JAKOB 1:2 - KA BAIBL

² To phin ñiew ïa ka, ka jingkmen suda, ko parabangeit jong nga, haba phi hap ha ki jingtynjuh babun jaid;

Khasi CL Bible (BSI)

^2-3 Ko parabangeit jong nga, to ñiew ïa lade ba phi long kiba donbok eh haba phi ïakynduh ïa ki jingtynjuh kiba bun ha ka lynti ka jingim jong phi, naba phi tip ba haba ka jingngeit jong phi ka jop haba ïashem kum kita ki jingtynjuh, ka jingmih ka long ka jinglah ban ïaishah.

JAKOB 1:2 Mawu Ofanana

KI KAM 5:41

Ki te, ki la ïamih noh na khmat kata ka dorbar, ki da ïakmen namar ba la ñiew ïa ki, kiba bit ban shah jahburom na ka bynta kata ka Kyrteng.

Ka Shithi U Paul Sha Ki Nong Rom 5:3

Bad ym tang kumta hi keiñ, hynrei, ngi sngewkmen ruh ha ki jingjynjar, da tip biang ba ka jingjynjar ka pynlong ïa ka jingïaishah;

PHILIPPI 1:29

Naba ha phi, la ai na ka bynta U Khrist, ym tang ban ngeit ha u, hynrei, ban shah shitom ruh na ka bynta jong u;

PHILIPPI 2:17

Ho-oid, wat lada la theh noh ïa nga kum ka jingainguh dih ha ka jingkñia bad ka jingshakri ka jingngeit jong phi, nga sngewkmen, bad nga leh kmen lem bad phi baroh.

PHILIPPI 2:18

Bad kumjuh ma phi ruh, to ïasngewkmen, bad to ïakmen lem bad nga.

KOLOSSAI 1:24

Mynta, nga kmen ha ki jingshah jong nga na ka bynta jong phi, bad nga, ha lade hi, nga pyndap ha ka doh jong nga ïa kita kiei kiei kiba dang sah na ki jingshahshitom U Khrist na ka bynta ka met jong u, kaba long ka balang:

HEBRU 10:34

Namar phi la sngewlem bad kita kiba shah ha ki jingkhum, bad phi la ïashah da kaba kmen ïa ka ban lute ïa kita kiei kiei kiba phi don, da kaba tip skhem ba phi hi, phi don ka bynta kaba kham bha, bad kaba neh.

JAKOB 1:12

Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

JAKOB 1:16

To wat bakla noh phi, ko parabangeit ba-ieit jong nga.

JAKOB 1:19

Namar kata, ko parabangeit ba-ieit jong nga, ai ba u briew baroh un long uba kloi ban ïohsngew, uba tud ïa ka ban kren, uba tud keiñ ïa ka ban bitar:

JAKOB 5:11

Ha khmih, ngi ñiew suk ïa kita kiba ïaishah: phi la ïohsngew shaphang ka jingïaishah u Job, bad phi la ïohi ïa kata ka jingpynkut U Trai, ba U Trai u long uba dap da ka jingisynei, bad uba leh isynei thoiñ.

2 PETROS 2:9

U Trai u nang ban knieh kynthet noh ïa kiba riewblei na ka jingpynshoi, bad ban rakhe ïa ki bymhok ïa ka sngi ka jingbishar ban pynshitom ïa ki.

JINGPYNPAW 2:10

To wat sheptieng ïa kita kiei kiei ruh kiba phan sa shah: ha khmih, uta u Soitan un sa bred ïa kiba na phi ha ka ïing byndi, ba yn ïoh tynjuh ïa phi; te phin ïoh ïa ka jingshahshitom shiphew sngi. To long pha kaba ïaineh haduh ka jingïap, bad ngan ai ha pha ïa kata ka pansngiat jong ka jingim.