HEBRU 9:9 - KA BAIBL

⁹ kaba long ka pharshi haduh ka aïom kaba mynta; ha kaba la ainguh ki jingainguh ruh bad ki jingkñia ki bym lah ban pynjanai ïa ka jingïatiplem jong uta uba mane,

Khasi CL Bible (BSI)

⁹ Kane ka long ka dur kaba kdew sha ka por kaba mynta. Ka mut ba ka jingainguh bad ki jingkñia da ki mrad ïa kiba la ai sha U Blei kim lah satia ban pynjanai ïa ka dohnud jong uta uba mane,

HEBRU 9:9 Mawu Ofanana

Ka Shithi U Paul Sha Ki Nong Rom 5:14

Pynban, kata ka jingïap ka la synshar naduh u Adam haduh u Moses, wat halor kita ruh ki bym shym la lah leh pop ha kaba syriem ïa kata ka jingpalat u Adam, uba long ka dur jong uta u ban sa wan.

GALATIA 3:21

Hato kata ka hukum te ka ïapyrshah ïa kita ki jingkular U Blei? Em, ym kumta! namar lada la lah ai ka hukum kaba lah ban pynim, da shisha, ka hok ka da long na ka hukum keiñ.

HEBRU 10:11

Te shisha u lyngdoh baroh u ïeng ha la ka sngi u da shakri bad u da ainguh bunsien ïa kita ki jingkñia kijuh, ki bym lah lano lano ruh ban kit noh ïa ki pop;

HEBRU 11:19

u da kheiñ ba U Blei u lah ban pynmih pat wat na ki baïap; nangta ruh u la ïoh pdiang pat ïa u ha ka jingsyriem.

HEBRU 5:1

Namar ïa u rangbah lyngdoh baroh ba la shim napdeng ki briew, la thung na ka bynta ki briew ha kiei kiei kiba dei sha U Blei, ba un ïoh ainguh ïa ki jingai bad ki jingkñia namar ki pop:

HEBRU 7:11

Te lada don ka jingjanai da kata ka jinglong lyngdoh ki Lebi (namar ha ka, uta u paidlang u la ïoh ïa ka hukum), dang donkam aïu ba uwei pat u lyngdoh un mih ha kata ka rukom u Melkhisedek, bad ban ym kheiñ ïa u ha kata ka rukom u Aaron?

HEBRU 8:4

Te lada u la don ha ka khyndew, un ym da long lyngdoh satia, haba ki don kita ki lyngdoh kiba ju ainguh ïa kita ki jingainguh katba kum ka hukum;

HEBRU 9:24

Namar U Khrist u la leit rung ym sha ka Jaka kyntang ba la thaw da ki kti, kaba syriem ïa kata kaba shisha; hynrei, sha kata ka bneng hi, mynta ban paw ha khmat U Blei na ka bynta jong ngi:

1 PETROS 3:21

Kaba ha ka jingpynshisha jong ka, kata ka jingpynbaptis, ka pynim ïa ngi mynta ruh (ym kaba buh noh ïa ka jingtngit ka doh, hynrei, ka jingwad ka jingïatiplem babha sha U Blei), da ka jingpynmihpat ïa U Jisu Khrist,