JAKOB 2:6 - KA BAIBL

⁶ Hynrei, ma phi pleng phi la ñiewbeiñ ïa uta u baduk. Hato kita ki bariewspah kim ban shitom ïa phi, bad kim ring ma ki hi ïa phi sha khmat ki khet bishar?

Khasi CL Bible (BSI)

⁶ Hynrei phim ñiewburom ïa kiba duk! Kiei kita kiba khñiot beiñ ïa phi bad ba ïalam ïa phi ha khmat ki nongbishar? Kiba riewspah keiñ!

JAKOB 2:6 Mawu Ofanana

Ka Kitab U Job 20:19

Naba u la banbeiñ bad u la kyntait ïa u baduk; u la knieh jubor ïa ka ïing, te un ym ïoh tei ïa ka.

SALM 10:10

U dem, u dem ngon, te kita ki barangli ki hap da ki bakhlaiñ jong u.

SALM 10:14

Me la ïohi ïa ka; naba me khmih ïa ka jingsniew bad ka jingleh dusmon, ban shim ïa ka ha la ka kti: u barangli u aiti ïa lade ha me; me la ju long u nongïarap ïa ki khunswet.

SALM 10:2

Ha ka jingsarong jong ki bymman ïa u baduk la behbeiñ sat; to ai ban pynngat ïa ki hi ha kita ki buit kiba ki la thaw.

SALM 10:8

U shong ha ki jaka ap thap jong ki shnong: ha ki jaka kyndong u shoh noh ïa uba lui lui: Ki khmat jong u ki peit harieh pyrshah ïa u barangli.

SALM 12:5

“Namar ka jinglute ïa ki baduk, namar ka jingud ki bakyrduh, mynta ngan ïeng,” ong U Trai; “Ngan buh ha kaba suk ïa uta ha uba ki ïapyrsad.”

SALM 14:6

Phi pynlehrain ïa ka jingpyrkhat jong u baduk, namar ba U Trai u long ka jaka rieh jong u.

PROBERB 14:31

Uta uba banbeiñ ïa u baduk u pynlehrain ïa la U Nongthaw: hynrei, uba isynei ïa u bakyrduh u pyndonburom ïa U.

PROBERB 17:5

Jar uba rkhiebeiñ ïa u baduk u beiñ ïa U Nongthaw jong u: bad uta uba kmen ha ka jingjynjar un ym lait na ka jingpynshitom.

PROBERB 18:23

U baduk u ïakyrpad: hynrei, u bariewspah u phai ktien da kaba eh.

PROBERB 22:16

Uta uba banbeiñ ïa u baduk ban pynroi ïa la ka nong, bad uba ai ha u bariewspah, u ïoh tang ka jingkyrduh.

PROBERB 22:7

U riewspah u synshar halor u baduk, bad uba shim ram u long u shakri uba ai ram.

EKLESIASTIS 5:8

Lada men ïohi ïa ka jingbanbeiñ ïa u baduk, bad ïa ka jingpynduh ïa ka jingbishar bad ïa ka hok ha ka ilaka, wat sngewkyndit shaphang kata: namar uta uwei uba kham ha khlieh ban ïa uba ha khlieh u khmih; bad don uba kham ha khlieh ban ïa ki.

ISAÏAH 53:3

U la long ba la ibeiñ, bad ba la kyntait da ki briew: u briew ki jingsngewsih, bad uba tip ïa ka khuslai: bad kum uba ki briew ki ju buhrieh ïa la ka khmat na u la ibeiñ ïa u, te ngim shym la ñiew ïa u.

AMOS 4:1

“To sngew ïa kane ka ktien, phi ki masi ka Bashan, kiba shong ha u lum Samaria, kiba lehbeiñ ïa u baduk, kiba khñiot ïa u bakyrduh, kiba ong ha ki trai jong ki, ‘Wallam, bad to ngin ïadih.’

AMOS 5:11

Namar kata, naba phi ïaïuh roit ïa u baduk, bad ba phi khrong khia ïa u Kew na u: phi la tei ïa ki ïing da ki maw ba la shniah, hynrei, phin ym ïoh shong ha ki; phi la thung ki brisoh Waiñ kiba itynnad, hynrei, phin ym ïoh dih na ka Waiñ jong ki.

HABAKKUK 3:14

Da ki dieng jong u hi me la dung ïa ka khlieh ki paidïapom jong u: ki la wan kum ka lyer langthari ïa ka ban pynsakma ïa nga: ka jingshadkmen jong ki ka la long kum ban bam duh harieh ïa u baduk.

SEKHARAÏAH 7:10

bad wat banbeiñ ïa ka riewkynthei, lymne ïa u khunswet, ïa u nongwei, lymne ïa u baduk; bad mano mano ruh wat tharai sniew ha la ka dohnud ïa la u para.’

ÏOANNIS 8:49

U Jisu u la ïathuh, “Nga ngam don u ksuid: hynrei, nga burom ïa la U Kpa, phi te phim burom ïa nga.

KI KAM 13:50

Hynrei, kita ki Jiw ki la ïa-pynshoi ïa ki kynthei ki bariewblei ki bakhraw batri, bad ïa ki rangbah jong kata ka shnong, bad ki la ïapynkhih ka jinglehbeiñ ïa u Paul bad u Barnabas, bad ki la beh noh ïa ki na ki phang jong ki.

KI KAM 17:6

Te haba kim shym la shem ïa ki, ki la ïaring noh ïa uta u Jason bad ïa kiba na ki parabangeit ha khmat ki nongsynshar ka shnong, ki da pyrta, “Kine kiba la pynkylla khongpong ïa ka pyrthei ki la wan poi hangne ruh!

KI KAM 18:12

Te mynba u Gallio u la long lyngskor ha Akhaïa, ki Jiw da kawei ka jingmut ki la ïeng ïaleh pyrshah ïa u Paul, bad ki la wallam ïa u ha ka khet bishar,

KI KAM 8:3

Hynrei, u Saul u la pynjot ïa ka balang, u da leit rung man la ka ïing, bad haba u la ring noh ïa ki briew shynrang bad kynthei, u la ai noh ïa ki sha ka ïing byndi.

1 KORINTH 11:22

Balei? phim don la ki ïing ïa ka ban bam ban dih? ne phi ïañiewbeiñ ïa ka balang U Blei, bad phi ïa-pynlehrain ïa kita ki bymdon? Aïu ngan ong ha phi? Ngan ïaroh ïa phi ha kane? Ngan ym ïaroh.

JAKOB 2:3

bad lada phi khmih burom ha uta uba kup ïa kita ki jaiñkup ki babha, bad phi ong ha u, “Ma me to shong hangne ha ka jaka ka babha”; hynrei, phi ong ha uta u baduk, “To ïeng ma me hangtai, lane to shong hapoh kane ka jingïuh kjat jong nga”:

JAKOB 5:4

Ha khmih, kata ka bainong jong kita ki nongtrei kiba la ot ïa ki lyngkha jong phi, ïa kaba la bat klop noh ma phi, ka kyang kyrpad; te kita ki jingkyang jong kita kiba la ot ki la leit bsut sha ki shkor U Trai ki Paid.

JAKOB 5:6

Phi la pynrem noh, phi la pynïap noh ïa uta u bahok; te um ïeng ïaleh pyrshah ïa phi.