JAKOB 1:8 - KA BAIBL

⁸ u briew basynrop mynsiem, u bymneh ha ki lynti jong u baroh.

JAKOB 1:8 Mawu Ofanana

1 SYIEM 18:21

Te haba u Elijah u la wan hajan uta u paidbah baroh, u la ong, “Sa katno pat phin ïeng lyngngoh hapdeng ar ki jingmut? lada U Trai u long U Blei, to bud ïa u: hynrei, lada u Baal, te to bud ïa uta.” U paidbah te um shym jubab ïa u shikyntien ruh.

2 SYIEM 17:33

Ki la sheptieng ïa U Trai, bad ki la shakri ïa ki blei jong ki hi, katba kum ka rukom kita ki jaid bynriew napdeng jong kiba la lah ring noh ïa ki.

2 SYIEM 17:41

Kumta, kine ki jaid bynriew ki la sheptieng ïa U Trai, bad ki la shakri ruh ïa ki durblei ba la thaw; ki khun jong ki ruh kumjuh, bad ki khun ki khun jong ki, kumba la leh ki kpa jong ki, kumta hi ki leh haduh kane ka sngi.

SALM 119:113

Nga isih ïa kita kiba arsap; hynrei, ïa ka hukum jong me nga ieit.

ISAÏAH 29:13

Te U Trai u la ong, “Namar kat kumba une u paidlang u wan hajan jong nga, bad da la ka shyntur bad da la ki rmiang shyntur ki burom ïa nga, hynrei, ki la pynjngai noh ïa ka dohnud jong ki na nga, bad ka jingsheptieng jong ki ïa nga ka long ka hukum briew ba la hikai ïa ki:

HOSIA 10:2

Ka dohnud jong ki ka la ar liang: mynta yn pynrem ïa ki: un pynkyllon ïa ki duwan jong ki, un lute ïa ki mawblei jong ki.

MATHAÏOS 6:22

“Ka khmat ka long ka sharak ka met: namar kata, lada ka khmat jong me ka long sngur, ka met jong me baroh kan shai bha.

MATHAÏOS 6:24

“Ym don uba lah ban shakri ar ngut ki kynrad; naba un isih ïa uwei, bad un ieit ïa uwei; lane un bat ïa uwei, bad un lyndet ïa uwei. Phim lah ban shakri ïa U Blei bad ïa ka spah.”

JAKOB 1:7

Namar wat ai ba uta u briew un mut ba un ïoh diang ei ei ruh na U Trai,

JAKOB 4:8

To wan hajan ïa U Blei, te un wan hajan ïa phi. To thet noh ïa la ki kti, ko phi ki bapop, bad to pynkhuid noh ïa la ki dohnud, ko phi kiba synrop mynsiem.

2 PETROS 2:14

kiba don ki khmat ba-dap da kaba klim, bad ki bym lah kyndiah na ka pop; ki da ïariam pah ïa ki mynsiem bymneh; kiba don ka dohnud ïa kaba la pynmlien ha ki jingikwah lalot; ki khun ka jingtim;

2 PETROS 3:16

kumba ha kita ki shithi jong u baroh ruh, haba u kren ha ki shaphang kine kiei kiei ruh; ha kiba don kiei kiei ruh kiba eh ban sngewthuh, ïa kiba kita ki bymnang bad ki bymneh ki pynkyllaiñ, kumba ki leh ruh ïa kita kiwei Ki Jingthoh, ïa ka ban pynjot noh ïa lade hi.