JAKOB 2:8 - KA BAIBL

⁸ Hynrei, lada phi pyndep ïa ka hukum bakynja syiem, katba kum ka jingthoh, “Men ieit ïa u paramarjan jong me kumba ïa lade”, phi leh bha keiñ:

Khasi CL Bible (BSI)

⁸ Phi leh ïa kaei kaba dei lada phi kohnguh ïa ka hukum jong ka hima, ïa kaba la shem ha ka Jingthoh Bakhuid, “To ieit ïa la u paramarjan kumba ieit ïa lade.”

JAKOB 2:8 Mawu Ofanana

1 SYIEM 8:18

Hynrei, U Trai u la ong ha u Dabid u kpa jong nga, ‘Kumba ka la don ha ka dohnud jong me ban tei ka ïing ïa ka kyrteng jong nga, me la leh bha keiñ ba kane ka la don ha ka dohnud jong me:

2 SYIEM 7:9

Ynda kumta, ki la ïa-ong paralok, “Ngim leh kaba dei: kane ka sngi ka long ka sngi ka khubor babha, bad ngi shu ïasngap: lada ngin ïa-ap haduh ban da shai mynstep, ka jingpynshitom kan lap ïa ngi: namar kata te, ïa ngin ïaleit ïathuh ha ïing u syiem.”

LEBITIKOS 19:18

Men ym pynhiar kput, lymne bat nud pyrshah ïa la ki khun u paidlang jong me, hynrei, men ieit ïa la u paramarjan kumba ïa lade: Nga long U Trai keiñ.

LEBITIKOS 19:34

To ai ba u nongwei uba wanhap hapdeng jong phi un long kum ïa uba la kha na phi hi, bad to ieit ïa u kumba ïa lade hi; naba phi ruh phi la ju long ki nongwei ha ka ri Ijipt: Nga long U Trai U Blei jong phi.

JONAH 4:4

U Trai te u la ong, “Hato me leh bha ba me bitar?”

JONAH 4:9

U Blei te u la ong ha u Jonah, “Hato me leh bha ba me bitar namar uta u Kikaïon?” U te u la ong, “Nga leh bha keiñ ba nga bitar jin haduh ka jingïap.”

MATHAÏOS 22:39

Ka ba-ar ruh ka long kum kata, ‘Men ieit ïa u paramarjan jong me kumba ïa lade.’

MATHAÏOS 25:21

Te u kynrad jong u, u la ong ha u, ‘Bha, me u shakri babha bad bangeit: me la minot ha kiba khyndiat, ngan buh ïa me halor kiba bun: to khie leit shapoh ka jingkmen u kynrad jong me.’

MATHAÏOS 25:23

U kynrad jong u, u la ong ha u, ‘Bha me u shakri babha bad bangeit; me la minot ha kiba khyndiat, ngan buh ïa me halor kiba bun: to khie leit shapoh ka jingkmen u kynrad jong me.’

MATHAÏOS 7:12

“Namar kata, ïa kiei kiei baroh kiba phi ïamon ba ki briew kin leh ha phi, kumta, to leh ma phi ruh ha ki: naba kane ka long Ka Hukum bad Ki Nongïathuhlypa.

Ka Shithi U Paul Sha Ki Nong Rom 13:10

Ka jingieit kam ju trei ïa ka basniew ha la u paramarjan: ka jingieit, namar kata, ka long ka jingpyndep ïa ka hukum.

GALATIA 5:14

Namar la pyndep ïa ka hukum baroh ha kawei ka ktien, ha kane keiñ: “Men ieit ïa la u paramarjan kumba ïa lade.”

GALATIA 6:2

To ïakit phi ïa ki jingkit paralok hi, te kumta phin ïa-pyndep ïa ka hukum U Khrist.

PHILIPPI 4:14

La kumta ruh, phi la leh bha ba phi la don ka jingïasyllok bad ka jingshahshitom jong nga.

1 THESSALONI 4:9

Hynrei, shaphang ka jingïa-ieit parabangeit phim donkam ba'n thoh ha phi: namar ma phi hi, phi long kiba la ïoh hikai na U Blei keiñ ïa ka ban ïa-ieit paralok.

JAKOB 1:25

Hynrei, jar uba ïaikhmih thuh sha ka hukum bajanai, kaba ka jong ka jingpynpyllait luid, bad u ïaineh; une, haba um long u nongsngew uba klet noh, hynrei, u nongleh ïa ka kam, un long uba suk ha kata ka jingleh jong u.

JAKOB 2:12

Kumta, to kren phi, bad kumta, to leh phi, kum ïa ki ban sa bishar da ka hukum ka jingpyllaitluid.

JAKOB 2:19

Me, me ngeit ba U Blei u long uwei; me leh bha keiñ; kita ki ksuid ruh ki ngeit, bad ki sngewkyiuh keiñ.

JAKOB 4:11

To wat ïakren pyrshah paralok hi, ko parabangeit. Jar uba kren pyrshah ïa la u parabangeit, lane uba bishar ïa uta u parabangeit jong u, u kren pyrshah keiñ ïa ka hukum, bad u bishar ïa ka hukum: hynrei, lada me bishar ïa ka hukum, mem long u nongleh ïa ka hukum, hynrei, u nongbishar.

1 PETROS 2:9

Hynrei, ma phi, phi long ka kynja ba la jied, ka jinglong lyngdoh bakynja syiem, ka jaid bynriew bakhuid, u paidlang ba dei eh la u jong hi, ba phin da ïoh pynpaw ïa ki jingbha kor tam jong uta uba la khot ïa phi na ka jingdum sha kata ka jingshai baphylla jong u: