JAKOB 1:12 - KA BAIBL

¹² Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

Khasi CL Bible (BSI)

¹² Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

JAKOB 1:12 Mawu Ofanana

JENESIS 22:1

Bad ka la jia hadien kine kiei kiei ruh, ba U Blei u la tynjuh ïa u Abraham, bad u la ong ha u, “Ko Abraham”: bad u la ïathuh, “Ha khmih, ma nga.”

NEHEMAÏAH 1:5

bad nga la ong, “Nga kyrpad ïa me, A Trai, U Blei ka bneng, U Blei u bakhraw bad ba-itieng, uba sumar ïa ka jutang bad ïa ka jingisynei bad kita kiba ieit ïa u bad kiba sumar ïa ki hukum jong u:

Ka Kitab U Job 2:10

Hynrei u la ong ha ka, “Pha kren kumba kren kawei na ki riewbieit. Balei? ngin pdiang na ka kti U Blei ïa ka babha, te ngin ym pdiang ka basniew?” Ha kane baroh u Job um shym la leh pop da la ki rmiang shyntur.

Ka Kitab U Job 5:17

“Ha khmih, suk uta u briew ïa uba U Blei u sneng: namar kata, wat ñiewbeiñ ma me ïa ka jingsneng ka jong U Badonbor Baroh.

SALM 11:5

U Trai u tynjuh ïa u bahok: hynrei, ïa u bymman bad uta uba ieit ïa ka jingleh-jubor, ka mynsiem jong U, ka isih.

SALM 119:67

Mynba ym pat pynshitom ïa nga, nga la ju sakma; hynrei, mynta, nga sumar ïa ka ktien jong me.

SALM 119:71

Ka babha ïa nga ba la pynshitom ïa nga, ba ngan dup nang ïa ki aiñ jong me.

SALM 119:75

Nga tip, A Trai, ba ki bahok ki jingbishar jong me, bad ba ha ka jingïaineh me la pynshitom ïa nga.

SALM 5:11

Hynrei, kita baroh kiba shaniah ha me to kin ïakmen, ai ba kin risa namar bakmen ha la ka sngi, namar ba me da ïa ki: kita ruh kiba ieit ïa ka kyrteng jong me to kin ïashadkmen ha me.

SALM 94:12

Suk uta u briew uba me sneng sympat, A Trai, bad uba me hikai na ka hukum jong me;

EKSODOS 20:6

bad uba leh isynei ïa ki hajar, kiba ieit ïa nga bad kiba sumar ruh ïa ki hukum jong nga.

PROBERB 17:3

U khiew pynphrang u long ïa ka rupa, bad ka lawar ding ïa ka ksiar: hynrei, U Trai uba tynjuh ïa ka dohnud.

ISAÏAH 64:4

Naba naduh mynhyndai ki briew kim shym la sngew, lymne ïohsngew da ka shkor, lymne ka khmat kam shym la ïohi ïa U Blei nalor jong me, uba trei na ka bynta uta uba ap kyrmen ïa u.

SEKHARAÏAH 13:9

Te ngan ïalam ïa kata ka shi bynta lyngba ïa ka ding, bad ngan pynkhuid ïa ki kumba pynkhuid ïa ka rupa, bad ngan phrang ïa ki kumba phrang ïa ka ksiar: kin khot ïa ka kyrteng jong nga, bad ngan shahshkor ïa ki: nga ngan ong, ‘U long u paidbah jong nga’; ki ruh kin ong, ‘U Trai u long U Blei jong nga.’ ”

MATHAÏOS 10:22

Te phin long ïa kiba la shun da ki briew baroh na ka bynta ka kyrteng jong nga: hynrei, uta uba da ïaineh ha ban da kut, uta keiñ u ban lait im.

MATHAÏOS 25:34

Ynda kumta, U Syiem un ong ha kita sha kamon jong u, ‘To wan phi ïa kiba la kyrkhu jong U Kpa jong nga, to ïoh ïa ka hima ïa kaba la pynkhreh keiñ ïa phi na myndanglong ka pyrthei.

LOUKAS 6:22

“Suk ma phi ynda ki briew kin shun ïa phi, bad ynda kin tait ïa phi bad kin lehbeiñ ïa phi, bad kin ot beiñ noh ruh ïa ka kyrteng jong phi kum ka bymman, na ka bynta U Khun u briew.

Ka Shithi U Paul Sha Ki Nong Rom 5:4

bad kata ka jingïaishah, ïa ka jingshem mynsiem; bad kata ka jingshem mynsiem, ïa ka jingkyrmen;

Ka Shithi U Paul Sha Ki Nong Rom 8:28

Bad ngi ïatip ruh ba kiei kiei baroh ki ïatrei lem ïa ka ban pynbha ïa kita kiba ieit ïa U Blei, ïa kita keiñ ïa kiba la khot katba kum ka jingthmu jong u.

1 KORINTH 2:9

Hynrei, kat kumba la thoh: “Kiei kiei ruh ba ka khmat kam shym la ïohi, bad ka shkor kam shym la ïohsngew, bad kim shym la mih ruh ha ka dohnud u briew, ki long kita kiei kiei ïa kiba U Blei u la buh lypa ïa kita kiba ieit ïa u.”

1 KORINTH 8:3

Hynrei, lada uno uno ruh u ieit ïa U Blei, ïa uta keiñ la ithuh da u.

1 KORINTH 9:25

Te uwei pa uwei uba pyneh, u shah ïa kiei kiei baroh. Ma ki shisha khnang ba kin ïoh ka pansngiat bapyut, hynrei, ma ngi ïa ka bympyut keiñ.

DEUTERONOMI 13:3

to wat shahshkor me ïa ki ktien jong uta u nongïathuhlypa, lane ïa uta u nongphohsniew ïa ki jingphohsniew, namar U Trai uba U Blei jong phi u tynjuh ïa phi, ïa ka ban tip la phi ieit ne em ïa U Trai uba U Blei jong phi da la ka dohnud baroh, bad da la ka mynsiem baroh.

DEUTERONOMI 7:9

To tip, namar kata, ba U Trai uba U Blei jong me, ma u, uba long U Blei; U Blei uba ïaineh keiñ, uba ïaisumar ïa ka jutang, bad ïa ka jingisynei, bad kita kiba ieit ïa u, bad kiba sumar ïa ki hukum jong u haduh shi hajar ki pateng bynriew;

DEUTERONOMI 8:2

To men kynmaw ruh ïa kata ka lynti baroh ïa kaba U Trai uba U Blei jong me u la ïalam ïa me ha kine sawphew snem ha kata ka ri khlaw, ïa ka ban pynrit ïa me, bad ïa ka ban tynjuh ïa me, ïa ka ban tip kaei kaba ha ka dohnud jong me, la men sumar ne em ïa ki hukum jong u.

2 TIMOTHI 2:15

To pyrshang smat ban aiti ïa lade ba la pdiang hun da U Blei, kum u nongtrei u bymdonkam ban lehrain, uba ïasam beit ïa ka ktien ka jingshisha.

2 TIMOTHI 4:8

Naduh mynta, ïa nga la buh ïa kata ka pansngiat jong ka hok, ïa kaba U Trai, uta U Nongbishar bahok, un ai ha nga ha kata ka sngi: bad ym tang ha nga hi, hynrei, ha kita baroh ruh kiba ieit ïa kata ka jingmihpaw jong u.

HEBRU 10:32

Hynrei, to ïakynmaw ïa kita ki sngi ki bamynshuwa, ha kiba, ynda la pynshai ïa phi, phi la shah ïa ka jingïaleh bakhraw ki jingshitom;

HEBRU 11:17

Da ka jingngeit, u Abraham ba la tynjuh ïa u, u la kñia ainguh ïa u Isaak; ho-oid, uta hi uba la lah pdiang da kaba kmen ïa kita ki jingkular, u la kñia ainguh ïa la u khun ba la kha marwei;

HEBRU 12:5

bad phi la klet noh ïa kata ka jingkyntu, kaba pyni ha phi kumba ha ki khun: “Ko khun jong nga, wat ñiew sting ïa ka jingsneng sympat na U Trai, lymne wat sngewtlot ngai-ly-ngai haba da sneng ïa me da u;

HEBRU 6:15

Te kumta, haba u la ïaishah slem, u la ïoh ïa kata ka jingkular.

JAKOB 2:5

To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?

JAKOB 5:11

Ha khmih, ngi ñiew suk ïa kita kiba ïaishah: phi la ïohsngew shaphang ka jingïaishah u Job, bad phi la ïohi ïa kata ka jingpynkut U Trai, ba U Trai u long uba dap da ka jingisynei, bad uba leh isynei thoiñ.

1 PETROS 3:14

Hynrei, lada phi la shah shitom ruh na ka bynta ka hok, suk ma phi. Hynrei, wat sheptieng na kata ka jingpynsheptieng jong ki, lymne wat khih khuslai,

1 PETROS 4:13

hynrei, kat kumba phi ïoh bynta lem na kita ki jingshahshitom U Khrist, to kmen noh; ba ha kata ka jingpynpaw ïa ka burom jong u, phi ruh, phin ïoh kmen da ka jingkmen kaba khraw.

1 PETROS 4:14

Lada la krenbeiñ ïa phi namar ka kyrteng U Khrist, suk ma phi; naba U Mynsiem jong ka burom bad u jong U Blei u ïaishong ha phi: ha phang jong ki shisha la krenbeiñ ïa u, hynrei, ha phang jong phi la pyndonburom ïa u.

1 PETROS 5:10

Te U Blei ka jingaiei baroh, uba la khot ïa phi sha kata ka burom bymjukut jong u ha U Khrist, ynda phi la shah shitom khyndiat por, ma u hi keiñ, un da pynjanai ïa phi, un da pynskhem, un da pynshaitbor.

1 PETROS 5:4

Te ynda la pynpaw ïa U Nongaplangbrot Rangbah, phin ïoh pdiang ïa kata ka pansngiat ka burom ka bymsep noh.

1 ÏOANNIS 4:19

Ngi ieit ma ngi ïa u, naba u la ieit shuwa ïa ngi.

JINGPYNPAW 2:10

To wat sheptieng ïa kita kiei kiei ruh kiba phan sa shah: ha khmih, uta u Soitan un sa bred ïa kiba na phi ha ka ïing byndi, ba yn ïoh tynjuh ïa phi; te phin ïoh ïa ka jingshahshitom shiphew sngi. To long pha kaba ïaineh haduh ka jingïap, bad ngan ai ha pha ïa kata ka pansngiat jong ka jingim.

JINGPYNPAW 3:19

Kat ïa kiba nga ieit, nga sneng bad nga sympat; to sngewshitrhem namar kata, bad to kylla-ka-bamut.

JINGPYNPAW 3:21

Uta uba jop, ngan ai ha u ban shong lem bad nga halor ka khet jong nga, kumba nga ruh nga la jop, bad nga la shong lem bad U Kpa jong nga halor ka khet jong u.