HEBRU 9:12 - KA BAIBL

¹² lymne da ka snam ki blang bad ki khun masi, hynrei, da ka snam jong u hi, u leit rung tang shi sien sha kata ka Jaka kyntang, haba u la ïoh ïa ka jingsiewspah bymjukut.

Khasi CL Bible (BSI)

¹² Haba U Khrist u la ïaid lyngba kane ka ïingjaiñ bad rung tang shisien shapoh ka Jaka Bakyntang Tam, um shym la shim ïa ka snam ki blang bad ki masi kyrtong ban ainguh kum ka jingkñia; hynrei, u shim ïa la ka jong ka snam, bad pynïoh ïa ka jingim bymjukut na ka bynta jong ngi.

HEBRU 9:12 Mawu Ofanana

DANIEL 9:24

“Hynñiewphew taïew la pynkut halor ki briew jong me bad halor kata ka nongbah bakhuid jong me, ïa ka ban pyndep ïa ka jingpalat, bad ban pynwai noh ïa ki pop, bad ban pynlong ka jingpynïasuk na ka bynta ka jingbymhok, bad ban wallam noh ïa ka hok bymjukut, bad ïa ka ban pyndait laha ïa ka jingithuhpaw bad ïa ka jingïathuhlypa, bad ban pynsleh ïa U Bakhuid Tam Eh.

LEBITIKOS 16:15

“Ynda kumta, un pynïap ïa u 'lang sohmoh jong ka jingkñia namar ka pop, uba na ka bynta u paidlang, bad un wallam ïa ka snam jong u hapoh ka jingkah, bad un leh bad kata ka snam kumba u la leh bad ka snam uta u masi lyngraw, bad un synreit ïa ka halor kata ka jingtap-isynei, bad ha khmat ka jingtap-isynei ruh.

LEBITIKOS 4:3

lada uta u lyngdoh ba la pynsleh un leh pop kat ban pynlong pop ïa u paidbah; te un kñia na ka bynta kata ka pop jong u ba u la leh, da u masi lyngraw bajanai bha, ïa ka ban long ka jingkñia namar ka pop ha U Trai.

LEBITIKOS 8:2

“To shim ïa u Aaron bad ki khun shynrang jong u lem bad u, bad ïa ki jaiñkup, bad ïa ka umphniang ka jingpynsleh, bad ïa uwei u masi lyngraw ban long ka jingkñia namar ka pop, bad ïa ki ar tylli ki 'lang shynrang, bad shi shang u kpu bakhlem thiat;

LEBITIKOS 9:15

U la wallam ruh ïa ka jingkñia ainguh ka jong u paidlang, bad u la shim ïa u 'lang sohmoh jong ka jingkñia namar ka pop na ka bynta uta u paidlang, bad u la pynïap ïa u, bad u la kñia ainguh ïa u na ka bynta ka pop, kum kata ka banyngkong.

SEKHARAÏAH 3:9

Naba ha khmih, u maw uba nga la buh ha khmat u Joshua; ha uwei u maw ki don hynñiew tylli ki khmat; ha khmih, ngan shniah ïa ka jingshniah jong u,’ ” ong U Trai ki paid, “bad ngan pynkynriah noh ïa ka pop jong kata ka ri ha kawei ka sngi.”

MARKOS 3:29

hynrei, uno uno ruh u ban krenbeiñ ïa U Mynsiem Bakhuid, ha la ka rta un ym ïoh ka jingmap, hynrei, u ban rem na ka pop bymjukut.”

LOUKAS 1:68

“Long ba la kyrkhu ïa U Trai uba U Blei jong u Israel; naba U la wan khmih, bad U la pynlong ka jingsiewspah ïa la ki briew;

KI KAM 20:28

To sumar shaphang ïa lade bad shaphang kata ka kynhun baroh, ha kaba U Mynsiem Bakhuid u la pynlong ïa phi ki nongsharai, ban bsa ïa ka balang U Blei, ïa kaba u la thied da ka snam jong u hi.

EPHESOS 1:7

ha uba ngi ïoh ka jingsiewspah da ka snam jong u, ka jingmap ïa ki jingpalat jong ngi, katba kum ka jingkynrei ka jingaiei jong u;

KOLOSSAI 1:14

ha uba ngi ïoh ïa ka jingsiewspah jong ngi, ka jingmap keiñ ïa ki pop jong ngi.

1 THESSALONI 1:10

bad ban khmih lynti ïa U Khun jong u na bneng, ïa uba u la pynmih pat na ki baïap, U Jisu keiñ, uba pyllait ïa ngi na kata ka jingbitar ka ban sa wan.

TITOS 2:14

uba la aiti noh ïa lade na ka bynta jong ngi, ba un ïoh siewspah noh ïa ngi na ka jingbymhok baroh, bad ba un pynkhuid ha lade hi ïa u paidlang ban long ka bynta kynti jong u hi, uba shitrhem ïa ki jingleh babha.

HEBRU 1:3

uba haba u long ka jingtyngshaiñ ka burom jong u, bad ka dur hi ka jinglong tynrai jong u, bad uba kyrshan ïa kiei kiei baroh da ka ktien ka bor jong u, haba u la lah pynlong ka jingpynkhuid ïa ki pop, u la shong ha ka kti kamon jong U Bakhraw Tam sha jrong;

HEBRU 10:19

Namar kata, ko parabangeit, haba ngi don ka jingshlur ïa ka ban leit sha kata ka Jaka kyntang da kata ka snam U Jisu,

HEBRU 10:4

Namar ka bym lah ïa ka snam ki masi kyrtong bad ki blang ban kit noh ïa ki pop.

HEBRU 13:12

Naba kumta, U Jisu ruh, khnang ba un ïoh pynkyntang ïa u paidbah da ka snam jong u hi, u la shah shabar kata ka khyrdop.

HEBRU 5:9

bad haba la pynbit janai ïa u, u la jia long u nongpynlong ka jingpynim bymjukut ïa kita baroh kiba kohnguh ïa u;

HEBRU 7:27

u bymdonkam ha la ka sngi kum kita ki rangbah lyngdoh, ban kñia jingkñia shuwa namar ki pop la ki jong hi, bad hadien kata, namar ki pop u paidlang; namar ïa kane, u la leh tang shi sien leh, mynba u la kñia noh ïa lade.

HEBRU 9:13

Namar lada ka snam ki blang bad ki masi kyrtong, bad ka dpei ka masi lud ba la synreit ïa kita ïa kiba la pyntngit, ka pynkhuid sha ka jingpynkhuid ïa ka doh,

HEBRU 9:14

da katno tam ka snam U Khrist, uba da U Mynsiem bymjukut u la ainguh ïa lade ba khlem jingduna ha U Blei, kan pynkhuid ïa ka jingïatiplem jong phi na ki jingleh baïap, ïa ka ban shakri ïa U Blei ba-im?

HEBRU 9:15

Te namar kane, u long U Ksiang ka jutang bathymmai, ba haba la jia ka jingïap ïa ka ban siewspah ïa kita ki jingpalat kiba hapoh kata ka jutang ka banyngkong, kita ïa kiba la khot, kin ïoh pdiang ïa ka jingkular ïa kata ka bynta bymjukut.

HEBRU 9:19

Namar ynda u Moses u la lah kren ïa ka hukum baroh ha uta u paidlang baroh katba kum ka hukum, u la shim ka snam ki khun masi bad ki blang, lem bad ka um, bad u 'ñiuh langbrot basaw hain, bad u Hyssop, bad u la synreit ïa kata Ka Kitab hi ruh bad ïa uta u paidlang baroh,

HEBRU 9:28

kumta, U Khrist ruh, haba la kñia ainguh tang shi sien ïa u, ïa ka ban bah noh ïa ki pop jong kiba bun, un mihpaw ha ka ba-ar sien, khlem bah ka pop, ha kita kiba khmih lynti ïa u, ïa ka jingpynim.

HEBRU 9:7

Hynrei, sha kata ka ba-ar, tang u rangbah lyngdoh hi shi sien shi snem, ym khlem ka snam, ïa kaba u ainguh na ka bynta ïa lade, bad na ka bynta ka lait ka let jong u paidlang;

JINGPYNPAW 1:5

bad na U Jisu Khrist, uba long U Nongphla ïa uba lah ban shaniah, ïa uba la kha nyngkong na ki baïap, bad U Nongsynshar ki syiem ka pyrthei. Ha uta uba la ieit ïa ngi, bad uba la sait ïa ngi na ki pop jong ngi ha ka snam jong u hi;

JINGPYNPAW 5:9

Bad ki ïarwai ïa ka jingrwai bathymmai, ki da ong, “Me long uba dei ban shim ïa kata ka kitab, bad ban plie ïa kita ki jingpyndait jong ka; naba la pynïap keiñ ïa me, bad me la siewspah ha U Blei da ka snam jong me ïa kiba na ka jaid, bad na ka thylliej, bad na u paidlang, bad na ka kynja bynriew baroh;