JAKOB 2:13 - KA BAIBL

¹³ Namar ka jingpynrem ba khlem leh isynei kan long ha uta u bym ju la leh isynei; hynrei, ka jingisynei ka leh risa halor ka jingbishar.

Khasi CL Bible (BSI)

¹³ Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

JAKOB 2:13 Mawu Ofanana

JENESIS 42:21

Bad ki la ïa-ong paralok hi, “Shisha ngi la rem shaphang uta u para jong ngi, naba ngi la ïohi ïa ka jingjynjar ka mynsiem jong u, mynba u la kyrpad ïa ngi, te ma ngi ngim shym sngew satia ïa u; namar kata keiñ, ka la jia kane ka jingjynjar ha ngi.”

2 KHRONIKL 28:11

Namar kata te, to sngap ïa nga, bad to phah noh pat ïa kine ki mraw, kiba phi la kem mraw na la ki para: naba ka jingbitar ba-itieng ka jong U Trai ka long halor jong phi.”

SALM 18:25

Bad uba isynei men leh isynei; bad u briew u bajanai men leh janai;

SALM 85:10

Ka jingisynei bad ka jingshisha ki la ïashem lang; ka hok bad ka jingsuk ki la ïadoh.

PROBERB 21:13

Jar uba set ïa la ki shkor na ka jinglynñiar jong u baduk, u ruh un lynñiar, hynrei, yn ym sngap ïa u.

PROBERB 22:16

Uta uba banbeiñ ïa u baduk ban pynroi ïa la ka nong, bad uba ai ha u bariewspah, u ïoh tang ka jingkyrduh.

ISAÏAH 27:11

Haba ki tnat jong ka ki la ïapstai, yn kdiah noh ïa ki; ki kynthei kin wan, bad kin thang ding ïa ki: namar u long u paidlang ba khlem sngewthuh; namar kata, uta uba la pynlong ïa ki un ym isynei ïa ki, uta ruh uba la thaw ïa ki un ym pyni jingieit ïa ki.

JEREMAÏAH 9:24

hynrei, uta uba sngewsarong to un sngewsarong ha kane, ba u shemphang, bad ba u ithuh ïa nga, ba nga long U Trai uba leh ïa ka jingleh ieit, ïa ka jingbishar, bad ïa ka hok, ha ka khyndew: naba ha kine kiei kiei nga sngewbha keiñ,” ong U Trai.

ESEKIEL 33:11

To ong ha ki, ‘Katba nga im,’ ong U Trai U Blei, ‘ngam don ka jingsngewbha ha ka jingïap u bymman; hynrei, ba uta u bymman un phai noh na ka lynti jong u bad ba un im: to phai phi, to phai phi na ki lynti sniew jong phi; namar balei ba phin shu ïap, A phi ka ïing Israel?

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

MATHAÏOS 5:7

“Suk ki ba-isynei: naba yn isynei ïa ki.

MATHAÏOS 6:15

hynrei, lada phim map ïa ki briew ïa ki ryngkang jong ki, U Kpa jong phi ruh un ym map ïa ki ryngkang jong phi.”

LOUKAS 16:25

Te u Abraham u la ïathuh, ‘A khun, to kynmaw ba ma me katba me dang im, me la ïoh pdiang ïa kiei kiei ki babha ki jong me, kumjuh ruh u Lasaros ïa kiei kiei ki basniew; hynrei, mynta hangne ïa u la pyntngen, ïa me te la pynkordit.

LOUKAS 6:37

“Wat bishar ruh, te yn ym bishar ïa phi; wat pynrem, te yn ym pynrem ïa phi; to map noh, te yn map ïa phi;

JAKOB 3:17

Hynrei, kata ka jingstad kaba na jrong ka long nyngkong ka bakhuid, ynda kumta, kaba suk, kaba shah jemnud, kaba ngeit eh, kaba dap da ka jingisynei bad da ki soh babha, kaba khlem ñiew shiliang khmat, bad kaba khlem arsap.

JAKOB 5:4

Ha khmih, kata ka bainong jong kita ki nongtrei kiba la ot ïa ki lyngkha jong phi, ïa kaba la bat klop noh ma phi, ka kyang kyrpad; te kita ki jingkyang jong kita kiba la ot ki la leit bsut sha ki shkor U Trai ki Paid.

NONGBISHAR 1:7

U Adoni-besek te u la ong, “Hynñiewphew ki syiem, ba la ot noh ïa ki 'ti kmie bad ïa ki 'jat kmie jong ki, ki la ju khar ïa la ka jingbam hapoh ka miej jong nga: kumba nga la leh, kumta U Blei u la leh kylliang ïa nga.” Te ki la wallam ïa u sha Jerusalem, bad hangta u la ïap.

NONGBISHAR 5:27

Ha ki kjat jong ka u la dem, u la kyllon, u la thiah: ha ki kjat jong ka u la dem, u la kyllon: ha kaba u la dem, hangta u la kyllon ïap.