ÏOANNIS 1:1 - KA BAIBL

¹ Ha kaba mynnyngkong u la don U Ktien, bad uta U Ktien u la don bad U Blei, bad uta U Ktien u la long U Blei.

Khasi CL Bible (BSI)

¹ Ha shuwa ban thaw ïa ka pyrthei, u Ktien u la lah don lypa; u la don bad U Blei, bad u long kumjuh kum U Blei.

ÏOANNIS 1:1 Mawu Ofanana

JENESIS 1:1

Ha kaba mynnyngkong U Blei u la thaw ïa ka bneng bad ïa ka khyndew.

SALM 45:6

Ka khet jong me, A Blei, ka long sha ka bymjukut ki bymjukut; u dieng synshar ka jinglehhok u long u dieng synshar ka hima jong me.

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

ISAÏAH 9:6

Namar ha ngi la kha ïa u khun, la ai ïa u khun ha ngi; te ka jingsynshar kan long halor ka tyrpeng jong u: bad yn khot ïa ka kyrteng jong u, “U Baphylla, U Nongsylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

MATHAÏOS 1:23

“Ha khmih, kata ka theisotti kan punkhun, kan kha ruh ïa u khun, bad kin ïakhot ïa ka kyrteng jong u, ‘U Emmanuel,’ ” kaba long, haba la batai, “U Blei lem bad ngi”.

LOUKAS 24:53

Ki la don ruh khlem da pud ha ka templ, ki da ïaroh bad ki da ïakyrkhu ïa U Blei. Amen.

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 1:18

Ym don mano mano ruh ba la ïohi ïa U Blei mynno mynno ruh; uta U Khun ba la kha marwei, uba long ha ka shadem U Kpa, u hi u la pynpaw ïa u.

ÏOANNIS 1:2

Une u la don ha kaba mynnyngkong bad U Blei.

ÏOANNIS 16:28

Nga la mih noh na uta U Kpa, bad nga la wan sha ka pyrthei; pat nga iehnoh ïa kata ka pyrthei, bad nga leit sha uta U Kpa.”

ÏOANNIS 17:5

Te mynta, ko Kpa, to pyndonburom ma me ïa nga lem bad ma lade, da kata ka burom kaba nga la don bad me, mynshuwa ba la long ka pyrthei.

ÏOANNIS 20:28

U Thomas te u la ïathuh, bad u la ong ha U, “U Trai jong nga, bad U Blei jong nga!”

ÏOANNIS 8:58

U Jisu u la ïathuh ha ki, “Shisha, shisha nga ong ha phi, mynba ym pat kha ïa u Abraham, nga, nga long.”

Ka Shithi U Paul Sha Ki Nong Rom 9:5

kiba ki jong ki, long kita ki kpa, bad na ki, ba la mih U Khrist katba kum ka doh, uba long halor baroh, U Blei ba la kyrkhu keiñ sha ki bymjukut! Amen.

EPHESOS 3:9

bad ïa ka ban pynsngewthuh ïa ki briew baroh, kaei long kata ka jingpynïaid jong kata ka jingmaïan, ïa kaba la buhrieh na bymjukut ha U Blei uba la thaw ïa kiei kiei baroh:

PHILIPPI 2:6

uba haba u long ha ka dur U Blei, um shym la ñiew eh ïa ka ban bat ban long marryngkat bad U Blei,

KOLOSSAI 1:15

Uba long ka dur U Blei u bym lah ïohi, uba la kha nyngkong na ka jingthaw baroh;

KOLOSSAI 1:17

bad u long mynshuwa kiei kiei baroh, bad ha u kiei kiei baroh ki ïaneh lang.

1 TIMOTHI 3:16

Bad khlem ka jingïasaid, kaba khraw ka jingmaïan ka jong ka niam Blei: Uta uba la paw ha ka doh, ba la ksan ha U Mynsiem, ba la ïohi da ki angel, ba la ïalap hapdeng ki Jentil, ba la ngeit ha ka pyrthei, ba la pdiang haneng ha ka burom.

TITOS 2:13

kiba ïakhmih ïa kata ka jingkyrmen basuk, bad ïa ka jingmihpaw ka burom jong U Blei Bakhraw bad U Jisu Khrist U Nongpynim jong ngi;

HEBRU 13:8

U Jisu Khrist u long ujuh mynhynnin, bad mynta, bad sha bymjukut.

HEBRU 7:3

uba khlem kpa, uba khlem kmie, uba khlem jinghiar pateng, u bymdon ka jingsdang ki sngi, lymne ka jingkut ka jingim, hynrei, ïa uba la pynlong syriem ïa U Khun U Blei), u ïaisah u lyngdoh bymjukut.

2 PETROS 1:1

U Simon Petros, u shakri bad u apostol U Jisu Khrist, Ha kita kiba la ïoh ïa ka jingngeit bakordor ryngkat bad ka jong ngi, da ka hok U Blei bad U Nongpynim jong ngi U Jisu Khrist:

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.

1 ÏOANNIS 5:7

Bad dei uta U Mynsiem uba phla, naba uta U Mynsiem u long ka jingshisha.

JINGPYNPAW 1:11

ka da ong, “Nga long ma nga U Alpha bad U Omega, u banyngkong bad u bakhatduh: ïa kaba me ïohi, to thoh ha ka kitab, bad to phah ha kita ki hynñiew balang; sha Ephesos, bad sha Smyrna, bad sha Pergamos, bad sha Thiateira, bad sha Sardis, bad sha Philadelphia, bad sha Laodikaïa.”

JINGPYNPAW 1:17

Bad haba nga la ïohi ïa u, nga la kyllon sbak ha ki kjat jong u kum uba ïap. U te u la buh ïa ka kti kamon jong u ha nga, u da ong, “To wat sheptieng; nga long ma nga u banyngkong bad u bakhatduh, bad uta U Ba-im;

JINGPYNPAW 1:2

uba la phla ïa ka ktien U Blei, bad ïa ka jingphla U Jisu Khrist, ïa kita kiei kiei baroh keiñ kiba u la ïohi.

JINGPYNPAW 1:8

“Nga long ma nga U Alpha bad U Omega,” ong U Trai uba U Blei, uta uba long bad uba ju long bad uta u ban sa wan, uta U Badonbor Baroh.

JINGPYNPAW 19:13

Bad la pynkup ïa u da ka jaiñkup ïa kaba la wieh ha ka snam: bad la khot ïa ka kyrteng jong u, “U Ktien jong U Blei”.

JINGPYNPAW 2:8

“Bad ha uta u angel jong ka balang ha Smyrna to thoh: Ïa kine kiei kiei ruh u ong uta u banyngkong bad u bakhatduh, uba la jia long u baïap, bad u la im pat:

JINGPYNPAW 21:6

Bad u la ong ha nga, “La pyndep. Nga long ma nga U Alpha bad U Omega, u basdang bad u bakut. Ha uta u basliang ngan ai ei na ka jong kata ka pukri ka um ka jingim.

JINGPYNPAW 22:13

Nga long ma nga U Alpha bad U Omega, u banyngkong bad u bakhatduh, u basdang bad u bakut.”

JINGPYNPAW 3:14

“Bad ha uta u angel jong ka balang ha Laodikaïa to thoh: Ïa kine kiei kiei ruh u ong U Amen, U Nongphla U Baïaineh bad U Bashisha, ka jingsdang ka jingpynlong jong U Blei: