3:13 Mawu Ofanana

Ka Kitab U Job 28:28

Bad ha u briew u la ong, ‘Ha khmih, ka jingsheptieng ïa U Trai, kata kaba long ka jingstad; bad kaba kynriah na ka jingsniew ka long ka jingshemphang.’ ”

SALM 107:43

Jar ki bastad kin shahshkor ïa kine kiei kiei, bad kin pyrkhat ïa ki jingisynei jong U Trai.

SALM 122:8

Na ka bynta la ki para bad la ki lok, ngan ong mynta, “To long ka jingsuk hapoh jong pha.”

SALM 149:4

Naba U Trai u ieit sngewbha ïa la ki briew: un pynitynnad ïa kiba lui lui da ka jingpynim.

SALM 25:9

Ïa uba jemnud un ïalam ha ka jingbishar: bad ïa la ka lynti un hikai ha uba jemnud.

SALM 45:4

Bad ha la ka jinglong burom to nang shong kulai da man bha, namar ka jingshisha bad ka jingjemnud bad ka hok: bad ka kti kamon jong me kan hikai ha me ïa kiei kiei kiba itieng.

EKLESIASTIS 8:1

Uei uba kum u riewstad? Bad uei uba nang ïa ka jingbatai ïa kaei kaei? Ka jingstad u briew ka pyntyngshaiñ ïa ka khmat jong u, bad yn pynkylla ïa ka jing-i-eh ka khmat jong u.

EKLESIASTIS 8:5

Uno uno uba sumar ïa ka hukum un ym tip ïa kaei kaei ka basniew, bad ka dohnud u riewstad ka ithuh ïa ka por bad ïa ka jingbishar.

ISAÏAH 29:19

Ki bajemnud ruh kin pynroi ïa la ka jingkmen ha U Trai, bad ki baduk hapdeng ki briew kin ïashadkmen ha uta U Bakhuid jong ki Israel.

ISAÏAH 60:6

Bun byllien ki ut kin tap lup ïa pha, ki ut bastet ka Midian bad ka Ephah: baroh kiba na Sheba kin wan: kin wallam ka ksiar bad ka jingiwbih, kin ïa-pynbna ruh ïa ki jingïaroh jong U Trai.

ISAÏAH 61:1

U Mynsiem U Trai U Blei u ha nga; naba U Trai u la pynsleh ïa nga ban ïalap ïa kiei kiei ki babha ha ki bajemnud; u la phah ïa nga ban spaiñ ïa kiba la pait dohnud, ban ïalap ïa ka jingpyllait noh ha kiba la ring mraw, bad ïa kaba plie ïa ka byndi ha kiba la khum;

JEREMAÏAH 9:12

Uei uta u briew u bastad, uba lah ban sngewthuh ïa kane? bad uei uta ha uba ka shyntur U Trai ka la kren, ba u lah ban pynpaw ïa ka? Balei ba ka ri ka la jot bad ba la thang duh kum ka ri khlaw, katba ym don ba ïaid nangta shuh?

JEREMAÏAH 9:23

Kumne u ong U Trai, “Wat ai ba u riewstad un sarong ha la ka jingstad, lymne u bakhrawbor un ym sarong ha la ka bor, u riewspah to un ym sarong ha ki spah jong u:

DANIEL 2:21

bad u pynkylla ma u ïa ki por bad ïa ki aïom: u pynduh ïa ki syiem, bad u thung ïa ki syiem: u ai ka jingstad ïa ki bastad, bad ka jingtip ïa kiba don jingshemphang.

SEPHANAÏAH 2:3

To wad ïa U Trai, phi baroh kiba lui lui jong ka khyndew, kiba la leh ïa ka jingbishar jong u; to wad ïa ka hok, wad ïa ka jinglui lui: lehse yn buhrieh ïa phi ha kata ka sngi ka jingbitar U Trai.

JINGKHEIÑ 12:3

Hynrei, uta u briew, u Moses, u la long uba jemnud tam na ki briew baroh kiba ha khmat ka pyrthei.

MATHAÏOS 11:29

To shim ïa ka lyngkor jong nga ha phi, to hikai ruh na nga; naba nga uba lui lui bad u barit ruh ha ka dohnud: te phin shem kaba jahthait ha ki mynsiem jong phi.

MATHAÏOS 21:5

“Ïathuh ha ka khun ka Seïon, ‘Ha khmih, U Syiem jong pha u wan ha pha, uba jemnud bad uba shong halor ka kadda, halor u khun ka kadda kaba la ju mlien bad ka lyngkor ruh.’ ”

MATHAÏOS 5:5

“Suk ki bajemnud: naba kin ïaïoh ïa ka khyndew.

MATHAÏOS 7:24

“Te mano mano baroh uba sngew ïa kine ki ktien jong nga, bad uba leh ïa ki, ngan tharai ïa u kum u briew u bastad, uba la tei ïa ka ïing jong u halor u mawsiang:

1 KORINTH 6:5

Ïa ka ban pynsngewlehrain ïa phi nga kren ïa kane keiñ. Shisha, ym don uwei u bastad hapdeng jong phi, uba lah ban bishar hapdeng ki parabangeit jong u?

2 KORINTH 10:1

Te nga hi, u Paul, nga kyrpad ïa phi da ka jingjemnud bad ka jingshahjem U Khrist, ma nga keiñ, uba haba don ha khmat, nga long uba rit hapdeng jong phi, hynrei, ha bymdon ha khmat nga leh shlur sha phi.

2 KORINTH 8:24

Namar kata, to phin pyni ha ki ha khmat kita ki balang ïa ka dak ka jingieit jong phi, bad ka jingïaroh jong ngi na ka bynta jong phi.

GALATIA 5:23

ban ïaleh pyrshah ïa kiba kum kita, ym don ka hukum.

GALATIA 6:1

Ko parabangeit, wat lada lap ïa u briew ha kano kano ka jingpalat, ma phi kiba kynja mynsiem, to pynbha pat ïa uba kum uta ha ka mynsiem ka jingjemnud, da kaba khmih ïa lade, ïoh ba yn pynshoi ïa me ruh.

GALATIA 6:4

Hynrei, to uwei pa uwei un tynjuh ïa la ka kam hi, te ynda kumta, un ïoh ïa ka jinglehkmen shaphang ïa lade hi, hynrei, ym shaphang uwei pat.

EPHESOS 4:2

da ka jingsngewrit bad da ka jingjemnud baroh, da ka jingïaishah-slem, da kaba ïaishah paralok hi ha ka jingïa-ieit;

PHILIPPI 1:27

Tang ba, ka rukom ka jingim jong phi ai kan ïadei bad ka gospel U Khrist: ba la nga wan bad ïohi ïa phi lane haba ngam don, ngan ïohsngew shaphang ka jinglong jong phi, ba phi ïeng skhem ha kawei ka mynsiem, da kaba ïa-pyneh da kawei ka jingmut na ka bynta ka jingngeit ka gospel;

KOLOSSAI 3:12

Namar kata, kum kiba la jied, ki bakhuid bad ba-ieit eh jong U Blei, to phin ïakup ïa ka dohnud ka jingsngewsynei, ka jingsbun, ka jingsngewrit, ka jingjemnud, ka jingïaishah-slem;

1 TIMOTHI 4:12

To wat ai ïano ïano ruh ban ibeiñ ïa ka jinglong samla jong me; hynrei, to men long ka rukom ïa kita kiba ngeit, ha ka ktien, ha ka jinglong jingim, ha ka jingieit, ha ka jingngeit, ha ka jinglong sngur.

1 TIMOTHI 6:11

Hynrei, ma me, A u briew u jong U Blei, to phet ïap noh na kine kiei kiei ruh; bad to beh brai ïa ka hok, ïa ka jingriewblei, ïa ka jingngeit, ïa ka jingieit, ïa ka jingïaishah, ïa ka jingjemnud.

2 TIMOTHI 2:25

ha ka jingjemnud uba sneng ïa kita kiba ïaleh pyrshah; ba lehse U Blei un ai ha ki ka jingkylla-ka-bamut ïa ka ban ithuh ïa ka jingshisha;

TITOS 3:2

ban ym kren sniew ïano ïano ruh, ban ym long kiba ïania, hynrei, kiba ïaishah da kaba pyni ka jingjemnud baroh sha ki briew baroh.

HEBRU 13:5

To long kiba lait na kaba ieit sbai, da kaba sngewhun bad kita kiei kiei ba phi don; namar u hi u la ong: “Ngan ym iehnoh noh ïa me da lei lei, lymne ngan ym leh lyndet noh ïa me da lei lei.”

JAKOB 1:21

Naba kumta, haba la buh noh bad ïa ka jingtngit baroh, bad ïa ka jingshlei ka jingbishni, to phin pdiang da ka jingjemnud ïa kata ka ktien ba la thung, kaba lah keiñ ban pynim ïa ki mynsiem jong phi.

JAKOB 2:18

Hynrei, don u ban ong, “Me, me don ka jingngeit, nga ruh nga don ki jingleh: to pyni ha nga ïa kata ka jingngeit jong me khlem kita ki jingleh jong me, nga ruh ngan pyni ha me na kita ki jingleh jong nga ïa ka jingngeit jong nga.”

JAKOB 3:1

To wat long phi ki nonghikai babun, ko parabangeit jong nga, haba tip ba ngin ïoh diang ïa ka jingbishar ba kham khraw.

JAKOB 3:17

Hynrei, kata ka jingstad kaba na jrong ka long nyngkong ka bakhuid, ynda kumta, kaba suk, kaba shah jemnud, kaba ngeit eh, kaba dap da ka jingisynei bad da ki soh babha, kaba khlem ñiew shiliang khmat, bad kaba khlem arsap.

1 PETROS 1:15

hynrei, kumba uta uba la khot ïa phi u long u bakhuid, to long ma phi ruh ki bakhuid ha ka jinglong jingim baroh;

1 PETROS 2:12

da kaba ïaibat ïa ka jinglong jingim jong phi ka babha hapdeng ki Jentil; ba ha kata kaba ki ïakren sniew ïa phi kum ki nongleh basniew, ki lah na kita ki jingleh babha jong phi, ïa kiba ki ïohi, ban pyndonburom ïa U Blei ha ka sngi ka jingwan-i.

1 PETROS 2:9

Hynrei, ma phi, phi long ka kynja ba la jied, ka jinglong lyngdoh bakynja syiem, ka jaid bynriew bakhuid, u paidlang ba dei eh la u jong hi, ba phin da ïoh pynpaw ïa ki jingbha kor tam jong uta uba la khot ïa phi na ka jingdum sha kata ka jingshai baphylla jong u:

1 PETROS 3:4

hynrei, to ai ba kan long uta u briew ba la rieh jong ka dohnud, ha ka jingpynibha ka bymsep ka jong ka mynsiem bajemnud bad ba jar jar, kaba long ha khmat U Blei ka bakordor eh.