ÏOANNIS 7:7 - KA BAIBL

⁷ Ka pyrthei kam lah ban shun ïa phi, hynrei, ka shun ïa nga, namar ba nga phla shaphang jong ka, ba ki jingleh jong ka ki long bymman.

Khasi CL Bible (BSI)

⁷ Ka pyrthei kam lah ban shun ïa phi, hynrei ka shun ïa nga, namar ba nga ïai-ong ba ki lynti jong ka ki long kiba sniew.

ÏOANNIS 7:7 Mawu Ofanana

1 SYIEM 21:20

U Ahab te u la ong ha u Elijah, “Me la shem ïa nga, ko nongshun jong nga?” U te u la ïathuh, “Nga la shem ïa me keiñ: namar me la die noh ïa lade ban leh ïa kata ka basniew ha khmat U Trai.

1 SYIEM 22:8

Te u syiem ki Israel u la ong ha u Jehoshaphat, “Dang don sa uwei u briew da uba ngi lah ban ïakylli na U Trai, u Mikaïah u khun u Imlah: hynrei, nga isih ïa u; namar um ju ïathuhlypa ka babha shaphang jong nga, hynrei, tang ka basniew.” Te u Jehoshaphat u la ong, “Wat ai ba u syiem un ong kumta.”

SALM 109:5

Bad ki la siew ïa nga da ka basniew namar ka babha, bad da ka jingshun namar ka jingieit jong nga.

PROBERB 15:12

U nongrkhiebeiñ um ieit ban ïoh jingsneng: un ym leit sha u bastad.

PROBERB 8:36

Hynrei, uta uba leh pop ïa nga u pynsniew ïa la ka jong ka mynsiem: baroh kat kiba shun ïa nga ki ieit ïa ka jingïap.”

ISAÏAH 29:21

uta uba pynrem ïa u briew ha ka jingïaleh, bad uba riam ïa uta uba sneng ha ka khyrdop, bad uba pynphai noh ïa u bahok da ka bymlong ei ei.

ISAÏAH 49:7

Kumne u ong U Trai, u nongsiewspah ki Israel, uta U Bakhuid jong u, ha uta uba ki briew ki ibeiñ, ha uta uba ka jaid bynriew ka isih, ha u shakri jong ki nongsynshar: “Ki syiem kin ïohi te kin ïeng; ki bakhraw batri, te kin dem; namar U Trai uba ïaineh U Bakhuid ki Israel keiñ, uba la jied ïa me.”

JEREMAÏAH 20:8

Naba katba nga kren, nga pyrta; nga pyrta, “Ka jingleh-jubor bad ka jinglute:” namar ïa ka ktien U Trai la pynlong ka jingkrenbeiñ ha nga, bad ka jingrkhiebeiñ, baroh shi sngi.

LEBITIKOS 13:10

bad u lyngdoh un khmih-ïit, te, ha khmih, lada ka don ka jingat balieh ha ka snieh, bad kaba la pynkylla lieh ïa u shñiuh, bad ba don doh saw ba-im ha kata ka jingat,

SEKHARAÏAH 11:8

Te nga la pynïap lai ngut ki nongsharai ha uwei u bnai; naba ka mynsiem jong nga ka la sngewbtai ïa ki, bad ka mynsiem jong ki ruh ka la isih ïa nga.”

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

LOUKAS 6:26

“Kordit ïa phi, haba ki briew baroh kin kren bha ïa phi! naba kumjuh hi ki kpa jong ki, ki la leh ïa ki nongïathuhlypa balamler.”

ÏOANNIS 17:14

Ïa kata ka ktien jong me nga, nga la aiti ha ki; kata ka pyrthei te ka la shun ïa ki, naba kim long na ka jong ka pyrthei, kumba nga ngam long na ka jong ka pyrthei.

ÏOANNIS 3:19

Kane te ka long kata ka jingpynrem, ba ka jingshai ka la wan ha ka pyrthei, bad ki briew ki la ïa-ieit kham tam ïa ka jingdum ban ïa kata ka jingshai; naba ki la long bymman ki jingleh jong ki.

Ka Shithi U Paul Sha Ki Nong Rom 8:7

Naba kata ka jingïaimut brai ka jong kata ka doh, ka long ka jingshun ïa U Blei; namar kam pynhapoh ïa lade ïa ka hukum U Blei, lymne shisha kam lah keiñ.

GALATIA 4:16

Hato kumta te nga la kylla long u nongshun jong phi, namar ba nga ïathuh ïa kaba shisha ha phi?

JAKOB 4:4

Phi kiba klim, hato phim tip ba kata ka jingïalok bad ka pyrthei ka long ka jingshun ïa U Blei? namar kata, uno uno ruh uba mon ban long u lok ka pyrthei, u pynlong ïa lade uba shun ïa U Blei keiñ.

1 ÏOANNIS 4:5

Kita ki long na ka jong ka pyrthei, namar kata, ki ïakren na ka jong ka pyrthei, bad kata ka pyrthei ka sngew ïa ki;