JAKOB 2:23 - KA BAIBL

²³ Te kumta, la pyndep ïa kata Ka Jingthoh kaba ong: “U Abraham u la ngeit ïa U Blei, bad la ñiew ka hok ïa kata ha u; bad la khot ‘u lok U Blei’ ïa u.”

Khasi CL Bible (BSI)

²³ Bad ïa ka Jingthoh Bakhuid la pynshisha haba ka la ong, “U Abraham u la ngeit ha U Blei; bad namar ka jingngeit jong u, U Blei u la pdiang ïa u kum uba hok.” Bad kumta ïa u Abraham la khot u paralok jong U Blei.

JAKOB 2:23 Mawu Ofanana

JENESIS 15:6

Bad u la ngeit ha U Trai; bad u la ñiew ïa kata ïa ka ban long ka hok ïa u.

1 SYIEM 4:5

bad u Asariah u khun u Nathan u la long halor ki rangbah; bad u Sabud u khun u Nathan u la long u shakri rangbah, bad u lok jong u syiem;

2 KHRONIKL 20:7

A U Blei jong ngi, me mem shym la beh noh ïa kiba ju shong ha kane ka ri ha khmat ki briew jong me ki Israel, bad me la ai ïa ka ha u symbai u Abraham u lok jong me ha la ka rta?

Ka Kitab U Job 16:21

ba un da ïa ka hok u briew ha U Blei, bad ïa ka jong u khun u briew ha la u paramarjan!

EKSODOS 33:11

Te U Trai u la ïakren markhmat bad u Moses, kumba u briew u ju kren bad la u lok. Te u la leit phai noh pat sha kata ka dara; hynrei, u shakri jong u, u Joshua, u khun u Nun, u samla, um shym la kynriah shuh na kata Ka Tabernakl.

ISAÏAH 41:8

Hynrei ma me, ko Israel, u shakri jong nga, u Jakob ïa uba nga la jied, u symbai jong u Abraham u lok jong nga;

MARKOS 12:10

Phim shym la pule te ïa kane Ka Jingthoh? “ ‘Uta u maw ïa uba ki nongtei ki la kyntait, ïa une la pynlong u khlieh ka dong:

MARKOS 15:27

Ki la sahnarphna ïa ar ngut ki dakaid ruh lem bad U, uwei sha kamon, uwei sha kadiang jong u.

LOUKAS 4:21

U la sdang te ban ong ha ki, “Ha kane ka sngi, la pyndep ïa kane Ka Jingthoh ha ki shkor jong phi.”

KI KAM 1:16

“Ko para, ka la dei ban pyndep ïa kata Ka Jingthoh, ïa kaba U Mynsiem Bakhuid u la kren mynshuwa da ka shyntur u Dabid shaphang u Judas, uba la long u nongïalam ïa kita kiba la kem ïa U Jisu:

Ka Shithi U Paul Sha Ki Nong Rom 11:2

U Blei um shym la kyntait noh khoit ïa uta u paidlang jong u ïa uba u la ithuh lypa. Ne phim tip ïa kaei kaba ong Ka Jingthoh shaphang u Elias? kumno u leit kyrpad pyrshah ïa ki Israel ha U Blei, u da ong:

Ka Shithi U Paul Sha Ki Nong Rom 9:17

Namar kata Ka Jingthoh ka ong ha uta u Pharaoh: “Khnang ïa kane hi keiñ nga la pynïeng ïa me, ba ngan da ïoh pyni shynna ïa ka borbah jong nga ha me, bad ba yn ïoh ïalap shai ïa ka kyrteng jong nga ha ka pyrthei baroh kawei.”

GALATIA 3:22

Hynrei, Ka Jingthoh ka la khang khop ïa kiei kiei baroh hapoh ka pop, ba yn ïoh ai ïa kata ka jingkular kaba na ka jingngeit ha U Jisu Khrist ha kita kiba ngeit.

GALATIA 3:6

Kumjuh kumba u Abraham “u la ngeit ïa U Blei, bad la ñiew ïa kata ha u, ka hok,”

2 TIMOTHI 3:16

Ka Jingthoh baroh ka long kaba la pyrsad mynsiem da U Blei, bad kaba myntoi ïa ka jinghikai, ïa ka jingsneng, ïa ka jingpynbeit, ïa ka jingpynmlien kaba ha ka hok:

JAKOB 2:24

Phi ïohi ba da ki jingleh ba pynksan ïa u briew, te ym tang da ka jingngeit hi.

1 PETROS 2:6

Naba kumta te, ka don ha kata Ka Jingthoh: “Ha khmih, nga buh ha ka Seïon ïa u mawdong bahakhlieh, ïa uba la jied, bad u bakordor: te jar uba ngeit ha u yn ym pynrain buhkhoh.”