JAKOB 3:10 - KA BAIBL

¹⁰ Na kajuh hi ka shyntur ka mih ka jingkyrkhu bad ka jingtim. Kam dei, ko parabangeit jong nga, ïa kine kiei kiei ruh ban long kumta.

Khasi CL Bible (BSI)

¹⁰ Ki kyntien jong ka jingsngewnguh bad ka jingtim ki mihnoh na kajuh ka shyntur. Ko parabangeit jong nga, kane kam dei ban jia.

JAKOB 3:10 Mawu Ofanana

JENESIS 20:9

U Abimelekh u la khot ruh ïa u Abraham, bad u la ong ha u, “Hato kaei kane ba me la leh ïa nga? bad nga la leh pop aïu pyrshah ïa me, ba me la wallam ïa ka pop kaba khraw katta halor jong nga bad halor ka hima jong nga? me la leh ïa nga ïa ki jingleh ïa ki bymdei ban leh.”

2 SAMUEL 13:12

Ka te ka la ïathuh ha u, “Ynnai, ko kong, wat pynkheiñ burom ïa nga; namar ym bit ban leh kaba kum kane ha Israel: wat leh keiñ kum kane ka jingleh bieit.

MIKAH 3:11

Ki rangbah jong ka ki bishar ba kin ïohnong, bad ki lyngdoh jong ka ki hikai namar ka bainong, bad ki nongïathuhlypa jong ka ki khan ba kin ïoh tyngka: pynban, ki shan ha U Trai, bad ki ong, ‘Hato U Trai um don hapdeng jong ngi? kan ym jia ka basniew ïa ngi.’

Ka Shithi U Paul Sha Ki Nong Rom 12:14

To kyrkhu ïa kita kiba lehbeiñ ïa phi; to phin kyrkhu keiñ, bad wat tim phi.

1 KORINTH 3:3

Namar phi dang long kiba kynja doh: naba haba don hapdeng jong phi ka jingpihuiñ bad ka jingïania, phim long te kiba kynja doh, bad phi ïaid katba kum ka rukom briew?

1 TIMOTHI 5:13

Bad ruh putet ki nang mlien ban long kiba alhia haba ki kyntiap na ïing sha ïing; te ym tang kiba alhia, hynrei, kiba blab blab ruh bad kiba lorni, haba ki kren ïa kiei kiei ruh ki bymdei ban kren.

JAKOB 1:16

To wat bakla noh phi, ko parabangeit ba-ieit jong nga.

JAKOB 1:19

Namar kata, ko parabangeit ba-ieit jong nga, ai ba u briew baroh un long uba kloi ban ïohsngew, uba tud ïa ka ban kren, uba tud keiñ ïa ka ban bitar:

JAKOB 3:1

To wat long phi ki nonghikai babun, ko parabangeit jong nga, haba tip ba ngin ïoh diang ïa ka jingbishar ba kham khraw.

JAKOB 3:11

Hato ka umpohliew na kajuh hi ka thliew ka pynmih ïa ka um ka babang bad ïa ka bakthang?

JAKOB 3:9

Da une hi, ngi kyrkhu ïa U Blei uba U Kpa; bad da une hi, ngi tim noh ïa ki briew, ïa kiba la thaw kat kum ka dur U Blei.

1 PETROS 3:9

ym kiba leh markylliang ïa ka basniew namar ka basniew, lane ïa kaba krenbeiñ namar kaba krenbeiñ; hynrei, da kumwei keiñ kiba kyrkhu; haba tip ba sha kane khnang la khot ïa phi, ba phin da ïoh ïa ka jingkyrkhu.