ÏOANNIS 10:8 - KA BAIBL

⁸ Baroh, kat kiba la wan mynshuwa jong nga, ki long kiba buit'ti bad ki nongtuh: hynrei, kita ki langbrot kim shym la kohnguh ïa ki.

Khasi CL Bible (BSI)

⁸ Baroh kita kiwei kiba la wan ha shuwa jong nga ki long ki nongtuh bad nonglute, hynrei ki langbrot kim shym la shahshkor ïa ki.

ÏOANNIS 10:8 Mawu Ofanana

ESEKIEL 34:2

“Ko khun u briew, to ïathuhlypa pyrshah ïa ki nongaplangbrot jong ki Israel, to ïathuhlypa, bad to ong ruh ha ki, ha ki nongaplangbrot keiñ, ‘Kumne u ong U Trai U Blei: Kordit ïa ki nongaplangbrot jong ki Israel kiba bsa ïa lade! ym dei ïa ki nongaplangbrot ban bsa ïa ki langbrot?

ÏOANNIS 10:1

“Shisha, shisha nga ong ha phi: u bymbsut na ka jingkhang sha ka jingker jong ki langbrot, hynrei, u da leit kiew nawei pat, uta u long uba buit'ti bad u nongtuh.

JEREMAÏAH 23:1

“Kordit ïa kita ki nongaplangbrot kiba pynjot bad kiba pynsakma ïa ki langbrot ka jaka phlang jong nga!” ong U Trai.

KI KAM 5:36

Namar mynshuwa kine ki sngi, la mih u Theudas, u da kren sarong ïa lade ba u long ma u uwei; ha u, la ïasoh lang kumba sawspah ki rangbah, ïa uba la pynïap noh; bad ïa kita baroh kat kiba la kohnguh ïa u, la pynsakma noh, bad kim shym long ei ei ruh.

ÏOANNIS 10:27

Kita ki langbrot jong nga ki sngap ïa ka ktien jong nga; ma nga te nga ithuh ïa ki, bad ki ïabud ïa nga;

ÏOANNIS 10:5

Ïa u nongwei te kin ym ïabud, hynrei, kin ïaphet ïap noh na u; naba kim ïasngewthuh ïa ka ktien ki nongwei.”

SEKHARAÏAH 11:16

Naba ha khmih, ngan pynmih ïa u nongsharai ha ka ri, u ban ym khmih ïa kita kiba la pynduh noh, lymne un ym wad ïa kiba la pynsakma, lymne pynkhiah ïa kata kaba la mong; lymne un ym bsa ïa kata kaba sahkut, hynrei, un bam ïa ka doh jong ki basngaid, bad un pynlwet ïa ki khnap jong ki.

SEPHANAÏAH 3:3

Ki syiem jong ka hapoh jong ka ki long ki sing kiba kyrhuh; ki nongbishar jong ka ki long ki suri mynmiet; kim pynsah ei ei haduh lashai.