JAKOB 1:19 - KA BAIBL

¹⁹ Namar kata, ko parabangeit ba-ieit jong nga, ai ba u briew baroh un long uba kloi ban ïohsngew, uba tud ïa ka ban kren, uba tud keiñ ïa ka ban bitar:

Khasi CL Bible (BSI)

¹⁹ To kynmaw ïa kane, ko parabangeit ba-ieit jong nga! Uwei pa uwei u dei ban long uba kloi ban shahshkor, hynrei uba suki ban kren bad uba suki ban bitar.

JAKOB 1:19 Mawu Ofanana

NEHEMAÏAH 8:18

Man la ka sngi ruh, naduh ka sngi nyngkong haduh ka sngi khatduh, u la pule ha Ka Kitab Ka Hukum U Blei. Bad ki la rakhe ïa Ka Jingkhawai, hynñiew sngi; bad ha ka baphra sngi, ka la long ka jingïaseng bakhuid, katba kum ka rukom.

NEHEMAÏAH 9:17

bad ki la kyrngah ban kohnguh, bad kim shym la kynmaw ïa ki jingphylla kiba me la leh hapdeng jong ki; hynrei, ki la pyneh ïa la ka ryndang, bad ha ka jingïaleh pyrshah jong ki, ki la thung nongïalam ban phai pat sha ka jinglongmraw: hynrei, me long U Blei uba kloi ban map, uba aiei bad uba dap ka jingisynei, uba tud ban bitar, uba kynrei ha ka jingisynei, bad mem shym la kyntait noh ïa ki.

NEHEMAÏAH 9:3

Bad ki la ïaïeng joit ha la ka jaka, bad ki la ïapule ha Ka Kitab Ka Hukum U Trai U Blei jong ki, shi pawa sngi; bad shi pawa pat, ki la ïaphla bad ïamane ïa U Trai U Blei jong ki.

Ka Kitab U Job 32:16

Te ngan ap ma nga, naba ki kim kren shuh, naba ki shu ïeng, bad kim ïathuh ei ei shuh?

PROBERB 10:19

Ha ka jingbun ki ktien ym ju duh ka jingryngkang: hynrei, uta uba khang ïa la ki rmiang shyntur u leh stad.

PROBERB 13:3

Uta uba sumar ïa la ka shyntur u ri ïa la ka jingim: hynrei, uba plie wang ïa la ki rmiang shyntur un ïoh ka jingjot.

PROBERB 14:17

Uta uba bitar shen, un leh bieit: bad ïa u briew u basniew ki jingpyrkhat, la isih.

PROBERB 14:29

Uta uba tud ban bitar u don ka jingshemphang kaba khraw: hynrei, uta uba jyndong la ka mynsiem u kyntiew ïa ka jingbieit.

PROBERB 15:18

U briew uba bitar u pynkhih ïa ka jingïakajia: hynrei, uta uba tud ïa ka ban bitar u pynïasuk ïa ka jingïaleh.

PROBERB 15:2

U thylliej jong u bastad u kren beit ïa ka jingtip: hynrei, ka shyntur jong ki babieit ka theh noh ïa ka jingbieit.

PROBERB 16:32

Uba tud ban bitar u kham lah ban ïa uba khlaiñ; bad uba synshar ïa la ka mynsiem ban ïa uba jop ïa ka shnong.

PROBERB 17:14

Ka jingsdang ka jingïaleh ka long kum haba uwei u pyllait noh ïa ka um: namar kata, to pynwai noh ïa ka jingïapyneh, katba ym pat long ka jingïakajia.

PROBERB 17:27

Uta uba tyngkai ïa la ki ktien u don ka jingtip: bad uta uba thanda ka mynsiem u long u briew uba shemphang.

PROBERB 18:13

Uba ai jubab haba um pat ïohsngew, ka long ka jingbieit bad ka jinglehrain ïa u.

PROBERB 18:21

Ka jingïap bad ka jingim ki long ha ka bor u thylliej; bad kita kiba ieit ïa u kin bam ïa u soh jong u.

PROBERB 19:11

Ka jingsian u briew ka pynlong ïa u, uba tud ban bitar; bad ka long ka burom jong u ban jam palat ïa ka jingryngkang.

PROBERB 19:19

U briew u bakhraw ka jingbitar un shah ïa ka jingshitom: naba lada men pyllait ïa u, me dei ban dang leh kumta shuh shuh.

PROBERB 21:23

Jar uba sumar ïa la ka shyntur bad ïa la u thylliej u sumar ïa la ka mynsiem na ki jingjynjar.

PROBERB 25:28

Uta u bymdon ka jingkhang ïa la ka mynsiem u long kum ka nongbah kaba la twa bad ka bymdon kynroh.

PROBERB 29:20

Me ïohi ïa u briew uba kyrkieh ha la ki ktien? kham kyrmen ïa u babieit ban kum ïa uta.

JINGKHEIÑ 22:27

Te haba ka kadda ka la ïohi pat ïa uta u angel U Trai, ka la dem khop hapoh u Balaam: bad ka jingbitar u Balaam ka la khie lep, bad u la shoh ïa ka kadda da u diengduh.

MATHAÏOS 5:22

hynrei, nga ong ha phi, ba uno uno ruh uba da sngewbitar ïa u paralok jong u khlem nia, kan dei ïa u ban hap ha ka jingbishar: uno uno ruh de u ban khot ïa u paralok jong u, ‘Raka’, kan dei ïa u ban hap ha ka jingbishar bah; uno uno ruh de u ban khot ïa u, ‘Me uba mutlop runar’, kan dei ïa u ban hap ha ka dujok ding.

MARKOS 12:37

“U Dabid hi u khot ‘U Trai’ ïa u; nangno te u long u khun jong u?” Te bun u paidbah u la sngew ïa u da kaba sngewbha.

MARKOS 2:2

Te bun ki la ïalang, katba ym ngiam jaka shuh, em, wat haduh ka jingkhang: bad u la ïalap ïa ka ktien ha ki.

LOUKAS 15:1

Te ki nongkhrong bad ki bapop baroh ki la wan hajan jong u ban ïohsngew ïa u.

LOUKAS 19:48

te kim lah shem da kaba kumno ba kin leh, naba u paidlang baroh u ïashahshkor bha eh ban ïohsngew ïa U.

KI KAM 1:15

Ha kita ki sngi te, haba u Petros u la ïeng hapdeng ki synran, u la ong (te ka jingïalang ki briew ka la long jin shispah arphew),

KI KAM 10:33

Namar kata, mar mar nga la phah ktien sha me, me ruh me la leh bha ba me la poi. Mynta, namar kata, ngi baroh ngi ïadon hangne ha khmat U Blei, khnang ïa ka ban ïohsngew ïa kiei kiei baroh, ïa kiba la hukum ha me da U Trai.”

KI KAM 13:48

Te haba ki Jentil ki la ïohsngew ïa kane, ki la sngewkmen, bad ki la pyndonburom ïa ka ktien U Blei, bad kat kiba la thung sha ka jingim bymjukut, ki la ngeit;

KI KAM 17:11

Kine te ki la long kiba kham don akor ban ïa kita kiba ha Thessaloni, kiba la pdiang ïa kata ka ktien da ka jingsngew-la-kloi baroh, ha la ka sngi ki da ïitbniah ïa Ki Jingthoh, la kine kiei kiei ruh ki lah long kumta ne em.

KI KAM 2:42

Bad ki la ïaineh skhem ha ka jinghikai jong ki apostol, bad ha ka jingïasyllok, bad ha kaba kdiah kpu, bad ha ki jingduwai de.

EPHESOS 4:26

To bitar, hynrei, wat leh pop: to wat ai ba ka sngi kan sep noh ha ka jingkhih bitar jong phi:

EPHESOS 4:31

To bred noh na phi ïa ka jingkthang baroh, bad ka jingkhih bitar, bad ka jingbitar, bad ka jingkaw kaw, bad ka jingkrenbeiñ, lem bad ka jingpynsniew baroh;

KOLOSSAI 3:15

Bad to ai ba ka jingsuk U Khrist kan synshar ha ki dohnud jong phi, sha kaba la khot ruh ïa phi ha kawei ka met; bad to long phi kiba sngewnguh.

KOLOSSAI 3:8

Hynrei, mynta, to phin bred noh ruh ïa kine baroh; ka jingbitar, ka jingbitar shla, ka jingbishni, ka jingkrenbeiñ, ka jingkren sih, na ka shyntur jong phi.

1 THESSALONI 2:13

Namar kane ruh, ngi nguh ha U Blei khlem da pud, ba haba phi la pdiang na ngi ïa ka ktien U Blei ïa kaba la pynsngew, phi la pdiang ym kum ka ktien ki briew, hynrei, kumba ka long shisha keiñ, ka ktien U Blei, kaba trei ruh ha phi kiba ngeit.

JAKOB 1:16

To wat bakla noh phi, ko parabangeit ba-ieit jong nga.

JAKOB 1:2

To phin ñiew ïa ka, ka jingkmen suda, ko parabangeit jong nga, haba phi hap ha ki jingtynjuh babun jaid;

JAKOB 1:26

Lada uno uno ruh hapdeng jong phi u mut ba u long uba riewblei, haba um synshar ïa la u thylliej, hynrei, u da shukor noh ïa la ka dohnud, kata ka jinglong riewblei une u briew kaba thala thaleiñ.

JAKOB 2:1

Ko parabangeit jong nga, wat bat da ki jingleh ñiew shiliang khmat ïa ka jingngeit U Jisu Khrist U Trai jong ngi, uba U Trai ka burom.

JAKOB 2:5

To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?

JAKOB 3:10

Na kajuh hi ka shyntur ka mih ka jingkyrkhu bad ka jingtim. Kam dei, ko parabangeit jong nga, ïa kine kiei kiei ruh ban long kumta.

JAKOB 4:11

To wat ïakren pyrshah paralok hi, ko parabangeit. Jar uba kren pyrshah ïa la u parabangeit, lane uba bishar ïa uta u parabangeit jong u, u kren pyrshah keiñ ïa ka hukum, bad u bishar ïa ka hukum: hynrei, lada me bishar ïa ka hukum, mem long u nongleh ïa ka hukum, hynrei, u nongbishar.

JAKOB 5:12

Hynrei, nalor kiei kiei baroh, ko parabangeit jong nga, to wat smai, lymne da ka bneng lymne da ka khyndew, lymne da kano kano kawei pat ka jingsmai: hynrei, kaba “Ho-oid” jong phi, to ai kan long “Ho-oid”, bad kaba “Em” jong phi, “Em”; ba phin ym hap ha ka jingbishar.

JAKOB 5:19

Ko parabangeit, lada uno uno ruh hapdeng jong phi u la ïaid sakma noh na ka jingshisha, bad lada uno uno ruh u da pynphai pat ïa u,

1 ÏOANNIS 2:21

Ngam shym la thoh ha phi naba phim tip ïa ka jingshisha, hynrei, naba phi tip ïa ka, bad ba kawei ruh kaba lamler kam long na ka jingshisha.