HEBRU 8:5 - KA BAIBL

⁵ kiba shakri niam ïa ka dur bad ka syrngiew kita kiei kiei bakynja bneng, kumba la maham ïa u Moses da U Blei, haba un sa thaw ïa kata Ka Tabernakl: namar, “To sumar”, U ong, “ba men thaw ïa kiei kiei baroh katba kum kata ka nuksa ïa kaba la pyni ha me ha uta u lum.”

Khasi CL Bible (BSI)

⁵ Ka kam kaba ki leh kum ki lyngdoh ka long shisha tang kum ka dur bad ka syrngiew ïa kaei kaba don ha bneng. Ka la long kajuh kumba ka la long bad u Moses. Haba u la dei ban thaw ïa kata ka Ïingjaiñ ka Jutang, U Blei u la ong ha u, “Pynthikna ban thaw ïa kiei kiei baroh kat kum kata ka nongmuna ïa kaba la pyn-i ha me halor uta u lum.”

HEBRU 8:5 Mawu Ofanana

1 KHRONIKL 28:12

bad ïa ka nuksa jong kita baroh ba u la ïoh da U Mynsiem, ïa ki phyllaw ka ïing U Trai, bad ïa ki kamra baroh sawdong, ïa ki ïing jingkynshew jong ka ïing U Blei, bad ïa ki ïing jingkynshew ïa kiei kiei ki bakyntang:

1 KHRONIKL 28:19

“Ïa kane baroh,” ong u Dabid, “la pynsngewthuh ïa nga ha ka jingthoh na ka kti U Trai, ïa ki kam baroh jong kane ka nuksa.”

EKSODOS 25:40

Te men sumar ba men thaw ïa ki keiñ ha la ka dur ka dur, ïa kaba la pyni ha me ha uta u lum.

EKSODOS 25:9

Katba kum kita baroh ïa kiba nga la pyni ha me, ïa kata ka dur Ka Tabernakl, bad ki dur ki jingbuh jong ka baroh, kumta keiñ phin thaw ïa ka.

EKSODOS 26:30

Bad men pynïeng ïa Ka Tabernakl katba kum kata ka dur jong ka, ïa kaba la pyni ha me ha uta u lum.

EKSODOS 27:8

Men thaw ïa ka, kaba thliew da ki lyntang kumba la pyni ïa me ha uta u lum, kumta hi keiñ, men thaw ïa ka.

JINGKHEIÑ 8:4

Te kane ka jingthaw ïa kata ka dieng pynïeng sharak, ka la long ka ksiar keiñ ba la shoh tylli: naduh ka met jong ka haduh ki syntiew jong ka, ka la long ka ksiar ba la shoh tylli: katba kum kata ka dur ba la pyni U Trai ha u Moses, kumta u la thaw ïa kata ka dieng pynïeng sharak.

MATHAÏOS 2:12

Te haba la maham lypa ïa ki na U Blei ha ka jingphohsniew ba kin ym leit phai pat sha u Herod, ki la ïaleit noh sha la ka ri na kawei pat ka lynti.

KI KAM 7:44

“Ki kpa jong ngi ki la don kata Ka Tabernakl ka jingphla, ha ka ri khlaw, kumba la hukum uta uba la kren ha u Moses, ba un thaw ïa ka katba kum kata ka dur ïa kaba u la lah ïohi.

KOLOSSAI 2:17

kiba long ka syrngiew ïa kiei kiei ki ban sa wan; hynrei, ka met ka long ka jong U Khrist.

HEBRU 10:1

Namar kata ka hukum haba ka don tang ka syrngiew kita kiei kiei ki babha ki ban sa wan, ym ka dur hi jong kita kiei kiei, kam lah lano lano ruh ban pynjanai ïa kita kiba wan hajan da kita ki jingkñia kijuh ha la ka snem ka snem, ïa kiba ki ainguh ha la ka sngi;

HEBRU 11:7

Da ka jingngeit, u Noah haba la maham ïa u da U Blei shaphang kita kiei kiei ïa ki bym pat shym la ïohi, haba la pynkhih ïa u da ka jingtieng riewblei, u la thaw ka ïinglieng ban pynim ïa ka ïing jong u; da kaba u la pynrem ïa ka pyrthei, bad u la jia long u nongïoh pateng ïa kata ka hok kaba katba kum ka jingngeit.

HEBRU 12:25

To sumar ba phin ym kyntait noh ïa uta uba kren. Namar lada kita kim shym lait, haba ki la kyntait ïa uta uba la maham ïa ki ha ka khyndew, sa katno tam te ma ngi kiba phai noh na uta uba maham na bneng:

HEBRU 13:10

Ngi don ka duwan na kaba kita kiba shakri ïa kata Ka Tabernakl kim don hok ban bam.

HEBRU 9:9

kaba long ka pharshi haduh ka aïom kaba mynta; ha kaba la ainguh ki jingainguh ruh bad ki jingkñia ki bym lah ban pynjanai ïa ka jingïatiplem jong uta uba mane,

JOSHUA 22:28

Namar kata, ngi la ïa-ong, ‘Kan long, haba kin ong kumta ha ngi lane ha ki khun ki ksiew jong ngi lashai lashisngi, ba ngi ruh ngin ong pat, “Ha khmih, ka dur ka duwan U Trai, kaba ki kpa jong ngi ki la thaw, ym ïa ka jingainguh thang, lymne ïa ka jingkñia; hynrei, ka long ka sakhi hapdeng jong ngi bad jong phi.” ’

JINGPYNPAW 15:5

Bad hadien kine kiei kiei ruh, nga la ïohi, bad ha khmih, la plie wang ïa ka templ jong Ka Tabernakl jong ka jingphla ha bneng;