HEBRU 9:7 - KA BAIBL

⁷ Hynrei, sha kata ka ba-ar, tang u rangbah lyngdoh hi shi sien shi snem, ym khlem ka snam, ïa kaba u ainguh na ka bynta ïa lade, bad na ka bynta ka lait ka let jong u paidlang;

Khasi CL Bible (BSI)

⁷ hynrei tang u rangbah lyngdoh uba rung sha ka bynta kaba shapoh jong ka Ïingjaiñ, bad u leh kumta tang shisien shisnem. U rah bad u ïa ka snam ïa kaba u ainguh ha U Blei na ka bynta ïa lade bad na ka bynta ki pop ba ki briew ki leh khlem sngewthuh ba ki la leh pop.

HEBRU 9:7 Mawu Ofanana

2 SAMUEL 6:7

Bad ka jingbitar U Trai ka la meh lep ïa u Ussah; bad U Blei u la shoh ïa u hangta namar kata ka jingleh klet; bad hangta u la ïap hajan kata ka synduk U Blei.

2 KHRONIKL 33:9

Te u Manasseh u la pynbakla ïa ki Judah bad ïa kiba shong ha Jerusalem, kumta ba ki la kham leh bymman ban ïa kaba la leh ki jaid bynriew, ïa kiba U Trai u la pynjot ha khmat ki khun Israel.

SALM 19:12

Uei uba lah ban shemphang ïa la ki jingbakla? To pynkhuid ma me ïa nga na ki jinglait barieh.

SALM 95:10

Jin sawphew snem nga la sngewsih ïa kata ka pateng bynriew, bad nga la ong, ‘U long u paidbah uba bakla ha la ka dohnud, bad kim shym ithuh ïa ki lynti jong nga.’

EKSODOS 30:10

Bad u Aaron un pynlong ïa ka jingkñia bapynïasuk halor ki reng jong ka, shi sien shi snem: da ka snam kata ka jingkñia sait pop bapynïasuk, shi sien shi snem keiñ, un pynlong ïa ka kuna halor jong ka ha ki pateng la pateng bynriew jong phi: ka long ka bakyntang tam ïa U Trai.”

ISAÏAH 28:7

Hynrei, kine ruh ki la bakla da ka Waiñ, bad da ka 'iad rot ki la ïaid sakma; u lyngdoh bad u nongïathuhlypa ki la bakla da ka 'iad rot, la nguid tylli ïa ki da ka Waiñ, ki la ïaid sakma da ka 'iad rot; ki bakla ha ka jingithuhpaw, ki jynthut ha ka jingbishar.

ISAÏAH 29:14

namar kata, ha khmih, ngan leh pat ïa ka kam phylla hapdeng une u paidlang, ka kam phylla keiñ bad ka dak khyllah: te ka jingstad jong ki bastad jong ki kan duh noh, ïa ka jingshemphang jong ki basian jong ki ruh yn buhrieh noh.”

ISAÏAH 3:12

U paidlang jong nga, ki khynnah ki long ki nongbanbeiñ jong ki, bad ki kynthei ki synshar halor jong ki. Ko u paidlang jong nga, kita kiba ïalam ïa me ki pynsakma ïa me, bad ki pynjot ka lad ki lynti ïaid jong me.

ISAÏAH 9:16

Naba kita kiba ju ïalam ïa une u paidlang ki pynïaid sakma ïa ki; bad ïa kiba la shah ïalam da ki la pynjot noh.

HOSIA 4:12

U paidlang jong nga u ïaikylli ha la u dieng, bad u diengduh jong ki u ïathuh ha ki: namar ka mynsiem ka jingleh nuti ka la pynbakla ïa ki, bad ki la ïaid nuti napoh la U Blei.

LEBITIKOS 16:34

Kane ruh kan long ka hukum ba-neh junom ïa phi, ïa ka ban pynlong ka jingpynïasuk na ka bynta ki khun Israel namar ki pop jong ki baroh shi sien shi snem.” Bad u la leh kumba U Trai u la hukum ïa u Moses.

LEBITIKOS 5:18

Bad ka dei ïa u ban wallam ha u lyngdoh da u langbrot bajanai bha na ki kynhun, lem bad ka jingkheiñ dor jong me, ban long ka jingkñia namar ka jingpalat: bad uta u lyngdoh un pynlong ka jingpynïasuk na ka bynta jong u, namar kata ka jingleh khlem pyrkhat jong u ha kaba u la leh let, bad um tip; ynda kumta, yn map noh ïa u.

AMOS 2:14

Bad ka bor phet noh kan duh noh na uba stet, bad uba khlaiñ un ym ïoh pynkhlaiñ ïa la ka bor, lymne uba shait un ym pynim ïa la ka mynsiem:

JINGKHEIÑ 15:25

Te u lyngdoh un pynlong ka jingpynïasuk na ka bynta uta u paidbah baroh ki khun Israel, te yn map noh ïa ki; namar ka long ka jingbymtip, bad ki la wallam ruh ïa la ka jingainguh, ka jingkñia da ka ding ha U Trai, bad ïa ka jingkñia sait pop jong ki ha khmat U Trai, namar ka jingbymtip jong ki:

EPHESOS 4:18

ba la pyndum ïa ki ha ka jingshemphang jong ki, ba la pynlong khun sohsyiem na ka jingim ka jong U Blei namar kata ka jingbymtip kaba ha ki, namar ka jingpyneh ka dohnud jong ki:

HEBRU 10:3

Hynrei, ha kita ki jingkñia, don ka jingpynkynmaw ïa ki pop ha la ka snem ka snem.

HEBRU 6:19

ïa kaba ngi don kum ka angkor ïa ka mynsiem ba-neh den ruh bad baskhem, bad kaba leit bsut sha kata kaba hapoh ka jingkah;

HEBRU 7:27

u bymdonkam ha la ka sngi kum kita ki rangbah lyngdoh, ban kñia jingkñia shuwa namar ki pop la ki jong hi, bad hadien kata, namar ki pop u paidlang; namar ïa kane, u la leh tang shi sien leh, mynba u la kñia noh ïa lade.

HEBRU 9:3

Bad shadien ka jingkah ka ba-ar Ka Tabernakl ïa kaba la khot “ka Jaka kyntang tam”;