JAKOB 1:5 - KA BAIBL

⁵ Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.

Khasi CL Bible (BSI)

⁵ Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.

JAKOB 1:5 Mawu Ofanana

1 KHRONIKL 22:12

Tangba U Trai un ai ïa me ka jingsian bad ka jingsngewthuh, bad ba un ai ha me ka hukum shaphang ki Israel; ba kumta, men ïoh sumar ïa ka hukum U Trai U Blei jong me.

2 KHRONIKL 1:10

To ai ha nga mynta, ïa ka jingstad bad ïa ka jingtip, ba nga lah ban leit shabar bad wan shapoh ha khmat une u paidlang: namar uei uba lah ban bishar ïa une u paidlang jong me, uba bun katta katta?”

SALM 51:6

Ha khmih, me kwah ïa ka jingshisha ha kaba shapoh; bad ha ka bynta kaba rieh men pynlong ba ngan tip ïa ka jingstad.

EKSODOS 31:3

bad nga la pyndap ïa u da U Mynsiem U Blei, ha ka jingstad, bad ha ka jingshemphang, bad ha ka jingtip, bad ha ki kynja jingtrei baroh,

EKSODOS 31:6

Ha khmih te, ma nga, nga la ai lem bad u ïa u Aholiab, u khun u Ahisamakh, na ka jaid Dan; bad ha ka dohnud jong kita ki bastad dohnud baroh nga la buh ïa ka jingstad, ïa ka ban thaw ïa kita baroh ïa kiba nga la hukum ïa me:

PROBERB 8:17

Nga ieit ïa kita kiba ieit ïa nga; bad kita kiba wad biang biang ïa nga kin shem ïa nga.

MATHAÏOS 11:20

Ynda kumta, u la sdang ban maham ïa kita ki shnong, ha kiba la leh kham bun ki kambah jong u, naba kim shym la kylla-ka-bamut.

MARKOS 16:14

Hadien te U la paw ha kita ki khatwei ngut hi, katba ki ïashong bam lem; bad U la pynrem ïa ka jingbymngeit bad ïa ka jingeh ka dohnud jong ki, namar ba kim ngeit ïa kita kiba la lah ïohi ïa U hadien ba U la mihpat.

ÏOANNIS 14:13

Te kaei kaei ruh ba phin pan ha ka kyrteng jong nga, ïa kata ngan leh, ba yn ïoh pyndonburom ïa U Kpa ha U Khun.

ÏOANNIS 15:7

Lada phi ïaineh ha nga, bad ki ktien jong nga ki ïaineh ha phi, ïa kaei kaei ruh ba phi mon, phin pan, te kan long ïa phi.

ÏOANNIS 4:10

U Jisu u la ïathuh bad u la ong ha ka, “Lada pha la ithuh ïa ka jingaiei ka jong U Blei, bad uei u long uta uba ong ha pha, ‘To ai ha nga ban dih’, pha hi phan da la pan na u keiñ, u te un da la ai ha pha ïa ka um kaba im.”

2 KORINTH 2:16

ha uwei ka jingiw ka jingïap ïa ka ban ïap, hynrei, ha uta uwei ka jingiw ka jingim ïa ka ban im. Te uei uba bit biang ïa kine kiei kiei ruh?

JAKOB 1:17

Ka jingai babha baroh, bad ka jingai bajanai baroh, ka long na jrong, kaba wan hiar na U Kpa ki jingshai, bad uba ym don ka jingkylla shuh, lymne ka syrngiew kaba shat da ka jingkylla.

JAKOB 3:17

Hynrei, kata ka jingstad kaba na jrong ka long nyngkong ka bakhuid, ynda kumta, kaba suk, kaba shah jemnud, kaba ngeit eh, kaba dap da ka jingisynei bad da ki soh babha, kaba khlem ñiew shiliang khmat, bad kaba khlem arsap.

JAKOB 5:16

To ïaphla noh paralok hi ïa la ki jingpalat, bad to ïaduwai na ka bynta paralok hi, ba yn dup pynkhiah ïa phi; ka jingkyrpad minot u bahok ka lah shibun.

1 ÏOANNIS 3:22

Bad lada ngi pan ïa kaei kaei ruh, ngi pdiang na u, naba ngi sumar ïa ki hukum jong u, bad ngi ïai-leh ïa kita kiei kiei ruh ba pynsngewbha ha khmat jong u.