JAKOB 1:14 - KA BAIBL

¹⁴ Hynrei, la pynshoi ïa uwei pa uwei baroh haba la ring pah ïa u da ka jingkwah brai la ka jong hi, bad haba la riam ïa u.

Khasi CL Bible (BSI)

¹⁴ Hynrei u briew u shah pynshoi haba u shah ring pah bad shah riam ha ki jingkwah brai jong u hi.

JAKOB 1:14 Mawu Ofanana

JENESIS 3:6

Te haba kata ka briew ka la ïohi ba uta u dieng u la long u babha ban bam, bad uba itynnad ïa ki khmat, bad u dieng uba bit ïa ka ban pynstad, ka la shim na u soh jong u, bad ka la bam ruh, bad ka la ai lem ruh de ha la u tnga; u ruh u la bam.

JENESIS 6:5

Te U Trai u la ïohi ba ka jingleh bymman jong u briew ka la khraw eh ha ka pyrthei, bad ba ka jingthmu baroh ki jingpyrkhat ka dohnud jong u ki la long bymman ha la ka sngi.

JENESIS 8:21

Te U Trai u la iw ïa ka jingiw baiwbih; bad U Trai u la ong ha la ka dohnud, “Ngan ym tim shuh ïa ka khyndew pat na ka bynta u briew; la ka jingpyrkhat ka dohnud u briew ka basniew naduh myndanglong samla jong u; bad ngan ym shoh ïap pat shuh ïa ki kynja ba-im baroh, kumba nga la leh.

2 SAMUEL 11:4

Bad u Dabid u la phah ki nongkit-ktien, bad u la shim ïa ka; ka ruh ka la wan shapoh sha u, u ruh u la thiah bad ka; (naba la pynkhuid ïa ka na ka jingpang jong ka;) te ka la leit wan noh sha la ïing.

Ka Kitab U Job 31:27

bad ba la riam harieh harieh ïa ka dohnud jong nga, bad ba ka shyntur jong nga ka la doh ïa ka kti jong nga:

Ka Kitab U Job 31:9

“Lada la riam ïa ka dohnud jong nga sha ka briew, bad lada nga la ap tuh ha ka jingkhang u paramarjan jong nga:

PROBERB 4:23

To ri khop ïa la ka dohnud da kaba sumar eh; naba na ka ki wan ki jingmih ka jingim.

ISAÏAH 44:20

U bam da ka dpei: ka dohnud bashukor ka la pynbakla ïa u, katba um nang ban pyllait ïa la ka mynsiem, lymne ban ong, “Hato ym don ka jinglamler ha ka kti kamon jong nga?”

HOSIA 13:9

“Ka long ka jingjot jong me, ko Israel, ba me long pyrshah ïa nga, pyrshah ïa la ka jingïarap.

MATHAÏOS 15:18

Hynrei, kita kiei kiei ruh kiba mih noh na ka shyntur ki mih na ka dohnud; kita te ki pyntngit ïa u briew.

MATHAÏOS 15:20

Dei kine kiei kiei kiba pyntngit keiñ ïa u briew; hynrei, ban bam da ki kti khlem thet kam pyntngit ïa u briew.”

MATHAÏOS 4:1

Ynda kumta, la ïalam noh ïa U Jisu da U Mynsiem sha ka ri khlaw, ba yn pynshoi ïa u da u Soitan.

MATHAÏOS 5:28

hynrei, nga ong ha phi, ba uno uno ruh uba da khmih ïa ka briew ïa ka ban kwah ïa ka, u la lah klim lypa ïa ka kumta ha la ka dohnud.

Ka Shithi U Paul Sha Ki Nong Rom 7:11

Namar kata ka pop haba ka la ïoh dong, da kata ka adong ka la shukor ïa nga, bad da kata ka la pynïap noh ïa nga.

Ka Shithi U Paul Sha Ki Nong Rom 7:13

Hato te kane ka babha ka la jia long ka jingïap ïa nga? Em, ym kumta! Hynrei, ka pop keiñ, ba kan ïohpaw ba ka long pop, da kaba trei pynshait ïa ka jingïap ha nga da kata ka babha; ba kumta, kata ka pop da kata ka adong kan da paw kaba pop shikatdei eh.

EPHESOS 4:22

ba phin buh noh, shaphang kata ka jinglong jong phi kaba mynshuwa, ïa uta u briew batymmen keiñ, uba nang pyut katba kum kita ki jingikwah ka jingshukor,

HEBRU 3:13

Hynrei, to ïakyntu paralok ha la ka sngi, katba dang khot “Mynta ka sngi” ïa ka; ba yn ym pyneh ïano ïano ruh na phi da ka jingshukor ka pop.

JAKOB 1:13

Wat ong uno uno ruh em haba la pynshoi ïa u, “La pynshoi ïa nga na U Blei”; naba ïa U Blei ym lah ban pynshoi da ka basniew, bad um pynshoi ma U ïano ïano ruh.

JAKOB 1:15

Ynda kumta, kata ka jingkwah brai, haba ka la pun, ka kha ïa ka pop, te kata ka pop, haba ka la san, ka kha ïa ka jingïap keiñ.