JAKOB 2:5 - KA BAIBL

⁵ To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?

Khasi CL Bible (BSI)

⁵ To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

JAKOB 2:5 Mawu Ofanana

1 SYIEM 22:28

Bad u Mikaïah u la ong, “Lada men dang ïoh wan phai pat ha kaba suk, U Trai um shym kren ha nga.” U la ong ruh, “To sngew, phi ki paidbah, phi baroh keiñ.”

Ka Kitab U Job 34:10

“Namar kata, to sngap ïa nga, phi ki briew ki bashemphang: kaba eh ïa U Blei ba un leh ïa ka basniew; bad ïa U Badonbor Baroh ba un leh ïa ka bymhok.

Ka Kitab U Job 34:19

Sa katno ha uta u bymñiew shiliang khmat ïa ki bakhraw batri lei lei, bad u bymñiew ïa u bariewspah nalor u baduk? naba ki long ka kam ki kti jong u baroh.

Ka Kitab U Job 38:14

La pynkylla ïa ka kum ka 'dewbyrtha hapoh ka muhor; bad kiei kiei baroh ki mihpaw kum ka jaiñkup;

EKSODOS 20:6

bad uba leh isynei ïa ki hajar, kiba ieit ïa nga bad kiba sumar ruh ïa ki hukum jong nga.

PROBERB 13:7

Don kiba leh riewspah ïa lade, hynrei, kim don ei ei: don kiba leh duk ïa lade, hynrei, ki don ka spah kaba khraw.

PROBERB 7:24

Namar kata te, ko khun, to shahshkor ïa nga, bad to sngap ïa ki ktien ka shyntur jong nga.

PROBERB 8:32

“Namar kata te, ko khun, to sngew ïa nga: naba suk kita kiba sumar ïa ki lynti jong nga.

ISAÏAH 14:32

“Kumno te yn phai ktien ïa ki nonglam-ktien kata ka jaid bynriew? Ba U Trai u la seng nongrim ïa ka Seïon, te ha ka, ki bajynjar jong u paidlang jong u, kin shong rieh.”

ISAÏAH 29:19

Ki bajemnud ruh kin pynroi ïa la ka jingkmen ha U Trai, bad ki baduk hapdeng ki briew kin ïashadkmen ha uta U Bakhuid jong ki Israel.

SEPHANAÏAH 3:12

Hynrei, ngan pynsah hapdeng jong me ki briew ki bajynjar bad baduk, ki te kin shaniah ha ka kyrteng U Trai.

SEKHARAÏAH 11:11

Te la pynkheiñ ïa ka ha kata ka sngi: kumta, kine kiba lanot ka kynhun kiba la sngap pyrkhat ïa nga ki la tip ba ka la long ka ktien U Trai.

SEKHARAÏAH 11:7

“Kumta, nga bsa ïa ka kynhun ka jingpynïap, shisha keiñ, ïa ki basniew jong ka kynhun. Bad nga la shim ha nga ar tylli ki diengduh; ïa uwei nga la kyrteng ‘Ka Jingitynnad’, bad ïa uta uwei nga la kyrteng ‘Ki Jingteh’; bad nga la bsa ïa ka kynhun.

MATHAÏOS 11:5

Ki bamatlah ki peit pat, ki ba-dkoh ruh ki ïaid, la pynkhuid ïa ki bapang 'ñiangthohlieh, ki bakyllut ruh ki ïohsngew, la pynim pat ïa ki nongïap, bad la ïalap ïa ka gospel ha ki baduk ruh:

MATHAÏOS 25:34

Ynda kumta, U Syiem un ong ha kita sha kamon jong u, ‘To wan phi ïa kiba la kyrkhu jong U Kpa jong nga, to ïoh ïa ka hima ïa kaba la pynkhreh keiñ ïa phi na myndanglong ka pyrthei.

MATHAÏOS 5:3

“Suk ki baduk ha ka mynsiem: naba jong ki, long ka hima ki bneng.

MARKOS 7:14

Te haba u la khot ha u ïa uta u paidbah baroh, u la ong ruh ha ki, “To sngap ïa nga phi baroh, to sngewthuh ruh:

LOUKAS 12:21

Kumta, u long uta uba kynshew lypa ïa lade, hynrei, u bymlong riewbha sha U Blei.”

LOUKAS 12:32

“To wat sheptieng, ko kynhun i barit; naba U Kpa jong phi u sngewbha eh ban ai ha phi ïa kata ka hima.

LOUKAS 16:22

Ka la jia te, ba uta u nongkhrong u la ïap noh, bad ba la bah noh ïa u da ki angel sha ka shadem u Abraham. Uta u bariewspah ruh u la ïap noh de, bad la tep ïa u.

LOUKAS 16:25

Te u Abraham u la ïathuh, ‘A khun, to kynmaw ba ma me katba me dang im, me la ïoh pdiang ïa kiei kiei ki babha ki jong me, kumjuh ruh u Lasaros ïa kiei kiei ki basniew; hynrei, mynta hangne ïa u la pyntngen, ïa me te la pynkordit.

LOUKAS 22:29

Nga te nga kular skhem ha phi ïa ka hima, kumba U Kpa jong nga u la ai ha nga,

LOUKAS 6:20

U te haba u la peit la ki khmat ha ki synran jong u, u la ong, “Suk ma phi ki baduk; naba ka jong phi long ka hima U Blei.

ÏOANNIS 7:48

Don ne em uno uno ruh na ki nongsynshar lane na ki Pharisi uba la ngeit ha u?

KI KAM 7:2

Te u la ïathuh, “Ko para bad ko kpa, ha sngap, U Blei ka burom u la mihpaw ha u kpa jong ngi u Abraham, mynba u don ha Mesopotamia, mynba um pat leit shong ha Haran,

Ka Shithi U Paul Sha Ki Nong Rom 8:17

kumta, lada ngi long ki khun, ngi long ki nongïoh pateng ruh; ki nongïoh pateng U Blei keiñ bad ki nongïaïoh pateng lem bad U Khrist de; lada shisha ngi ïashah shitom lem bad u, yn ïoh pyndonburom lem ïa ngi ruh bad u.

1 KORINTH 2:9

Hynrei, kat kumba la thoh: “Kiei kiei ruh ba ka khmat kam shym la ïohi, bad ka shkor kam shym la ïohsngew, bad kim shym la mih ruh ha ka dohnud u briew, ki long kita kiei kiei ïa kiba U Blei u la buh lypa ïa kita kiba ieit ïa u.”

2 KORINTH 4:15

Namar kiei kiei baroh ki long na ka bynta jong phi khnang ba kata ka jingaiei ïa kaba la pynroi byllien, kan da roi kyrhai eh da ka jingainguh jong kiba bun ïa ka burom U Blei.

2 KORINTH 6:10

kum kiba sngewsih, hynrei, ha la ka sngi, kiba sngewkmen; kum ki baduk, hynrei, pynban, kiba pynriewspah ïa kiba bun; kum ki bymdon ei ei ruh em, hynrei, kiba don kiei kiei baroh.

2 KORINTH 8:9

Namar phi ithuh ïa ka jingaiei U Jisu Khrist uba U Trai jong ngi; ba la u la long u bariewspah, pynban, u la wan long duk na ka bynta jong phi, khnang ban pynriewspah ïa phi da kata ka jingduk jong u.

EPHESOS 1:18

ba la pynshai ïa ki khmat ka dohnud jong phi, ba phin ïoh tip kaei ka long ka jingkyrmen ka jingkhot jong u, bad kaei ka long ka jingkynrei ka burom jong ka bynta jong u ha ki riewkhuid,

EPHESOS 3:8

Ha nga keiñ, uba kham rit ban ïa u barit tam na ki riewkhuid baroh, la ai ïa kane ka jingaiei, ïa ka ban ïalap ha ki Jentil ïa ka jingkynrei spah bym lah tip shuh ka jong U Khrist;

1 THESSALONI 2:12

khnang ba phin ïaid kumba dei biang ïa U Blei, uba khot ïa phi sha ka hima bad ka burom jong u hi.

2 THESSALONI 1:5

kaba long ka dak shynna ïa ka jingbishar bahok U Blei; khnang ïa ka ban ñiew ïa phi, kiba bit ïa ka hima U Blei, na ka bynta kaba phi shah ruh;

1 TIMOTHI 6:18

ba kin leh bha, ba kin man kyrhai ha ki jingleh babha, ba kin long kiba la kloi ban ai, kiba la kloi ban ïasngewlem;

2 TIMOTHI 4:18

Bad U Trai un pyllait ïa nga na ka jingleh basniew baroh, bad un ri pynim ïa nga sha kata ka hima jong u kaba ha bneng: ha uba to long ka burom ha la ka rta: Amen.

2 TIMOTHI 4:8

Naduh mynta, ïa nga la buh ïa kata ka pansngiat jong ka hok, ïa kaba U Trai, uta U Nongbishar bahok, un ai ha nga ha kata ka sngi: bad ym tang ha nga hi, hynrei, ha kita baroh ruh kiba ieit ïa kata ka jingmihpaw jong u.

HEBRU 11:26

u da ñiew ïa ka jingkrenbeiñ ïa U Khrist ka spah ba kham khraw ban ïa ki jingkynshew ka Ijipt; namar u la khmih keiñ sha kata ka jingïoh bainong.

JAKOB 1:12

Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

JAKOB 1:16

To wat bakla noh phi, ko parabangeit ba-ieit jong nga.

JAKOB 1:19

Namar kata, ko parabangeit ba-ieit jong nga, ai ba u briew baroh un long uba kloi ban ïohsngew, uba tud ïa ka ban kren, uba tud keiñ ïa ka ban bitar:

JAKOB 1:9

Te uta u parabangeit u bapoh, to un leh kmen noh ha ka jingpynkyntiew ïa u;

1 PETROS 1:4

sha ka jingïoh kynti ka bympyut, bad ka bymbit-tngit, bad ka bymsep noh, ïa kaba la ri ha ki bneng khnang ïa phi;

2 PETROS 1:11

namar kumta, yn ai kyrhai eh ha phi ïa ka jingbsut shapoh kata ka hima bymjukut U Trai bad U Nongpynim jong ngi U Jisu Khrist.

JINGPYNPAW 2:9

“ ‘Nga ithuh ïa ka jingshahshitom jong pha, bad ïa ka jingduk jong pha (hynrei, pha long ka bariewspah), bad ïa ka jingkrenbeiñ jong kita kiba ong ba ki long ki Jiw, bad kim long, hynrei, ki long ka synagog jong u Soitan.

JINGPYNPAW 21:7

Uta uba jop un ïoh ïa kiei kiei baroh; bad ngan long U Blei jong u, bad ma u de un long u khun jong nga.

JINGPYNPAW 3:18

Nga pyni buit ha pha ba phan thied na nga ïa ka ksiar ba la phrang ha ka ding, ba phan da ïoh man spah; bad ïa ki jaiñkup balieh, ba phan ïoh kup ïa lade, bad ba kan ym paw kata ka jinglehrain ka jinglyngkhuit jong pha; bad ïa ka jingsleh khmat ban kyllan ïa ki khmat jong pha, ba phan ïohi.

NONGBISHAR 9:7

Te haba ki la ïathuh ïa kata ha u Jotham, u la leit bad u la ïeng ha khlieh u lum Gerisim, u la kyang ruh, bad u la pyrta, bad u la ong ha ki, “To sngap ïa nga, phi ki nong Shekhem, ba U Blei un sngap ïa phi ruh.

1 SAMUEL 2:30

Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.

1 SAMUEL 2:8

U pynïeng ïa ki baduk na ka 'dewmet, u pynkyntiew ruh ïa ki bakyrduh khait na ka thliew sboh, ban pynshong ïa ki lem bad ki syiem, bad ban pynïoh ha ki ka khet ka burom; naba ki rijied jong ka khyndew ki long ki jong U Trai, bad u la pynshong ma u ïa ka pyrthei halor jong ki.