JAKOB 1:22 - KA BAIBL

²² Te to long phi ki nongleh ïa ka ktien, bad ym tang ki nongsngew, da kaba shukor noh ïa lade hi.

Khasi CL Bible (BSI)

²² Wat shukor ïa lade tang da kaba sngap ïa ka ktien jong u; pynban, to pyntreikam ïa ka.

JAKOB 1:22 Mawu Ofanana

ISAÏAH 44:20

U bam da ka dpei: ka dohnud bashukor ka la pynbakla ïa u, katba um nang ban pyllait ïa la ka mynsiem, lymne ban ong, “Hato ym don ka jinglamler ha ka kti kamon jong nga?”

JEREMAÏAH 11:6

Te U Trai u la ong ha nga, “To pynbna ïa kine ki ktien ha ki nongbah Judah, bad ha ki lynti shnong ka Jerusalem, to ong, ‘To pynsngew ïa ki ktien jong kane ka jutang, bad to leh ïa ki.’

OBADAÏAH 1:3

Ka jingsarong ka dohnud jong me ka la shukor ïa me, A me uba shong ha ki jingpdang ki mawsiang, uba ka jaka shong jong me ka hajrong; uba ong ha la ka dohnud, ‘Uei u ban pynhiar ïa nga haduh ka khyndew?’

MATHAÏOS 12:50

Naba uno uno ruh u ban leh ïa ka mon U Kpa jong nga uba ha bneng, uta keiñ u long u para jong nga bad ka para bad ka kmie de.”

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

LOUKAS 11:28

Hynrei u te u la ong, “Kham suk shisha kita kiba ïohsngew ïa ka ktien ka jong U Blei, bad kiba sumar ruh ïa ka.”

ÏOANNIS 13:17

Lada phi tip ïa kine kiei kiei ruh, suk ma phi lada phi leh ïa ki.

Ka Shithi U Paul Sha Ki Nong Rom 2:13

namar ym dei ki nongsngew ïa ka hukum kiba long ki bahok ha khmat U Blei, hynrei, ïa ki nongleh keiñ ïa kata ka hukum yn pynksan.

1 KORINTH 15:33

To wat shah ban shukor noh ïa phi; “ki jingïasyllok basniew ki ïa-pynpyut plak keiñ ïa ki akor babha”.

1 KORINTH 3:18

Wat ai ba uno uno ruh un shukor ïa lade. Lada uno uno ruh hapdeng jong phi u tharai ïa lade ba u long u bastad ha kane ka pyrthei, to un long u babieit, khnang ba un ïoh long u bastad.

1 KORINTH 6:9

Ne phim tip ba ki bymhok kin ym ïoh ïa ka hima U Blei? Te wat shah ba yn shukor noh ïa phi; kiba ïakai kynthei, lymne kiba ïamane blei thala, lymne kiba klim, lymne kiba 'rang long kynthei, lymne kiba ïaleh sang sih para shynrang,

GALATIA 6:3

Namar lada uno uno ruh u mut ba u long ei ei, pleng haba um long ei ei ruh em, u shukor ïa lade keiñ.

GALATIA 6:7

Wat shah ba yn shukor ïa phi; yn ym shukor ïa U Blei: namar ïa kaei kaei ruh ba u briew u bet, ïa kata hi un ïoh ot ruh.

PHILIPPI 4:8

Ha kaba wai noh, ko parabangeit, kiei kiei kiba shisha, kiei kiei kiba donburom, kiei kiei ki bahok, kiei kiei ki bakhuid, kiei kiei kiba itynnad, kiei kiei kiba dei ïaroh; lada don kano kano ka jingbha, bad lada don kano kano ka jingïaroh, to phin ïapyrkhat ïa kine kiei kiei ruh.

KOLOSSAI 3:17

Te kaei kaei baroh kaba phi leh, ha ka ktien lane ha ka jingleh, to leh ïa baroh ha ka kyrteng U Jisu uba U Trai, da kaba ainguh ïa U Blei uba U Kpa da u.

2 TIMOTHI 3:13

Hynrei, ki briew basniew bad ki nongshukor kin nang sniew nang sniew, ki da shukor bad shah shukor.

TITOS 3:3

Namar ngi ruh, ngi la long mynno mynno ki babieit, ki bymkohnguh, kiba la shah shukor, kiba shong mraw ha ki bun jaid ki jingkwah brai bad ki jingsngewbha, kiba im ha ka jingsniew bad ka jingbishni, kiba isih, kiba ïashun paralok.

JAKOB 1:26

Lada uno uno ruh hapdeng jong phi u mut ba u long uba riewblei, haba um synshar ïa la u thylliej, hynrei, u da shukor noh ïa la ka dohnud, kata ka jinglong riewblei une u briew kaba thala thaleiñ.

JAKOB 4:11

To wat ïakren pyrshah paralok hi, ko parabangeit. Jar uba kren pyrshah ïa la u parabangeit, lane uba bishar ïa uta u parabangeit jong u, u kren pyrshah keiñ ïa ka hukum, bad u bishar ïa ka hukum: hynrei, lada me bishar ïa ka hukum, mem long u nongleh ïa ka hukum, hynrei, u nongbishar.

JAKOB 4:17

Namar kata, ha uba tip ban leh ïa ka babha, bad u bymleh, ha uta keiñ ka long ka pop.

2 PETROS 2:13

kin da ïoh ïa ka bainong ka jingleh bymhok, haba ki ïañiew kaba sngewbha eh ïa kata kaba im sarong awria ha kaba mynsngi, ki long ki jingthohbria bad ki jingkhlemrain, ki da ïa-im sarong awria ha kita ki jingïakhawai ïa-ieit jong ki hi, haba ki ïakhawai lem bad phi;

1 ÏOANNIS 1:8

Lada ngi ong ba ngim don ka pop ngi shukor ïa lade, bad kata ka jingshisha kam don ha ngi.

1 ÏOANNIS 2:3

Bad ha kane ngi tip ba ngi ithuh ïa u, lada ngi sumar ïa ki hukum jong u.

1 ÏOANNIS 3:7

Ko khun hep, wat ai ïano ïano ruh ba un ïalam bakla ïa phi; jar uba ïai-leh ïa ka hok u long u bahok, kat kumba ma u, u long u bahok.

3 ÏOANNIS 1:11

Ko hep ba-ieit, to me wat pyrthuh bud ïa kata ka basniew, hynrei, ïa kata ka babha. Uta uba leh ïa ka babha u long na U Blei, hynrei, uta uba leh ïa ka basniew um shym la ïohi ïa U Blei.

JINGPYNPAW 12:9

Te la shop noh arsut ïa uta u ïakjakor bakhraw, uta u bseiñ tymmen ïa uba la khot “u Ksuid”, bad “u Soitan”, uba shukor ïa ka pyrthei baroh kawei; la shop noh arsut ïa u sha ka khyndew, bad ïa kita ki angel jong u la shop noh arsut lem bad u.

JINGPYNPAW 22:7

“Ha khmih nga wan kloi: suk uta uba ïaisumar ïa ki ktien jong ka jingïathuhlypa kane ka kitab.”