ÏOANNIS 3:3 - KA BAIBL

³ U Jisu u la ïathuh bad U la ong ha u, “Shisha, shisha nga ong ha me, lymda kha pat ïa u briew, um lah ban ïohi ïa ka hima U Blei.”

Khasi CL Bible (BSI)

³ U Jisu u la jubab, “Nga ïathuh ha me ïa ka jingshisha: Ym don uba lah ban ïohi ïa ka Hima U Blei lymda kha pat ïa u.”

ÏOANNIS 3:3 Mawu Ofanana

JEREMAÏAH 5:21

‘To sngap ïa kane mynta, A u paidlang u babieit, bad uba khlem jingshemphang; uba don ki khmat, te um ïohi; uba don ki shkor, te um ïohsngew:

ESEKIEL 36:26

Ngan ai ruh ka dohnud thymmai ha phi, bad ka mynsiem thymmai de ngan buh hapoh jong phi: bad ngan khlaw ïa ka dohnud maw na ka doh jong phi, bad ngan ai ka dohnud doh ha phi.

MATHAÏOS 16:17

U Jisu te u la ïathuh bad u la ong ha u, “Suk ma me, ko Simon u khun u Jonah, naba ka doh bad ka snam kam shym la pyni ïa kata ha me, hynrei, U Kpa jong nga uba ha bneng.

MATHAÏOS 19:24

Pat ruh nga ong ha phi, ba ka kham jem ïa ka ut ban bsut lyngba ïa ka thliew thyrnia, ban ïa u riewspah ban bsut hapoh ka hima U Blei.”

MATHAÏOS 21:31

Uno na kine ar ngut uba la leh ïa ka mon u kpa?” Ki ong ha u, “Uba nyngkong.” U Jisu u ong ha ki, “Shisha nga ong ha phi, ba ki nongkhrong bad ki nuti ki leit ha shuwa jong phi sha ka hima U Blei.

MATHAÏOS 5:18

Naba shisha nga ong ha phi: Ha ban da leit noh ka bneng bad ka khyndew, kat iwei i dak rit lane iwei iba khun khyndiat eh na Ka Hukum in ym leit noh, tad ynda yn pyndep baroh.

MARKOS 10:14

Hynrei, haba U Jisu u la ïohi ïa kata, u la sngewsih eh, bad u la ong ha ki, “To shah ïa ki khunlung ban wan ha nga, to wat khang ruh ïa ki: naba ïa kiba kum kita, long ka hima U Blei.

MARKOS 9:47

Lada ka khmat jong me ruh ka pynthut ïa me, to khlaw noh ïa ka: ka bha ïa me ban leit bsut sha ka hima U Blei tang da kawei ka khmat, ban ïa kaba me don ar tylli ki khmat ba'n bred ïa me ha dujok ding,

ÏOANNIS 1:13

kiba la kha, ym na ka snam, lymne na ka mon ka doh, lymne na ka mon u briew, hynrei, na U Blei.

ÏOANNIS 1:5

Bad kata ka jingshai ka shai ha ka ba-dum; hynrei, kata ka ba-dum kam pdiang ïa ka.

ÏOANNIS 1:51

U ong ruh ha u, “Shisha, shisha nga ong ha phi: phin sa ïohi ïa ka bneng ba la plie, bad ïa ki angel U Blei ba ki ïakiew bad ki ïahiar ha U Khun u briew.”

ÏOANNIS 12:40

“U la pynmatlah ïa ki khmat jong ki, bad u la pynluin ïa ka dohnud jong ki; ba kin ym ïohi da la ki khmat, lymne sngew-shemphang da la ka dohnud, bad kin ïoh kylla-ka-bamut, bad ngan ïoh pynkhiah ïa ki.”

ÏOANNIS 3:4

U Nikodimos u ong ha U, “Kumno lah ban kha ïa u briew haba u la tymmen? u lah ban bsut pat sha ka kpoh ka kmie jong u, bad ban kha ïa u?”

2 KORINTH 4:4

ha kiba u blei jong kane ka pyrthei u la pynmatlah noh ïa ki jingmut kita ki bymngeit, khnang ba ka jingshai ka gospel ka burom U Khrist, uba long ka dur U Blei, kan ym tyngshaiñ ha ki.

2 KORINTH 5:17

Kumta, lada uei uei ruh u don ha U Khrist, u long u jingthaw bathymmai; kiei kiei ruh ki barim ki la duh noh, ha khmih kiei kiei baroh ki la jia long ki bathymmai.

GALATIA 6:15

Namar ka jingotsher kam long ei ei ruh em, lymne ka jingbym-otsher, hynrei, tang ka jingthaw bathymmai keiñ.

EPHESOS 2:1

Bad ïa phi u la pynim, haba phi la long ki baïap da ki jingryngkang bad ki pop,

DEUTERONOMI 29:4

pleng U Trai um shym la ai ha phi ka dohnud ban shemphang, bad ïa ki khmat ban ïohi, bad ïa ki shkor ban ïohsngew, naduh kane ka sngi.

TITOS 3:5

u la pynim ïa ngi, ym na ki jingleh ka hok kiba ngi hi, ngi la leh, hynrei, katba kum ka jingisynei jong u, da ka jingsait ka jingkha ar sien, bad ka jingpynthymmai U Mynsiem Bakhuid,

JAKOB 3:17

Hynrei, kata ka jingstad kaba na jrong ka long nyngkong ka bakhuid, ynda kumta, kaba suk, kaba shah jemnud, kaba ngeit eh, kaba dap da ka jingisynei bad da ki soh babha, kaba khlem ñiew shiliang khmat, bad kaba khlem arsap.

1 PETROS 1:3

Ka jingkyrkhu ïa U Blei bad ïa U Kpa U Jisu Khrist uba U Trai jong ngi, uba katba kum ka jingisynei ka bakhraw jong u, u la pynkha ar sien ïa ngi sha ka jingkyrmen kaba im, da ka jingmihpat U Jisu Khrist na ki baïap,

1 ÏOANNIS 2:29

Lada phi tip ba u long u bahok, phi tip ba uwei pa uwei baroh uba ïai-leh ïa ka hok, la kha ïa u na u.

1 ÏOANNIS 3:9

Uwei pa uwei baroh ba la kha na U Blei um ju leh ïa ka pop, naba u symbai jong u, u ïaisah hapoh jong u: te um lah ban ïai-leh pop, naba la kha ïa u na U Blei.

1 ÏOANNIS 5:1

Uwei pa uwei baroh uba ngeit ba U Jisu u long uta U Khrist, la kha ïa u na U Blei: bad uwei pa uwei baroh uba ieit ïa uta uba la pynkha, u ieit ïa uta ruh ïa uba la kha na u.

1 ÏOANNIS 5:18

Ngi tip ba uwei pa uwei baroh ïa uba la kha na U Blei, um leh pop shuh; hynrei, uta ïa uba la kha na U Blei, u ri noh ïa lade, te uta u basniew um ktah ïa u.

1 ÏOANNIS 5:4

Naba kaei kaei baroh ïa kaba la kha na U Blei ka jop noh thiaw ïa ka pyrthei; te kane ka long kata ka jingjop kaba la jop noh thiaw ïa kata ka pyrthei, ka jingngeit jong ngi keiñ.

JINGPYNPAW 3:14

“Bad ha uta u angel jong ka balang ha Laodikaïa to thoh: Ïa kine kiei kiei ruh u ong U Amen, U Nongphla U Baïaineh bad U Bashisha, ka jingsdang ka jingpynlong jong U Blei: