JAKOB 1:17 - KA BAIBL

¹⁷ Ka jingai babha baroh, bad ka jingai bajanai baroh, ka long na jrong, kaba wan hiar na U Kpa ki jingshai, bad uba ym don ka jingkylla shuh, lymne ka syrngiew kaba shat da ka jingkylla.

Khasi CL Bible (BSI)

¹⁷ Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.

JAKOB 1:17 Mawu Ofanana

JENESIS 41:16

Bad u Joseph u la ïathuh ha u Pharaoh, “Ym ma nga: hynrei, U Blei un ai jubab shaphang ka jingsuk jong u Pharaoh.”

1 KHRONIKL 22:12

Tangba U Trai un ai ïa me ka jingsian bad ka jingsngewthuh, bad ba un ai ha me ka hukum shaphang ki Israel; ba kumta, men ïoh sumar ïa ka hukum U Trai U Blei jong me.

1 KHRONIKL 29:19

bad to ai ha u Solomon u khun jong nga ka dohnud bajanai, ban sumar ïa ki hukum jong me, ïa ki jingphla jong me, bad ïa ki aiñ jong me, bad ban leh ïa kine kiei kiei baroh, bad ban tei ïa ka ïingbah, kaba nga la taïar na ka bynta jong ka.”

SALM 102:27

hynrei, me, me long ujuh, bad ki snem jong me kin ym kut.

SALM 122:6

To duwai na ka bynta ka jingsuk ka Jerusalem: “Kiba ieit ïa pha kin roi.

SALM 136:7

Ïa uba la thaw ïa ki jingshai kiba khraw: naba ka jingisynei jong u ka bymjukut:

SALM 84:11

Naba U Trai U Blei u long ka sngi bad ka stieh: U Trai un ai ka jingaiei bad ka burom: ïa kaei kaei ka jingbha un ym khang na kita kiba ïaid beit.

SALM 85:12

U Trai ruh un ai ïa ka babha; bad ka ri jong ngi kan pynmih ïa la ka jingmih.

PROBERB 2:6

Naba U Trai u ai ka jingstad; na ka shyntur jong u ki mih ka jingtip bad ka jingshemphang:

ISAÏAH 28:26

Namar U Blei jong u, U ïalam ïa u ha kaba dei, U hikai de ïa u.

ISAÏAH 45:7

Nga pynlong ïa ka jingshai, bad nga thaw ïa ka jingdum; nga pynlong ïa ka jingsuk, bad nga thaw ïa ka jingsniew; ma nga U Trai, uba leh ïa kine kiei kiei baroh.”

ISAÏAH 46:10

uba da ïathuh ïa ka bakut naduh ka basdang, bad ïa kiei kiei ki bym pat leh naduh mynbarim; da kaba ong, ‘Ka jingthmu jong nga kan ïeng, bad ngan leh ïa la ka jingsngewbha baroh’:

ISAÏAH 60:19

Ka sngi kan ym long shuh ka jingshai jong pha mynsngi; lymne ïa ka batyngshaiñ u bnai un ym ai jingshai ïa pha: hynrei, U Trai un long ha pha ka jingshai bymjukut, bad U Blei jong pha un long ka burom jong pha.

MALAKHI 3:6

“Naba nga U Trai ngam ju kylla; namar kata keiñ, ba ym shym la bam duh noh ïa phi, ko phi ki khun u Jakob.

JINGKHEIÑ 11:17

Naba ngan wan hiar, bad ngan kren ha me hangta: bad ngan shim na kata ka mynsiem kaba don ha me, bad ngan buh ïa ka ha ki: kumta kin ïabah lem bad me, ïa ka jingkit jong kine ki briew, ba men ym bah marwei ïa ka.

JINGKHEIÑ 11:25

U Trai te u la wan hiar ha uta u lyoh, bad u la kren ha u, bad u la shim na kata ka mynsiem kaba la don ha u, bad u la ai ha kita ki hynñiewphew ngut ki tymmen basan: te haba kata ka mynsiem ka la shong sah halor jong ki, ki la ïathuhlypa, ki la wai noh ruh.

JINGKHEIÑ 23:19

U Blei um long u briew, ba un lamler; lymne u khun u briew, ba un kylla-ka-bamut: ïa kaba U la ong, un ym leh? Lane ïa kaba U la kren, un ym pyndep noh?

MATHAÏOS 7:11

Namar kata, lada phi, kiba long bymman, phi tip ïa ka ban ai ïa ki jingai babha ha ki khun jong phi, kaba katno tam ba U Kpa jong phi uba ha bneng un ai ïa kiei kiei ruh ki babha ha kita kiba pan na u?

LOUKAS 11:13

Namar kata, lada phi, kiba long bymman, phi tip ïa ka ban ai ïa ki jingai babha ha ki khun jong phi, kaba katno tam ba U Kpa jong phi uba ha bneng un ai ïa U Mynsiem Bakhuid ha kita kiba pan na u?”

ÏOANNIS 1:9

Uta, u la long U Jingshai U bashisha, u ban sa wan ha ka pyrthei, uba pynshai ïa ki briew baroh.

ÏOANNIS 3:27

U Ïoannis u la ïathuh bad u la ong, “U briew um lah ban ïoh diang ei ei ruh em lymda la ai ha u na bneng.

ÏOANNIS 3:3

U Jisu u la ïathuh bad U la ong ha u, “Shisha, shisha nga ong ha me, lymda kha pat ïa u briew, um lah ban ïohi ïa ka hima U Blei.”

ÏOANNIS 8:12

Ynda kumta, U Jisu u la ïathuhkhana pat ha ki, u da ong, “Nga long U Jingshai jong ka pyrthei: uta uba wan bud ïa nga, un ym ïaid ha ka ba-dum, hynrei, un ïoh ka jingshai jong ka jingim.”

KI KAM 11:18

Te haba ki la ïohsngew ïa kine kiei kiei, ki la ïasngap jar, bad ki la ïa-pyndonburom ïa U Blei, ki da ong, “Kumta te ha ki Jentil ruh U Blei u la ai ïa ka jingkylla-ka-bamut sha ka jingim.”

KI KAM 5:31

Ïa une, U Blei u la kyntiew sha ka kti kamon jong u, ban long U Syiem bad U Nongpynim, ïa ka ban ai ka jingkylla-ka-bamut ha u Israel, bad ka jingmap ki pop.

Ka Shithi U Paul Sha Ki Nong Rom 6:23

Namar ka bainong ka pop, ka long ka jingïap; hynrei, ka jingaiei ka jong U Blei, ka long ka jingim bymjukut da U Khrist Jisu uba U Trai jong ngi.

1 KORINTH 4:7

Namar uei ba pynpher ïa me? bad me don aïu ïa kaba mem shym la pdiang? te lada me la pdiang, hato balei me leh sarong kumba mem shym la pdiang?

2 KORINTH 4:6

Naba U Blei uba la hukum ïa ka jingshai ban shai noh na kaba dum, u la pynshai ha ki dohnud jong ngi, khnang ïa ka ban pynshai ïa ka jingtip ka burom U Blei ha ka khmat U Jisu Khrist.

EPHESOS 1:18

ba la pynshai ïa ki khmat ka dohnud jong phi, ba phin ïoh tip kaei ka long ka jingkyrmen ka jingkhot jong u, bad kaei ka long ka jingkynrei ka burom jong ka bynta jong u ha ki riewkhuid,

EPHESOS 2:8

Namar da ka jingaiei la pynim ïa phi, da ka jingngeit keiñ; kata ruh, ym na phi hi; ka long ka jingai U Blei:

DEUTERONOMI 4:19

ba ïoh men khmied ruh ïa la ki khmat sha bneng, bad haba me ïohi ïa ka sngi, bad ïa u bnai, bad ïa ki khlur, ïa u paidbah bneng baroh keiñ, yn pynleh ïa me ban mane ïa ki, bad shakri ïa ki, ïa kiba U Trai uba U Blei jong me u la ïasam ha ki jaid bynriew baroh hapoh ka bneng baroh kawei.

PHILIPPI 1:29

Naba ha phi, la ai na ka bynta U Khrist, ym tang ban ngeit ha u, hynrei, ban shah shitom ruh na ka bynta jong u;

1 TIMOTHI 6:16

uba tang ma u hi uba don ka jingbymïap, uba shong ha ka jingshai bym lah kot; ïa uba ym don briew uba la ïohi, lane ba lah ban ïohi; ha uba to long ka burom bad ka borbah bymjukut: Amen.

HEBRU 13:8

U Jisu Khrist u long ujuh mynhynnin, bad mynta, bad sha bymjukut.

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.

JAKOB 3:15

Kane ka jingstad kam long kata kaba wan hiar na jrong, hynrei, kaba kynja pyrthei, kaba kynja doh, kaba kynja ksuid keiñ.

JAKOB 3:17

Hynrei, kata ka jingstad kaba na jrong ka long nyngkong ka bakhuid, ynda kumta, kaba suk, kaba shah jemnud, kaba ngeit eh, kaba dap da ka jingisynei bad da ki soh babha, kaba khlem ñiew shiliang khmat, bad kaba khlem arsap.

1 ÏOANNIS 1:5

Te kane ka long kata ka khubor ïa kaba ngi la ïohsngew na u, bad ngi ïa-pynbna ha phi: U Blei u long ka jingshai, bad ha u, ka jingdum kam don satia.

1 ÏOANNIS 4:10

Ha kane ka long ka jingieit, ym naba ngi la ieit ma ngi ïa U Blei, hynrei, naba u la ieit ma u ïa ngi, bad ba u la phah ïa la U Khun ban long ka kuna na ka bynta ki pop jong ngi.

JINGPYNPAW 21:23

Bad kata ka nongbah kam donkam ïa ka sngi, lymne ïa u bnai ban pynshai ha ka: namar ka burom U Blei ka la pynshai ïa ka, bad ka jingshai jong ka long uta U Khun langbrot.

JINGPYNPAW 22:5

Bad ka miet kan ym long shuh; te kim donkam ïa ka jingshai ka sharak, lymne ïa ka jingshai ka sngi; naba U Trai uba U Blei un pynshai ha ki, bad kin synshar sha ki bymjukut ki bymjukut.

1 SAMUEL 15:29

Ruh putet, uba Ka Bor ki Israel un ym lamler lymne kylla-ka-bamut; namar ma u um long u briew, ba un kylla-ka-bamut.”