JAKOB 1:25 - KA BAIBL

²⁵ Hynrei, jar uba ïaikhmih thuh sha ka hukum bajanai, kaba ka jong ka jingpynpyllait luid, bad u ïaineh; une, haba um long u nongsngew uba klet noh, hynrei, u nongleh ïa ka kam, un long uba suk ha kata ka jingleh jong u.

Khasi CL Bible (BSI)

²⁵ Hynrei uno uno uba peit bniah ïa ka hukum bajanai kaba pyllaitluid ïa ki briew, uba ïai pynleit jingmut ïa ka bad ym tang ban sngap ïa ka bad nangta ban klet noh, hynrei u pyntreikam ïa ka — uta u briew un ïoh jingkyrkhu na U Blei ha kaei kaei kaba u leh.

JAKOB 1:25 Mawu Ofanana

SALM 106:3

Suk kita kiba sumar ïa ka jingbishar, bad uba leh ïa ka hok ha la ka sngi.

SALM 119:32

Ngan phet ha ka lynti ki hukum jong me, haba me la pynkylluid ïa ka dohnud jong nga.

SALM 119:45

Ngan ïaid ruh ha ka jingkylluid; naba ïa ki hukum jong me nga la wad.

PROBERB 14:15

U babieit u shu ngeit ïa ka ktien baroh: hynrei, u briew u basian u khmih bha ïa la ka jingleit.

ISAÏAH 8:20

Ïa, sha ka hukum bad sha ka jingphla! Lada kim kren kat kane ka ktien, shisha ka jingmih ka sngi kan ym don ïa ki.

LOUKAS 11:28

Hynrei u te u la ong, “Kham suk shisha kita kiba ïohsngew ïa ka ktien ka jong U Blei, bad kiba sumar ruh ïa ka.”

ÏOANNIS 13:17

Lada phi tip ïa kine kiei kiei ruh, suk ma phi lada phi leh ïa ki.

ÏOANNIS 8:36

Namar kata, lada U Khun un pyllait noh ïa phi, phin long kiba la lait noh da shisha.

KI KAM 13:43

Te haba la pynwai noh ïa kata ka jingïaseng synagog, shibun ki Jiw bad kiba la kylla niam ki bariewblei ki la ïabud ïa u Paul bad u Barnabas; kiba, haba ki ïakren ha ki, ki la kyntu ïa ki ban ïaineh ha ka jingaiei jong U Blei.

KI KAM 2:42

Bad ki la ïaineh skhem ha ka jinghikai jong ki apostol, bad ha ka jingïasyllok, bad ha kaba kdiah kpu, bad ha ki jingduwai de.

KI KAM 26:22

Hynrei, haba la ïoh kata ka jingïarap kaba na U Blei, nga ïai-ïeng haduh kane ka sngi, nga da phla ha u barit ruh bad ha u bakhraw, khlem da ong ei ei ruh em tam ïa kaba la lah ong ki nongïathuhlypa bad u Moses ba kin sa long;

Ka Shithi U Paul Sha Ki Nong Rom 11:22

Ha khmih te ïa ka jingsbun bad ïa ka jinglehhok ki jong U Blei; sha kita kiba la hap noh, shisha ka jinglehhok; hynrei, sha me, ka jingsbun U Blei, lada men ïaineh ha kata ka jingsbun jong u; lymda kumta, ïa me ruh yn ot noh keiñ.

Ka Shithi U Paul Sha Ki Nong Rom 2:13

namar ym dei ki nongsngew ïa ka hukum kiba long ki bahok ha khmat U Blei, hynrei, ïa ki nongleh keiñ ïa kata ka hukum yn pynksan.

Ka Shithi U Paul Sha Ki Nong Rom 7:12

Kumta te, kata ka hukum ka long ka bakhuid hi keiñ, bad kata ka adong ruh ka bakhuid bad ka bahok bad ka babha de.

Ka Shithi U Paul Sha Ki Nong Rom 8:15

Namar phim shym la pdiang ïa ka mynsiem ka jinglongmraw pat ïa ka ban sheptieng; hynrei, phi la pdiang ïa U Mynsiem ka jingtingkhun, da uba ngi ïaïam kyrpad, Abba! ko Pa!

Ka Shithi U Paul Sha Ki Nong Rom 8:2

Namar kata ka hukum ka jong U Mynsiem ka jingim ha U Khrist Jisu ka la pyllait ïa nga na kata ka hukum ka jong ka pop bad ka jong ka jingïap.

1 KORINTH 15:58

Naba kumta, ko parabangeit ba-ieit jong nga, to long phi kiba ïaineh skhem, bad ki bymkynriah noh, bad kiba man kyrhai man la ka sngi ha ka kam U Trai, haba phi tip skhem ba kata ka jingtrei minot jong phi kam ju long kaba lehnohei ha U Trai.

2 KORINTH 13:5

Ïa lade hi to ïit phi la phi long ne em ha ka jingngeit; ïa lade hi to phrang phi. Hato phim ithuh ïa lade, ba U Jisu Khrist u don ha phi? lymda phi long kiba la kyntait noh.

GALATIA 2:4

Bad kata ruh, namar kita ki para kiba arsap ïa kiba la wallam sian hapoh, kiba la ïawan sian hapoh ïa ka ban syntiat ïa ka jinglaitluid jong ngi kaba ngi don ha U Khrist Jisu, khnang ba kin ïoh pynlong mraw ïa ngi:

GALATIA 5:1

Ïa ka jinglaitluid U Khrist u la pyllait ïa ngi: namar kata, to ïeng skhem, bad wat ai ba yn riam ïa phi pat ha ka lyngkor ka jinglongmraw.

GALATIA 6:2

To ïakit phi ïa ki jingkit paralok hi, te kumta phin ïa-pyndep ïa ka hukum U Khrist.

KOLOSSAI 1:23

lada shisha phi ïaisah ha ka jingngeit, ïa kiba la pynshong nongrim bad kiba neh skhem, bad ki bymkhih noh na kata ka jingkyrmen ka gospel ïa kaba phi la ïohsngew, ïa kaba la ïalap ha u bynriew baroh uba hapoh ka bneng; ïa kaba la pynlong nongïalap ïa nga u Paul.

1 TIMOTHI 2:15

Hynrei, yn pynim ïa ka ha kaba kha khun, lada kin ïaineh ha ka jingngeit bad ka jingieit bad ka jingpynkhuid lem bad ka jingsngew-adkar.

1 TIMOTHI 4:16

To sumar shaphang ïa lade, bad ïa la ka jinghikai; to men ïaineh ha kine kiei kiei; namar haba leh ïa kane, men pynim ïa lade bad ïa kita kiba ïohsngew ïa me keiñ.

HEBRU 12:15

da kaba khmih bniah ïoh don uno uno u briew u ban ym kot sha ka jingaiei U Blei; ïoh ba uno uno ruh u thied ka jingkthang uba da mih shluiñ un pynkhuslai ïa phi, bad da uta, yn ïoh pyntngit ïa kiba bun:

JAKOB 2:12

Kumta, to kren phi, bad kumta, to leh phi, kum ïa ki ban sa bishar da ka hukum ka jingpyllaitluid.

1 PETROS 2:16

kum kiba laitluid, bad ym kiba pyndonkam ïa kata ka jinglaitluid kum ka jingtyllep noh ïa ka basniew, hynrei, kum ki shakri U Blei keiñ.

1 ÏOANNIS 2:24

Ma phi, namar kata, to kan ïaisah ha phi kata kaba phi la ïohsngew naduh kaba mynnyngkong. Lada kata kaba phi la ïohsngew naduh kaba mynnyngkong ka ïoh ïaisah ha phi, ma phi ruh, phin ïoh ïaisah ha U Khun bad ha U Kpa.

JINGPYNPAW 14:13

Bad nga la ïohsngew ïa ka ktien na bneng kaba ong, “To thoh: Suk kita ki nongïap kiba ïap ha U Trai naduh mynta”: “Shisha,” ong U Mynsiem, “ba kin ïoh shongthait noh na ki jingtrei minot jong ki; naba kita ki jingleh jong ki, ki ïabud ryngkat bad ki.”

JINGPYNPAW 22:14

Suk kita kiba la sait ïa la ki jaiñkup, ba kin ïoh ka hok ban wan sha uta u dieng ka jingim, bad kin ïoh leit bsut da kita ki khyrdop sha kata ka nongbah.

1 SAMUEL 12:14

Lada phin sheptieng ïa U Trai, bad shakri ïa u, bad sngap ïa ka ktien jong u, bad phin ym ïaleh pyrshah ïa ka hukum U Trai, kumta ma phi bad uta u syiem ruh uba synshar halor jong phi phin long ki nongbud ïa U Trai uba U Blei jong phi: