HEBRU 9:11 - KA BAIBL

¹¹ Hynrei, U Khrist haba u la wan long U Rangbah lyngdoh kita kiei kiei ki babha ki ban sa wan, da Ka Tabernakl kaba kham khraw bad kham janai, ka bym shym la thaw da ki kti, kata ka long, ym na ka jong kane ka pyrthei,

Khasi CL Bible (BSI)

¹¹ Hynrei U Khrist u la lah wan lypa kum U Rangbah Lyngdoh jong kiei kiei kiba bha kiba la don lypa hangne. Ka Ïingjaiñ ha kaba u shakri ka long kaba kham khraw bad kaba kham janai; kam dei ka ïingjaiñ kaba la shna da u briew, kata ka long, kam dei ka bynta jong kane ka pyrthei ïa kaba la thaw.

HEBRU 9:11 Mawu Ofanana

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

SALM 40:7

Ynda kumta, nga la ong, “Ha khmih, nga la wan; ha ka jingkhylliap ka kitab, la thoh shaphang jong nga:

ISAÏAH 59:20

“Bad U Nongsiewspah un wan ha Seïon, bad ha kita kiba phai noh na ka jingryngkang ha u Jakob,” ong U Trai.

JEREMAÏAH 33:8

Bad ngan pynkhuid ïa ki na ki jingbymhok jong ki baroh, da kiba ki la leh pop ïa nga, bad da kiba ki la ryngkang pyrshah ïa nga.

MALAKHI 3:1

“Ha khmih, nga phah ïa la u nonglam-ktien, bad un khreh ïa ka lynti ha shuwa jong nga: bad U Trai, uba phi ïawad, un wan kyndit sha la ka ïing: bad uta u angel ka jutang, ha uba phi ïasngewbha, ha khmih, u wan,” ong U Trai ki paid.

MATHAÏOS 11:3

bad u la kylli ha U, “Me long uta u ban sa wan, ne ngin ïa-ap ïa uwei pat?”

MATHAÏOS 2:6

“ ‘Pha ruh ka Bethlehem, ka ri Judia, pham long i barit tam hapdeng ki syiem Judia: naba na pha un mih U Nongsynshar, u ban sharai ïa ki briew jong nga ki Israel.’ ”

MARKOS 14:58

“Ngi la ïohsngew ïa u ba u da ong, ‘Ngan pynjot ïa kane ka templ ba la thaw da ki kti, bad ngan tei lai sngi ïa kawei pat ka bym da ki kti.’ ”

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 4:25

Kata ka briew ka ong ha u, “Nga tip ba u Messiah u wan, (ïa uba ki khot ‘U Khrist’), ynda la wan uta, un batai shai ha ngi ïa kiei kiei baroh.”

KI KAM 7:48

Te uta U Bahakhlieh Tam Eh um ju shong keiñ ha ki ïing ba la thaw da ki kti; kumba ong u nongïathuhlypa,

2 KORINTH 4:18

haba ngim khmih shuh ha kita kiei kiei ruh ïa kiba ïohi, hynrei, ïa kita kiei kiei ruh ki bymïohi; namar kita kiei kiei ruh ïa kiba ïohi ki long tang shibit, hynrei, kita kiei kiei ruh ki bymïohi ki long bymjukut keiñ.

2 KORINTH 5:1

Namar ngi tip skhem ba lada yn lied noh ïa ka ïing jong ngi kaba ha ka khyndew, kane ka ïingtrep keiñ, ngi don ka jingtei na U Blei, ka ïing ba la thaw bym da ki kti, ka bymjukut ha ki bneng.

KOLOSSAI 2:11

ha uba la otsher ïa phi ruh da ka jingotsher bym shym la thaw da ki kti, da kaba loit noh ïa ka met ka doh, ha ka jingotsher U Khrist;

HEBRU 10:1

Namar kata ka hukum haba ka don tang ka syrngiew kita kiei kiei ki babha ki ban sa wan, ym ka dur hi jong kita kiei kiei, kam lah lano lano ruh ban pynjanai ïa kita kiba wan hajan da kita ki jingkñia kijuh ha la ka snem ka snem, ïa kiba ki ainguh ha la ka sngi;

HEBRU 12:27

Te kane ka ktien, “Sa shi wat shuh”, ka pyni ïa kata ka jingpynkynriah ïa kita kiei kiei ruh ïa kiba la pynkhih, kum ïa kiei kiei ruh ba la shu thaw, khnang ba kita kiei kiei ruh ïa ki bym shym pynkhih, kin ïoh sah.

HEBRU 13:14

Namar ngim don hangne ka nongbah kaba ïaineh, hynrei, ngi ïawad ïa kata ka ban sa wan.

HEBRU 2:17

Namar kata, ka la dei ban pynlong ïa u, uba syriem ïa la ki para ha kiei kiei baroh, ba un ïoh long U Rangbah lyngdoh ba-isynei bad ïa uba lah ban shaniah ha kiei kiei kiba dei sha U Blei, ba un pynlong ka kuna namar ki pop u paidlang.

HEBRU 3:1

Naba kumta, ko parabangeit bakhuid, ki nongïoh bynta na ka jingkhot bakynja bneng, to phin pyrkhat ïa u Apostol bad U Rangbah lyngdoh ka jingphla jong ngi, U Jisu keiñ;

HEBRU 4:15

Namar ngim don u Rangbah lyngdoh u bym lah ban ïasngewlem bad ki jingtlot jong ngi; hynrei, ïa uba la pynshoi ha kiei kiei baroh syriem ïa ngi, hynrei, khlem pop.

HEBRU 7:1

Namar une u Melkhisedek, u syiem ka Salem, u lyngdoh jong U Blei U Bahakhlieh Tam Eh, uba la ïashem bad u Abraham haba u dang wan phai na kata kaba pom ïa kita ki syiem, bad uba la kyrkhu ïa u;

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.

2 ÏOANNIS 1:7

Naba shibun ki nongshukor ki la ïaleit mih sha ka pyrthei, ki bymïaphla ba U Jisu Khrist u wan ha ka doh. Une keiñ, u long uta u nongshukor bad u nongïaleh pyrshah ïa U Khrist.